Свет
(Видео) Француски свештеник: Децата што биле злоупотребувани од свештеници барале нежност

Католички свештеник предизвика згрозување во Франција поради сугестиите дека децата жртви на сексуални злоупотреби внатре во Католичката црква можеби, всушност, барале нежност.
83-годишниот Алан дела Морандес поттикна бурна расправа на социјалните мрежи со своите коментари на телевизиска емисија во програмата „Ла Шен инфо“.
Pédophilie dans l’Eglise : “Ce sont les enfants qui cherchent la tendresse d’un homme ou d’une femme”
?On pense qu’il faut vraiment, mais VRAIMENT, ne plus inviter l’Abbé de La Morandais ? pic.twitter.com/k6sAMK3EjD
— Quotidien (@Qofficiel) March 18, 2019
На дискусијата во емисијата се расправало за злоупотреби во црквата и неодамнешната пресуда на кардиналот Филип Барбарин поради скривање сексуални злоупотреби на деца од страна на свештеници. Барбарин ја достави оставката до папата Франциско, но тој сè уште не ја прифатил, наводно, поради понатамошни правни процеси.
На прашањето што би можело да се направи за да се спречи педофилијата во црквите, свештеникот рекол:
„Бискупите одлучија дека ќе воведат мерки за превенција. Но, како можеме тоа да го спречиме? Не знам. Педофилијата е психонаучна енигма, која за мене повлекува многу прашања. Секогаш имаме впечаток дека тоа е силување, дека е насилство. Но, јас не мислам дека е секогаш така. Според тоа што го слушнав, детето инстиктивно бара нежност од маж или жена…, а често тоа се деца на кои им недостига нежност (во нивниот живот)“.
Водителката на тоа коментирала дека одговорноста е кај возрасните и дека тие треба да ја постават границата, на што свештеникот имал неверојатен одговор:
„Секако. Но, детето ќе бара нежност. Сите видовте дека детето може да дојде и да ве бакне во уста“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.