Европа
(Видео) Француската полиција извлече пијан патник од авион: „Тој почна општа тепачка“

Во четвртокот имаше вистински хаос на летот на „Рајанер“ од Борнмут, Англија, до Жирона, Шпанија. Летот мораше да биде пренасочен кон Тулуз откога пијан патник се обиде да ја отвори вратата на авионот предизвикувајќи општа тепачка.
Според сведоците, инцидентот почнал кога пијан маж почнал да вика „сакам да си одам“ и се упатил кон излезот за итни случаи. Другите патници веднаш реагирале и се обиделе физички да го совладаат, но тој одговорил со плукање и удирање. Целата ситуација ескалирала во општа тепачка.
„Целиот инцидент бил многу трауматичен. Човекот отишол во тоалет, потоа се обидел да отвори една од вратите за итни случаи. Потоа се обидел и со другите. Потоа почнала голема тепачка со мажите што се обидувале да го оддалечат од вратата“, рекол еден патник.
@thesun Shocking moment drunk man is dragged off plane after trying to open door mid-air and brawling with other passengers. #news #plane #brawl ♬ original sound – The Sun
Некои од патниците рекле дека доживеале напади на паника.
„Почнаа да се тепаат на средина од авионот. Траеше 30-ина минути. Беше ужасно, имаше крв насекаде. Луѓето врескаа и плачеа“, додал друг сведок. Насилниот патник на крајот бил совладан и соборен на подот, а глуждовите му биле врзани со дел од безбедносниот појас.
„Сакаше да оди во тоалет додека полетувавме. Кога го замолија да седне, извика ‘морам да одам, другар’, но потоа седна. На средина од летот почна да се затетерува и се обиде да ја отвори вратата од авионот. Беше целосно пијан и сакаше да излезе“, опиша трет сведок.
Sécurité aérienne : un vol Ryanair, qui effectuait la liaison entre l’Angleterre et l’Espagne, a été dérouté en urgence vers l’aéroport de Toulouse à cause d’un passager britannique, ivre, qui a tenté d’ouvrir une porte de secours en plein vol, provoquant la panique parmi les… pic.twitter.com/eoxbBmpbtu
— Infos Françaises (@InfosFrancaises) September 6, 2025
„Двајца мажи се обидоа да го смират и да го совладаат, а тој почна да ги удира и да плука по сите. Еден крупен човек го предупреди дека ќе го собори ако продолжи и го турна на земјата“. По слетувањето во Тулуз, човекот беше пречекан на пистата од 13 француски полицајци и беше симнат од авионот. Летот потоа продолжи за Жирона, а авионот слета со речиси два часа задоцнување.
фото: принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Потрагата по крадците во „Лувр“ е во тек: „Ако не бидат фатени за една недела, дијамантите ќе исчезнат засекогаш“

Музејот „Лувр“ во Париз беше принуден да ги затвори вратите вчера по грабежот во кој беа украдени непроценливи кралски скапоцености.
Полицијата почна масовна потера и е во трка со времето за да ги пронајде непроценливите предмети, објавува „Скај њуз“.
Светски познатиот музеј беше затворен откога крадци влегле во галеријата во која се сместени француските крунски скапоцености вчера околу 9.30 часот. Според францускиот министер за внатрешни работи, крадците влегле користејќи корпа со кран, скршиле прозорец и избегале со скапоценостите, за кои францускиот министер рекол дека се „од вистинска вредност на наследство и, се всушност, бесценети“.
They walked into Louvre Museum at 9:30 a.m.
Used a crane. Smashed a window.
Stole the French crown jewels in 4 minutes.
No violence. Just precision.If a world-famous museum can be robbed in broad daylight… what does that say about the guardians of culture? pic.twitter.com/cUn0DX9qnx
— Culture Explorer (@CultureExploreX) October 19, 2025
Кражбата на деценијата
Детективот Артур Бренд го опиша инцидентот како кражба на деценијата додавајќи дека полицијата има само една недела да ги пронајде сторителите пред предметите да исчезнат засекогаш.
„Овие крунски скапоцености се толку познати што, едноставно, не можете да ги продадете“, изјави Бренд за „Скај њуз“. „Единственото нешто што може да го направат е да ги стопат среброто и златото, да ги расклопат дијамантите, да се обидат да ги исечат. Така, веројатно, ќе исчезнат засекогаш“.
„Полицијата има една недела. Ако ги фатат крадците, работите би можеле сè уште да бидат таму. Ако потрае подолго, пленот веројатно е исчезнат и расклопен. Тоа е трка со времето“.
Список на украдени вредни предмети
Француското Министерство за култура објави список од осум украдени предмети, а деветтиот предмет, иако украден, беше пронајден на местото на настанот.
Меѓу украдените накити се тијара и ѓердан од комплетот на кралицата Мари-Амели, смарагдниот ѓердан и обетките на царицата Мари Луиз, тијарата на царицата Евгенија и нејзиниот голем брош за корсет со 2.438 дијаманти.
Професионално извршена кражба
Властите открија детали за грабежот откога музејот, кој привлекува до 30.000 посетители дневно, објави на социјалните мрежи дека се затвора од вонредни причини.
Министерката за култура Рашида Дати рече дека снимката покажува оти крадците „немале намера да нападнат луѓе, тие влегле мирно за четири минути, ги скршиле витрините, го зеле пленот и си заминале“. Таа ги опиша како професионалци и дека не изгледаше насилно.
Министерот за внатрешни работи Лоран Нуњез потврди дека крадците користеле кран-корпа монтирана на камион. Бандата била добро подготвена откога претходно ја извидувала локацијата и го исекла стаклото на прозорецот со аголна брусилка пред да избега со два мотоцикла, веројатно „јамаха ТМАКС“.
Форензичката работа е во тек и се составува детален список на украдените предмети.
По влегувањето во музејот, крадците се упатиле кон галеријата „Аполон“, дом на француските крунски скапоцености. Во оваа раскошна сала се наоѓа и кралската колекција од скапоцени камења, слики и таписерии, како и три историски дијаманти.
Le vol commis au Louvre est une atteinte à un patrimoine que nous chérissons car il est notre Histoire.
Nous retrouverons les œuvres et les auteurs seront traduits en justice. Tout est mis en œuvre, partout, pour y arriver, sous la conduite du parquet de Paris.…
— Emmanuel Macron (@EmmanuelMacron) October 19, 2025
Францускиот претседател Емануел Макрон напиша на „Икс“: „Ќе ги вратиме делата, а сторителите ќе бидат изведени пред лицето на правдата. Се прави сè, насекаде, за да се постигне ова“.
Историја на грабежите во „Лувр“
Ова не е првпат „Лувр“ да биде цел на крадци. Во 1911 година познатата „Мона Лиза“ беше украдена од нејзината рамка и беше пронајдена дури две години подоцна.
Во 1983 година беа украдени два ренесансни оклопи, кои беа вратени дури во 2021 година, речиси четири децении подоцна.
фото: принтскрин
Европа
(Видео) Навивачи нападнаа автобус во Италија: загина возачот, кој бил удрен со тула

