Свет
(Видео) Уништени згради, дивеење на новогодишната ноќ во Германија: „Како граѓанска војна“
„Во поголем број од градовите во Германија, новата година започна мирно и радосно“, вака сојузната министерка за внатрешни работи Ненси Фезер ја балансираше новогодишната ноќ.
Истовремено, политичарот на СПД ги осуди сите оние граѓани кои со употреба на пиротехнички средства ги попречувале акциите на припадниците на полицијата, пожарникарите и итната помош на терен. Сторителите мора да бидат казнети со сета сила на законот, додаде Фезер, пренесува ДВ.
🇩🇪 Detached fingers, deaths, and hundreds detained: Germany rings in 2025 with fireworks and violence
Five people were killed and over a hundred injured due to mishandling fireworks during New Year's celebrations in Germany. In Berlin alone, 330 individuals were detained on New… pic.twitter.com/dILGzIyBly
— NEXTA (@nexta_tv) January 2, 2025
Во меѓувреме се засили политичката дебата за последиците од новогодишните инциденти. Шефот на баварската полиција Јоаким Херман јавно зборуваше за „ситуации слични на граѓанска војна“. Тој се осврна на настаните во Берлин, а во тој контекст рече: „Ако луѓето се сериозно повредени, ако цели станбени згради станат непогодни за живеење поради употреба на експлозивни направи, тогаш црвената линија е помината“.
New year’s celebrations in Berlin, Germany
pic.twitter.com/ptPHY5VSae— Special Situations 🌐 Research Newsletter (Jay) (@SpecialSitsNews) January 1, 2025
Заменик-претседателот на пратеничката група на СПД во Бундестагот, Дирк Визе, за весникот Велт изјави дека е крајно време законски да се зајакне заштитата на спасувачките тимови. Поранешниот федерален министер за правда Марко Бушман од ФДП не ги презеде неопходните чекори во овој поглед, смета Визе. Тој побара од Унијата ЦДУ/ЦСУ „да ја прекине политиката на блокада по ова прашање и да го поддржи предлог-законот насочен кон подобра заштита на спасувачките тимови“.
Синдикатот на вработените во полицијата (БДП) е загрижен поради фактот што „потребен е се повеќе персонал за заштита на населението и членовите на спасувачките тимови“. Претседателот на БДП, Јохен Копелке, забележува дека сите кадровски и правни опции во ова прашање се исцрпени. Напади врз полицијата или пожарникарите се регистрирани, меѓу другото, во Берлин, Минхен, Келн, Лајпциг и Хамбург.
Во Берлин, според градските власти и полицијата, за време на новогодишната ноќ се повредени 37 полицајци и еден припадник на противпожарната служба. Еден полицаец е тешко ранет, се претпоставува дека е повреден во експлозија на нелегално пиротехничко средство.
Во Лајпциг околу 50 лица нападнаа полицајци со пиротехнички средства и шишиња. Во Минхен неколку стотици луѓе дивееле на новогодишната ноќ, меѓу другото нападнале и полицајци. Портпаролката на полицијата рече дека се работи за 200-300 лица од левичарскиот спектар.
Германскиот Црвен крст апелира граѓаните поинтензивно да се сензибилизираат по ова прашање. „Мора да се подигне свеста дека членовите на спасувачките тимови даваат важен социјален придонес за секој поединец, тоа е придонес кој спасува животи“, изјави претседателката на Црвениот крст Герда Хаселфелд за медиумската група „Функе“.
И првиот човек на БДП, Копелке, го коментираше трагичниот исход од новогодишната ноќ. Пет лица загинаа при употреба на пиротехнички средства. Тој рече дека тоа е „страшен биланс за првиот ден од новата година“. Бројните повредени лица и видеата на социјалните мрежи покажуваат дека за многу луѓе нормалниот огномет веќе не е доволен, рече Копелке: „Мора да има се повеќе и повеќе експлозивна моќ, поголеми експлозии, многу оган“.
Поради употреба на нелегални пиротехнички средства, односно производи кои се користат за професионален огномет и кои не беа во продажба во изминатите неколку дена, предизвикана е голема штета пред се во Берлин. Според пожарникарите, во областа Шенеберг во една голема детонација биле сериозно оштетени бројни фасади, а пукнало и стаклото на прозорците. Луѓето мораа привремено да се иселат од 36 станови, а две лица се пренесени во болница, потврди портпаролот на берлинската противпожарна служба. Во врска со последиците од употребата на нелегален огномет на теренот, тој рече дека тоа личи на „бојно поле“.
Јохен Копелке од Синдикатот на вработените во полицијата (ГДП) посебно се осврна на однесувањето на младите мажи во населбите кои се познати како социјални жаришта, поточно на фактот дека таму повторно биле нападнати припадници на полицијата и спасувачките тимови. „Веќе не го поднесувам тоа мачо однесување на улиците и на социјалните мрежи“, изјави Копелке за медиумите од групата „Функе“.
