Свет
(Видео) „Хабл“ ја сними најголемата комета досега, која се приближува до Земјата

Вселенското тело, со пречник од 130 километри, кое се приближува кон нашето Сонце, е чудовиште меѓу кометите и е 50 пати поголемо од јадрото на повеќето познати комети, наведува НАСА повикувајќи се на снимките на телескопот „Хабл“.
Оваа огромна комета, која беше откриена во 2010 година и наречена C/2014 UN271 (Bernardineli-Bernstein), всушност е огромно тело со маса од 500 трилиони тони.
Иако е откриен пред 12 години, неговата големина дури сега е потврдена од ветеранскиот вселенски телескоп на НАСА. Иако кометата моментно е оддалечена помалку од 3,2 милијарди километри од Сонцето и се движи кон Земјата, НАСА уверува дека оваа огромна вселенска карпа, за среќа, не е закана за нас.
Никогаш нема да се приближи на 1,6 милијарда километри од Сонцето, што е малку подалеку од оддалеченоста на планетата Сатурн од нашата ѕвезда. Тоа нема да биде до 2031 година, тврди НАСА.
Со проценета маса од 500 трилиони тони, оваа комета е околу 100.000 пати помасивна од типичните комети што се многу поблиску до Сонцето.
Во моментот минува низ вселената со брзина од 35.200 километри на час.
За да ја тестираат нејзината големина, на 8 јануари 2022 година научниците го искористија вселенскиот телескоп „Хабл“ на НАСА и направија пет фотографии од кометата. Кометата е поцрна од јаглен, пренесува „Дејли мејл“.
Научниците веруваат дека оваа огромна комета, веројатно, се формирала во облакот Орт, најоддалечената област на нашиот Сончев систем, каде што се наоѓаат милијарди други комети.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Детали за пукањето во училиштето во Грац: најмалку осум загинати, телото на напаѓачот пронајдено во тоалетот

Најмалку осум лица се убиени во пукотница во училиште во австрискиот град Грац.
Тамошните медиуми јавуваат дека бројни полициски единици, вклучувајќи ја и специјалната единица „Кобра“, биле распоредени на местото на пукотницата, која започнала околу 10 часот наутро.
Телото на напаѓачот е пронајдено во тоалетот
Graz:🕯Zahl der Toten steigt auf 11
Wie die 16-jährige Schülerin AUF1 exklusiv mitteilte, ist die Zahl der Toten auf elf gestiegen, so ein Rettungssanitäter gegenüber dem Mädchen. Schwerverletzte werden per Rettungshubschrauber in umliegende Krankenhäuser gebracht. Laut Polizei… pic.twitter.com/n2vGn8cLAb
— AUF1 (@AUF1TV) June 10, 2025
Ранетите се евакуираат со полициски хеликоптери.
Една наставничка се забарикадирала со своите ученици во училницата за да ги спаси, пишуваат медиумите во Австрија.
Според австрискиот „Курир“, напаѓачот си го одзел животот, а неговото тело е пронајдено во училишниот тоалет.
Полицијата не ја исклучува можноста друг напаѓач да учествувал во масакрот. Штаерската полиција потврди дека во нападот биле употребени неколку оружја, но деталите засега не се познати.
Јавноста е предупредена дека областа на училиштето не е безбедна.
Денешната пукотница се случи во пресрет на десетгодишнината од пукотницата во Грац на 20 јуни 2015 година. Тогаш беа убиени три лица.
Свет
(Видео) Пукање во училиште во Грац, има загинати: напаѓачот пукал во две училници

Грац, Австрија, моментално е под опсада по пукање во училиште, јавуваат светските агенции.
Локалните медиуми јавуваат дека има загинати.
BREAKING – The death toll has climbed to 8 in the school shooting in Graz, Austria, according to a report by Kronen Zeitung. https://t.co/RRHYhJJcn5 pic.twitter.com/3HHwHyLCf9
— Vanguard Intel Group 🛡 (@vanguardintel) June 10, 2025
Во Грац моментално е во тек голема полициска операција по нападот во училиште во градскиот округ Ленд. Досега се потврдени пет смртни случаи, јавува Krone.
Австриската станица ORF објави дека речиси еден час е во тек голема полициска операција, по пукањето.
Портпаролот на полицијата, Фриц Грундниг, изјави за ORF дека може да има жртви, додека ORF, исто така, јавува дека се верува дека осомничениот напаѓач извршил самоубиство.
Според полицијата, акцијата започнала околу 10 часот наутро. Наводно се слушнале истрели во училиштето, што полицијата го потврди. Потоа е вклучен алармот. Зградата моментално темелно се пребарува, според написите во светските медиуми.
Регион
Пожар во затвор во Сплит, неколку затвореници хоспитализирани

Неколку затвореници се повредени во пожарот во сплитскиот затвор Билице, кој е изгаснат, соопшти денес Сплитскиот противпожарен оперативен центар.
Како што е наведено, затворскиот персонал го изгаснал пожарот што избувнал синоќа, а пожарникарите ги евакуирале затворениците, од кои неколку побарале медицинска помош поради вдишување чад и биле пренесени во сплитската болница.
„Добивме дојава за пожар во една од ќелиите на затворот околу 21:30 часот, а по пристигнувањето на пожарникарите затворскиот персонал веќе го изгаснал пожарот во најголем дел, а пожарникарите веднаш ги евакуирале затворениците“, изјавиле за Хина од Противпожарниот центар.