Свет
(Видео) Уништени руски дронови убијци
Од неодамна за Русите стана сè повообичаено да развиваат софистициран нов електронски систем и да го испраќаат на фронтот за речиси веднаш да биде уништен со украински беспилотни летала, бомби или артилерија, пишува „Форбс“.
Тоа се случи повторно оваа недела кога нов, многу редок систем за електронско војување, RB-109A Bylina, беше пронајден и разнесен од украинскиот тим за беспилотни летала. Bylina е група на софистицирани приемници, кои, натоварени во пет камиони, откриваат и лоцираат непријателски беспилотни летала. Приемниците Bylinа може да детектираат предаватели неколку стотици километри.
Strike on, as said, Russian RB-109A Bylina EW system. Video by the Shadow unit. Bylina entered service with the Russian Armed Forces in 2018.https://t.co/LJPrIS1kOa pic.twitter.com/gxeXqNZXKL
— Special Kherson Cat 🐈🇺🇦 (@bayraktar_1love) January 12, 2024
Електронското бојно поле е можеби најважниот фронт во оваа војна во моментот, во која едно од најважните оружја се малите експлозивни дронови, кои ги погодуваат – или промашуваат – нивните цели во зависност од тоа дали непријателот може да ги попречи.
Минатата есен руската армија ги испрати првите системи Bylinа на фронтот по години и години тестирање. Bylinа требаше да „го олесни заглавувањето на непријателските сигнали со избирање на најдобрите уреди за таргетирање“, соопшти Кремљ.
Наместо тоа, откриен е најмалку еден од тие ретки системи, погоден од дрон и целосно уништен, наводно во Донецк, источна Украина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенечкиот премиер најави построги безбедносни мерки по убиството
Словенечкиот премиер Роберт Голоб најави засилување на безбедносните мерки и измени во казнената политика по смртта на 48-годишен маж во Ново Место, кој почина по напад, пренесе „Индекс“.
Во телевизиско обраќање, Голоб рече дека државата ќе направи сè за да ја заштити безбедноста на граѓаните, но предупреди дека „репресивните мерки нема да бидат популарни“.
Тој најави двојно зголемено полициско присуство во југоисточниот дел на земјата и рече дека сите институции – полицијата, обвинителството и судството – ќе добијат поголеми овластувања.
„Овој сторител не стана таков преку ноќ. Тој е производ на систем што не функционирал. За да го смениме тоа, ќе биде потребна цела генерација“, изјави Голоб.
Премиерот ги повика сите политички лидери да покажат одговорност и да не ја користат трагедијата за собирање политички поени.
Регион
Курти не успеа да формира влада
Лидерот на Движењето „Самоопределување“, Албин Курти, соопшти дека актуелната влада ќе продолжи да функционира до одржување на нови парламентарни избори, откако денеска во косовското Собрание не доби доволен број гласови за формирање нов кабинет, пренесе „Фонет“.
„Им благодарам на сите пратеници кои го поддржаа предлогот за новата влада и на граѓаните за поддршката. Бидејќи 56 гласа беа за, 52 против, а четворица воздржани, новиот мандат не може да започне. Во меѓувреме, како актуелна влада продолжуваме кон новите парламентарни избори“, напиша Курти на „Фејсбук“, пренесе „Косев“.
По гласањето, претседателот на Собранието, Димал Баџа, изјави дека одговорноста сега преминува на претседателката Вјоса Османи, која најави консултации со сите партии. Доколку не биде формирана влада, Османи ќе распише нови избори во рок од 40 дена.
Опозициските партии веќе порачаа дека нема да се обидат да формираат влада, бидејќи немаат мнозинство.
Свет
Гувернерот на Калифорнија сака да биде претседател на САД
Гувернерот на Калифорнија, демократот Гавин Њусом, изјави во интервју за „Си-Би-Ес“ дека сериозно размислува за кандидатура за претседател на САД во 2028 година, пренесе „Хина“.
Тој нагласи дека конечната одлука ќе ја донесе по изборите за Претставничкиот дом и Сенатот во 2026 година. „Да, би лажел кога би рекол поинаку“, рече Њусом на прашањето дали планира да се кандидира.
Како што потсетува агенцијата, Њусом оваа година ја зацврсти својата позиција во Демократската партија, особено поради честите судири со актуелниот претседател Доналд Трамп.
Инаку, според Уставот на САД, Трамп нема право на трет претседателски мандат.
Изборите за американскиот Конгрес ќе се одржат во ноември 2026 година.
California Gov. Gavin Newsom says he’s open to a presidential run.
The Democrat and frequent Trump critic said he’ll give serious thought to a White House bid after next year’s midterms. “I’d be lying otherwise,” Newsom said, adding that “fate will determine” his decision and a… pic.twitter.com/uD8OqNrnHE
— CBS Sunday Morning 🌞 (@CBSSunday) October 26, 2025