Тој бара брзи последици за напаѓачите: „Во Лајпциг, Минхен, Келн и Хамбург бевме цел и повредени. Мора да има брзи и опипливи последици за напаѓачите, а мора да има и последици за членовите на левата екстремистичка сцена“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Крим прогласи вонредна состојба, излеаната нафта дојде до плажите кај Севастопол
На Крим денеска беше прогласена вонредна состојба поради загадувањето на плажите во Севастопол, предизвикано од нафта која се излеала од два танкери погодени од невремето пред околу три недели.
Инцидентот се случил во Керчкиот теснец, кој го дели полуостровот Крим од рускиот регион Краснодар, а нафта се разлеала на повеќе од 250 километри од Севастопол.
„Денес, во Севастопол беше прогласена регионална вонредна состојба“, изјави регионалниот гувернер Михаил Развожаев преку Телеграм.
Тој објасни дека нафтата била присутна на четири плажи во регионот, но нагласи дека локалните власти и волонтерите веднаш презеле акција и ја отстраниле.
„Да напоменам, нема масовно загадување на брегот во Севастопол“, додаде Развожаев, истакнувајќи дека штетата е ограничена.
Керчкиот теснец, кој е важен поморски коридор кој ја поврзува Азовското Море со Црното Море, има глобално значење, што го прави овој инцидент уште позначаен.
Свет
Тотален хаос во Газа поради израелските напади, сите болници не работат
Палестинското Министерство за здравство објави дека индонезиската болница, последната функционална болница на северот на Појасот Газа, „од денеска повеќе не дава никакви услуги за пациентите или ранетите“.
На север од енклавата има три јавни болници, вклучувајќи ги и индонезиската болница Камал Адван и Беит Ханун, од кои ниту една повеќе не е функционална поради израелската офанзива, се вели во соопштението што го пренесе Ал Џезира.
Израелската армија минатата недела изврши рација во болницата Камал Адван, нареди евакуација на персоналот и пациентите и ја запали зградата на болницата.
Најмалку 41 лице загина денеска во израелски напади врз Појасот Газа, од кои 27 лица беа убиени во опколениот север од енклавата, изјавија за „WAFA“ палестински медицински претставници.
Портпаролот на цивилната одбрана во Газа, Махмуд Басал, изјави дека Израел извршил повеќе од 30 напади врз цивили во енклавата од утринава.
Од почетокот на израелската војна во Појасот Газа во октомври 2023 година, според Министерството за здравство во енклавата, загинале најмалку 45.717 Палестинци, а 108.856 биле ранети.
Свет
Политички земјотрес во Австрија! Нехмаер повеќе не е канцелар, Курц се враќа на голема врата
Австрискиот канцелар Карл Нехамер (ÖVP) во саботата навечер објави прекин на преговорите за формирање влада со SPÖ, и како што пренесува „Кроне“, сега поднел оставка од функцијата федерален канцелар!
„Досега направивме сѐ што е можно. Договор за клучните точки не беше постигнат. Во такви услови нема смисла за позитивна иднина на Австрија“, изјави претходно Нехамер во врска со завршувањето на коалициските преговори.
Народната партија (ÖVP) денеска ќе објави план за понатамошни чекори, но според информациите на „Кроне“, оставката на Нехамер од канцеларот е дефинитивна одлука. Се очекува и негова оставка од позицијата лидер на ÖVP.
Тројца можни наследници, Себастијан Курц се враќа?
Во недела во 10 часот ќе се одржи седница на претседателството на партијата ÖVP. Каролина Едшедлер, Волфганг Хатмансдорфер и Себастијан Курц се меѓу потенцијалните наследници.
Се поверојатно е враќањето на младиот поранешен канцелар Курац. Како што дознава „Кроне“, најистакната противкандидатка е Каролина Едшадлер од Салцбург, која има силна поддршка во партијата, но важи и за блиска соработничка на Курц. Генералниот секретар на Стопанската комора на Хатмансдорфер исто така има шанса.
Неуспех на коалициските преговори
Нехамер се обидуваше да формира коалиција на неговата Австриска народна партија (ÖVP) со Социјалдемократите (SPÖ) и либералната партија Неос.
Преговорите за формирање нова тричлена влада во Австрија пропаднаа во петокот кога најмалиот од потенцијалните коалициски партнери ги прекина преговорите.
Како што беше претходно објавено, Неос во петокот ги напушти преговорите како трет коалициски партнер. Во саботата, преговорите продолжија исклучиво со SPÖ – но без успех.
Разговорите траат од октомври, кога австрискиот претседател му ја довери задачата за формирање нова влада на конзервативниот канцелар Карл Нехамер.
Одлуката беше донесена откако сите други партии одбија да соработуваат со лидерот на екстремно десничарската Партија на слободата (FPÖ), која победи на националните избори за првпат во септември.
(Видео) Трајановски: Ми се смееја кога ветив дека патот Крива Паланка-Страцин ќе биде готов до крај на 2024 година, извинете за доцнењето од три дена
Од Крива Паланка до Страцин, место половина час како досега, од денес се патува само десет минути, а од Куманово...
