Свет
(Видео) Хамас го осуди Израел за фотографиите на приведените Палестинци во долна облека, реагираше и Иран
Висок функционер на Хамас го осуди Израел за, како што велат, грозоморното злосторство врз невини цивили, откако на социјалните мрежи се појавија фотографии од палестински затвореници во долна облека.
Изат Ел-Решик, кој се наоѓа во егзил, ги повика меѓународните организации за човекови права да интервенираат за да дознаат што се случило со луѓето од фотографиите и да помогнат во нивното ослободување.
Меѓународниот комитет на Црвениот крст соопшти дека е загрижен за објавените фотографии и нагласи дека кон затворениците треба да се постапува хумано во согласност со меѓународното хуманитарно право.
The Israeli army invaded a shelter in Nort Gaza arrested all the men and children above the age of 15 and forced them to be naked and transported them naked in the cold weather to detention centers. pic.twitter.com/51uT5MYIDo
— Mustafa Barghouti @Mustafa_Barghouti (@MustafaBarghou1) December 7, 2023
Иранскиот министер за надворешни работи Хосеин Амирабдолахиан, чија земја го поддржува Хамас, исто така го критикуваше Израел „за неговиот варварски однос кон невините затвореници и цивили“ на социјалната мрежа Х.
Во четвртокот, израелската ТВ станица Он објави видео од наводни членови на Хамас како седат на улица во Газа, голи и со завои над главите.
„Зборуваме за поединци кои се предале во Џабалија и Шеџаија (во градот Газа), упоришта на Хамас“, рече портпаролот на израелската војска Ејлон Леви на прашањето за спорните фотографии.
„Зборуваме за работоспособни мажи во области кои цивилите требаше да ги напуштат пред неколку недели“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Рјабков: Русија нема доверба во НАТО
Геополитичките проекти со НАТО сега се невозможни, Москва нема доверба во Алијансата и кај нас предизвикува политичка и емотивна одбивност, изјави денеска рускиот заменик министер за надворешни работи Сергеј Рјабков.
„Геополитички дизајн од секаков вид со НАТО е невозможен. НАТО не е пандан способен за преговори, тоа е групација во која не само што немаме ни најмала доверба, туку ни предизвикува политички и, дури би рекол, емотивна одбивност“, рече Рјабков во интервју за ТАСС.
Тој посочи дека Русија ќе работи со оние „кои се подготвени да преговараат на еднаква основа“.
„Големиот евроазиски простор, концептите на евроазиската безбедност, се она што доаѓа во центарот на вниманието на архитектонските проекти во однос на политиката и геополитиката. Според нас, тоа е она на што пред се треба да се фокусираме“, посочи Рјабков.
Свет
Ирански командант: Три европски земји ќе одговараат за помошта кон Израел
Командантот на силите Кудс, Есмаил Кани изјави дека трите европски земји кои ги распоредија своите воени авиони за да го одбранат Израел од одмаздничката операција организирана од Иран ќе одговараат.
– Франција, Германија и Велика Британија не треба да мислат дека распоредувањето на авионите таа ноќ е крај на проблемот. Да, таа ноќ заврши, но ќе одговорат во догледно време – изјави бригадниот генерал Есмаил Кани.
Според него, Соединетите Американски Држави и целата западна воена алијанса на НАТО придонеле со сите свои воени капацитети за одбрана на Израел од иранската операција „Вистинско ветување“, пренесува иранската агенција „Тасним“.
– Седум или осум поморски групи се распоредени во Црното Море за да се спречи (иранската) операција – рече тој, додавајќи дека во таа операција се вклучени и повеќе од 200 авиони.
Кани оцени дека Иран ја покажа својата сила, непоколебливост и моќ на целиот свет при нападот на територијата на Израел.
– Победата на операцијата „Вистинско ветување“ не е ограничена само на бројот на ракети и беспилотни летала кои стигнаа до окупираните територии – рече Кани и ги повика земјите од регионот да учат од, како што наведе, „неспособноста на САД да го заштитат израелскиот режим за време на иранската операција“ и да не се потпираат на Вашингтон.
На 13 април Техеран истрела повеќе од 300 беспилотни летала и проектили кон Израел, како одговор на нападот врз иранскиот конзулат во сирискиот главен град Дамаск на 1 април, кога беа убиени седум членови на Иранската револуционерна гарда.
Иран тврди дека нападот „Вистинско ветување“ предизвикал голема штета на израелските воени бази.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.