Свет
(Видео) Украински дрон ја нападна најголемата рафинерија во Русија: избувна пожар во објектот на „Роснефт“
Украински беспилотни летала целеле на нафтена рафинерија во сопственост на „Роснефт“ во јужна Русија, изјави украински извор, пренесе „Ројтерс“.
По нападот, во текот на ноќта избувна пожар во извозно ориентирани единици во градот Туапсе, во југозападниот дел на покраината Краснодар, но локалните руски власти рано утринава соопштија дека пожарот е изгаснат.
„Вакуум единицата беше во пламен. Според прелиминарните информации, нема жртви или повредени“, изјави на „Телеграм“ началникот на областа Туапсе, Сергеј Бојко.
Largest Rosneft oil refinery on the Black Sea, Putin’s crony Sechin’s pride and joy, is ablaze in Tuapse after a reported drone attack. Perhaps the most effective sanctions against Russia to date pic.twitter.com/LwmFFwfF4C
— Maria Avdeeva (@maria_avdv) January 25, 2024
Немаше реакција од најголемиот руски производител на нафта. Според украинскиот извор, службата за безбедност СБУ ја погодила рафинеријата со беспилотни летала, кои, како што додава изворот, ќе продолжат да гаѓаат објекти што обезбедуваат гориво за руските војници.
„СБУ удира длабоко во Руската Федерација и продолжува да ги напаѓа објектите не само важни за руската економија, туку и оние што обезбедуваат гориво за непријателските трупи“, изјави украински извор за „Ројтерс“.
Неофицијалните канали на „Телеграм“ споделија фотографии од пожарот потврдувајќи дека беспилотните летала се одговорни за нападот на рафинеријата.
Погодената фабрика има годишен капацитет од 12 милиони тони (240.000 барели дневно) и произведува нафта, мазут, вакуумски бензин и дизел со висока содржина на сулфур.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.