(Видео) Мистериозна болест ја пустоши Кина? Се појавија снимки од преполни болници
Кина, наводно, е опустошена од мистериозна вирусна епидемија, барем така изгледа врз основа на снимките што се појавија на социјалните...
23-годишната девојка од Грчец управувала со „Аудито“ кое излета во Вардар кај Рашче
23-годишната Н.А. била зад воланот на возилото „Ауди“ кое пред два дена излелета од патот Сарај-Рашче и заврши во реката...
Нефер трговските практики ќе се казнуваат со до 20.000 евра, Ристески најави строг мониторинг
Обновената Комисија за заштита на конкуренцијата од почетокот на годинава има овластување да казнува со високи парични казни за пронајдени...
Притвор за 23-годишен педофил, сексуално злоставил 11-годишно дете од Желино
Јавен обвинител од Основното јавно обвинителство Тетово донесе Наредба за спроведување истражна постапка против едно 23-годишно лице, бидејќи постои сомнение...
Пензиите ќе пораснат за 2.500 денари по 1 април, Владата обезбеди средства
Пензионерите во Македонија ќе добијат вториот дел од ветените 5.000 денари од страна на ВМРО-ДПМНЕ, на 1 април, со исплатата...
Трамп ќе биде осуден пред неговата инаугурација
Судијата Хуан Мерчан од Њујорк, кој го води случајот против избраниот американски претседател Доналд Трамп, објави дека изрекувањето на казната...
Извлечено од Вардар телото на 56-годишен маж, петтиот патник во возилото кое се лизна во реката кај Рашче
Полицајци и војници го пронајдоа и го извлекоа од Вардар телото на 56-годишниот маж, петтиот патник во возилото кое вчера...
(Видео) Ќе се гради нов мост кај Башино Село, стариот кој е со уништена арматура е изграден во 70-те од ЈНА
Ќе се гради нов мост кај Башино Село, на местото на постојаниот кој бил изграден во 1971 година од тогашната...
Мицкоски не сакаше да го коментира изборот на новиот претседател на Судскиот совет: „Да видиме како ќе работи“
Да видиме како ќе работи новиот претседател на Судскиот совет, рече премиерот Христијан Мицкоски во куса изјава одговарајќи на новинарско...
Дојдете во Вевчани на 13 и 14 јануари, влезете во новата година испразнети од негативната енергија, повика градоначалникот Кочовски
Градоначалникот на општина Вевчани, Спасе Кочовски, денес ги повика сите оние што сакаат забава и ја почитуваат традицијата, на 13...
Мицкоски: Трговците ги намалија цените пред Нова година, очекувам овој тренд да продолжи
Моравме да интервенираме и да покажеме колку сме сериозни во намерата. Не може одредени трговци на грбот на граѓаните да...
Објавен идентитетот на загинатите во вчерашната несреќа, најмладата имала 23 години
Вчера околу 16 часот во СВР Скопје, било пријавено дека на локален пат Сарај-село Рашче, патничко возило излетало од патот...
На судиите што не работат според законите местото нема да им биде во судскиот систем, порача Александар Камбовски, новоизбраниот претседател на Судскиот совет
Судијата Александар Камбовски е нов претседател на Судскиот совет на Република Северна Македонија. Денеска, Советот, на 510-тата седница, со 13...
Дали Дранго има забрана за користење оружје и дали му е одземено во предходна постапка, прашува „Анима мунди“
„Веста дека од страна на битолското Обвинителство е отворен предмет поради фотографијата на заменик-директорот на ‘Македонијапат’, Сашо Дранго, фотографиран со...
Со возилото што излета во водите на Вардар управувала една од загинатите, извлечени телата на три лица, се трага по уште едно
Дежурен јавен обвинител од Основното јавно обвинителство Скопје синоќа изврши увид на лице место кај Рашче, каде автомобил со патници...
После Србите, Македонците најголеми купувачи на „Тему“ од Балканот, дневно се испорачуваат и по 10.000 пратки
Затрупана со пратки е единствената приватна пошта кај нас, која врши достава на нарачките од азискиот гигант „Тему“. „Еко логистик...
Електронските документи издадени од јавни органи печатени на хартија ќе имаат иста правна и доказна сила како и оригиналниот документ со традиционален печат
Министерот за дигитална трансформација, Стефан Андоновски, информира дека од денес секој електронски документ од националниот портал и другите државни институции...
Најстудено утрово во Берово, најмногу снег во Маврови Анови
Утрово најстудено било во Берово каде што се измерени -7 степени, -6 било во Скопје Петровец, -5 во Скопје-Зајчев Рид...
Обвинение против десет лица осомничени за шверцување луксузни автомобили
Основното јавно обвинителство Скопје ја заврши постапката за обезбедување докази и поднесе обвинение против вкупно десет лица осомничени дека учествувале...
