Свет
(Видео) Украинците имаат едноставно решение за најсовременото руско оружје

Тоа се рибарски мрежи, но не се користат за фаќање риба, тие ловат руски дронови. Мрежите се распоредени на патиштата што водат до најопасните точки на истокот од Украина, над воените пунктови и артилериските позиции. Тие се шијат во градови далеку од бојното поле или пристигнуваат од нордиските пристаништа и се донација од рибари на кои повеќе не им се потребни, пишува „Њујорк тајмс“.
Нивната цел е да ги запрат руските дронови што го преплавуваат небото над бојното поле и напаѓаат сè што се движи.
Another great catch! russian drone caught in Ukrainian nets. Nets save lives and equipment! pic.twitter.com/hXNhMTYoW4
— De Leeuw Kyiv 🇺🇦🇳🇱 (@deleeuwkyiv) June 13, 2025
Благодарение на густата мрежа, пропелерите на дроновите може да се заплеткаат и на тој начин да се онеспособат. Тоа е едноставна, но ефикасна одбрана од дронови, кои се премногу брзи за да се соборат и може да одат длабоко зад бојната линија.
Русија сè повеќе користи дронови поврзани со оптички кабли наместо оние што зависат од радиосигнали. Ваквите дронови се отпорни на блокирање, што инаку е стандарден метод за борба против нив. Мрежите станаа едно од ретките средства за запирање на овие беспилотни летала пред да удрат.
As anti-FPV road net tunnels expand on both sides in Ukraine, it has become clear that fishing nets are the best material choice.
Besides being light and strong, they are apparently very difficult to see with analog FPV cameras.
Note how hard it is to see the net in the video.
1/ https://t.co/GXOQkVOqnV pic.twitter.com/rYJrLiHBWD— Roy🇨🇦 (@GrandpaRoy2) May 5, 2025
„Воените инженери забележаа дека дури и обична рибарска мрежа може да запре или оштети непријателски дрон“, изјави неодамна за локалните медиуми потполковник Максим Кравчук, раководител на комуникациите на Одделот за инженерство на украинската армија. Тој додаде дека мрежите сега се распоредуваат на целата линија на фронтот, од исток кон југ.
Москва беше првата што ги користеше мрежите на овој начин, вели Федерико Борсари, експерт за воена технологија во Центарот за анализа на европските политики, и тоа во помал обем во средината на 2023 година. Во тоа време руските сили ги користеа мрежите за одбрана од украински мали напаѓачки беспилотни летала што напаѓаа војници и возила.
Минатата година руската државна новинска агенција ТАСС објави дека нејзините војници почнале да поставуваат рибарски мрежи над патиштата во делови од окупираната североисточна Украина. Снимките прегледани од „Њујорк тајмс“ исто така покажуваат мрежи поставени во близина на Бахмут, град што Русите го освоија во 2023 година по крвави борби, пренесува медиумот.
Како што Москва почна да доминира во развојот на беспилотни летала, украинската војска почна да користи слични тактики. Киев сега планира да ги покрие клучните патишта по целата линија на фронтот со мрежи создавајќи таканаречени мрежни коридори, што им овозможуваат на возилата да минуваат побезбедно.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Катар го прифати извинувањето на Нетанјаху

Катар го поздрави извинувањето и ветувањето на израелскиот премиер Бенјамин Нетанјаху дека Израел нема повторно да изврши напад врз Доха, соопшти Белата куќа.
Нетанјаху претходно денеска од Белата куќа телефонски разговарал со катарскиот премиер Мохамед бин Абдурахман Ал Тани, извинувајќи се за нападот насочен кон раководството на Хамас, со кој била нарушена катарската сувереност.
Во заедничкото соопштение беше потврдено дека е воспоставен „трилатерален механизам“ за подобрување на односите. Катарскиот премиер ги поздравил гаранциите од Израел, нагласувајќи ја подготвеноста на Доха за понатамошна соработка во интерес на регионалната безбедност и стабилност.
Свет
„Ројтерс“: Нетанјаху му се извинил на Катар за нападот врз Доха

Израелскиот премиер, Бенјамин Нетанјаху, се извинил на Катар поради израелскиот воздушен напад врз Доха од почетокот на месецов, во кој цел биле функционери на Хамас, јави „Ројтерс“.
Според извор близок до израелскиот премиер, тој телефонирал со катарскиот премиер Мохамед бин Абдурахман Ал Тани од Белата куќа, каде што во исто време американскиот претседател Доналд Трамп остварил контакт со Катар.
Извинувањето доаѓа во момент кога Нетанјаху престојува во Вашингтон на средба со Трамп. Главна тема е новиот мировен план од 21 точка, со кој се предвидува прекин на огнот, ослободување на израелските заложници и воспоставување ново управување со Газа без учество на Хамас.
Катар претходно го осуди израелскиот напад како „подмолен“ и „груб прекршок на меѓународното право“. Во исто време, Нетанјаху е под силен притисок да го прифати американскиот план кој ја исклучува анексијата на Западниот Брег и бара формирање нова палестинска влада.
Свет
Осомничениот во случајот со Медлин Мек Кен: „Вратете ми го животот!“

Кристијан Брукнер, осомничен во истрагата за исчезнувањето на Медлин Мек Кен, за првпат јавно проговори по излегувањето од затвор. Во интервју за „Скај њуз“ рече дека е жртва на „лов на вештерки“ и побара да му се врати нормалниот живот.
„Не се чувствувам слободен. Носам нараквица и под 24-часовен надзор сум. Сакам ова да престане и некој да преземе одговорност,“ изјави Брукнер.
Тој се обиде да влезе во канцеларијата на германскиот обвинител Ханс Кристијан Волтерс, кој претходно јавно тврдеше дека има докази дека Брукнер ја киднапирал и убил Медлин, иако призна дека тие не се доволни за подигнување обвинение.
Брукнер (49) неодамна беше ослободен по издржана казна за друго кривично дело. Германските медиуми јавуваат дека по неговото ослободување бил сместен во привремено живеалиште, но по јавниот притисок и протестите на граѓаните, бил преместен од градот Нојминстер.
На директно прашање дали има врска со исчезнувањето на британското девојче, Брукнер одговори дека по совет на адвокатите нема да зборува на таа тема.
Тригодишното девојче исчезна од апартмански комплекс во Праја да Луз во Португалија на 3 мај 2007 година, што предизвика истрага низ цела Европа и стана еден од најпознатите случаи на исчезнати лица. Нејзините родители вечерале со пријателите во блискиот ресторан додека таа и нејзините помали браќа и сестри близнаци спиеле во станот. Нејзината мајка Кејт открила дека Медлин ја нема околу 22 часот по локално време.
Случајот останува нерешен, но германските обвинители велат дека имаат докази кои сугерираат дека Брикнер можеби бил во областа кога исчезнала Медлин. Волтерс рече дека иако тој и другите обвинители не веруваат дека имаат доволно докази за формално да го обвинат Брикнер во случајот Меккен, нивните напори ќе продолжат.