Свет
(Видео) Хамас киднапира Израелка на фестивалот: „Ни се јави, рече дека пукале кон нив“
![](https://makfax.com.mk/wp-content/uploads/2023/10/Moran-Yanai.jpg)
Семејството на Израелката Моран Јанаи е загрижено за нејзиниот живот и моли за помош откога милитантите на Хамас ја киднапираа на 7 октомври на музичкиот фестивал „Супернова“. 40-годишната Јанаи е дизајнер на накит и имаше штанд на музичкиот настан. Роднина на Јанаи, актерот Ден Мор, изјави дека последен пат семејството имало контакт со Јанаи на денот на нападот кога таа се обидувала да побегне.
„Околу седум часот наутро му се јави на татко ѝ и рече дека пукаат во нив. Потоа, мислам, околу 8.30 часот разговараше со мајка си. Таа ѝ рече да се скрие. Потоа изгубивме контакт“, рече Мор, а пренесува „9 њуз“.
Семејството потоа виде снимка од киднапирањето на Јанаи на социјалните мрежи. Во него 40-годишната жена преплашена седи на земјата, а над неа двајца мажи разговараат на арапски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
Израелските сили ги нападнаа северниот и јужниот дел на Газа, а борбите продолжија во текот на ноќта
![](https://makfax.com.mk/wp-content/uploads/2024/06/вцв.jpg)
Израелските сили денеска нападнаа неколку области низ Газа, а жителите известија дека борбите продолжиле во текот на ноќта во Рафах на југот од палестинската енклава.
Жителите изјавија дека борбите се интензивирале во населбата Тел Ал Султан во западниот дел на Рафах, каде тенкови се обидувале да се пробијат на север, пренесува Ројтерс.
Претходно денеска во израелски напад загинаа тројца Палестинци во близина на кампот Џабалија.
Свет
(Видео) Асанж пристигна во Австралија: емотивна средба со сопругата и неговиот татко
![](https://makfax.com.mk/wp-content/uploads/2024/06/677z381_asanz-kanbera.jpg)
Џулијан Асанж, кој од денеска и официјално е слободен човек, се врати во Австралија, а најемотивната средба ја имаше со сопругата Стела.
Julian Assange greets his supporters at the fence and kisses his wife after touching down a free man #auspol pic.twitter.com/HQ4JbyWKvH
— Sarah Basford Canales (@sbasfordcanales) June 26, 2024
Откако авионот слета на аеродромот во Канбера, Асанж излегол од авионот, а го пречекале бројни новинари и поддржувачи кои аплаудирале и скандирале за него.
Камерите го снимиле моментот кога Асанж ја прегрнал сопругата, ја кренал од земја и ја бакнал, а потоа го прегрнал и татко си.
Свет
Кремљ се огласи за Асанж: Сите го добија тоа што го сакаа
![](https://makfax.com.mk/wp-content/uploads/2022/03/kremlj-moskva.jpg)
Портпаролот на Кремљ, Дмитриј Песков, рече дека секој го добил она што го сакал кога станува збор за признавањето на вината и ослободувањето на основачот на Викиликс, Џулијан Асанж.
– Овде зборуваме за судски договор. Како што разбрав, секој го доби она што го сака. Нема што да се додаде, ништо да се коментира – изјави Песков на новинарите.
Асанж беше формално ослободен пред американскиот суд на Маријанските Острови, откако се изјасни за виновен по едното обвинение за кршење на Законот за шпионажа според договорот со американското Министерство за правда.
Основачот на „Викиликс“ потоа отпатува во родната Австралија.