Возач на автобус што превезувал навивачи на кошаркарскиот тим Пистоја беше убиен синоќа откако навивачи на соперничкиот тим Себастијани го нападнаа автобусот на автопат.
Човекот седел во предниот дел од автобусот до возачот кој во тој момент го управувал автобусот. Тој починал откако бил удрен во главата од тула, јавува италијанската новинска агенција АНСА.
Нападот се случил на автопатот Риети-Терни, околу 80 километри североисточно од Рим. Навивачите на Себастијани фрлале камења и други предмети кон автобусот додека тој тргнувал од Риети по натпревар во втората италијанска лига.
Итните служби, заедно со неколку полициски и карабињерски патроли, веднаш реагираа, но обидите да се спаси животот на возачот беа неуспешни. Во тек е полициска истрага за пронаоѓање на одговорните за нападот.
Италијанскиот министер за спорт, Андреа Абоди, изрази сочувство до семејството на жртвата. „Како може некој да умре вака, на пат кон дома од кошаркарски натпревар? Нападот извршен вечерва во близина на Риети од страна на бандити кои станале убијци и кои никогаш не можат да се наречат навивачи е шокантен. Спортот е живот, а овие криминалци се светлосни години далеку од спортските вредности“, напиша Абоди на Икс.
„Целата заедница на Риети со огорченост го осудува овој гнасен чин кој нема никаква врска со Риети или спортот“, изјави градоначалникот Даниеле Синибалди на социјалните мрежи, изразувајќи надеж дека „околностите на инцидентот ќе бидат веднаш утврдени и дека правдата ќе биде задоволена“.
фото: принтскрин
Европа
Зеленски: Украина нема ништо да му подари на агресорот и нема ништо да заборави

Украинскиот претседател Володимир Зеленски изјави дека Украина „ниту ќе ѝ даде ниту ќе ѝ заборави“ нешто на Русија најавувајќи зајакнување на одбранбената и на енергетската соработка со меѓународните партнери. Киев активно работи на обезбедување воена и енергетска поддршка за наредниот период, пишува „Јунајтед 24 медија“.
Во своето последно обраќање Зеленски откри дека Украина работи со европските сојузници за проширување на програмата ПУРЛ и зголемување на купувањето американско оружје. Посебен акцент е ставен на системите за воздушна одбрана и на можностите за долг дострел.
Исто така, се подготвуваат нови договори со неколку земји поврзани со оружје и одбранбени технологии. Претходно беше објавено дека Зеленски имал состаноци со водечките американски одбранбени компании Raytheon и Lockheed Martin токму за проширување на соработката во овие области.
„Унифициран став за реален притисок врз Русија“
Паралелно со зајакнувањето на одбраната, Киев работи на обезбедување снабдување со енергија и гас за претстојната зима.
Според претседателот, до Вашингтон се доставени предлози за инфраструктурни проекти поврзани со производство на гас и нуклеарна енергија. Зеленски ја нагласи растечката улога на Соединетите Американски Држави во поддршката на енергетската независност на Европа наведувајќи дека Вашингтон е подготвен да испорача доволно гас и нафта за да го замени рускиот увоз.
„Нашиот регион има потребна инфраструктура и потенцијал за понатамошно зајакнување на енергетската независност на Европа“, рече тој додавајќи дека речиси секојдневно комуницира со европските лидери за да обезбеди унифициран став за реален притисок врз Русија.
Коментирајќи ги мировните преговори, Зеленски го поддржа повикот на американскиот претседател Доналд Трамп за прекин на огнот по сегашната линија на фронтот како почетна точка за разговорите.
Прашањето за територијалната контрола, рече тој, ќе биде дискутирано во рамките на преговорите, но „најважно во моментот е да седнеме и да разговараме за прекин на огнот“. Неговата изјава следуваше по извештајот на „Вашингтон пост“ дека Владимир Путин наводно му понудил на Трамп договор, во кој Русија ќе се откаже од контролата врз регионите Запорожје и Херсон во замена за целиот регион Донецк.
Сепак, Зеленски беше јасен во својот став за Русија: „Ние нема да му дадеме ништо на агресорот и нема да заборавиме ништо. Јасно гледаме дека оваа Русија е долгорочна закана. Затоа на Европа ѝ се потребни долгорочна соработка и опипливи резултати – и на краток и на долг рок – за да може луѓето да живеат“.
фото: принтскрин