Свет
(Видео) Хаотично во собраниската зграда во Јужна Кореја

Додека голем број луѓе се собираат пред зградата на Националното собрание во Сеул, преносот во живо од внатрешноста на јужнокорејската новинска агенција „Јонхап“ покажува и луѓе кои се собираат вo внатрешноста на зградата.
Во последниот половина час снимена е сцена во која група луѓе се обидува да ја пробие вратата, викајќи гласно.
⚡️🇰🇷 People in South Korea have taken to the streets to protest against the declaration of martial law. pic.twitter.com/Z90rLHTany
— सिद्धार्थ कूकना (@sidkukna) December 3, 2024
„Јонхап“ објави дека само членови на Националното собрание, други вработени и новинари смеат да влезат.
Претходно имаше информации дека претседателот на парламентот планира седницата да ја започне во зградата.
Покрај силното полициско присуство пред јужнокорејскиот парламент, се појавија и слики од хеликоптери кои кружат на небото.
Според извештајот на новинската агенција АФП, некои хеликоптери слетале на покривот на парламентот.
People in South Korea have taken to the streets to protest against the declaration of the Martial law.
— Aman1 (@Aman14038377) December 3, 2024
Пратеникот Хонг Ки-вон ги потврди претходните информации за „Би-Би-Си“ дека лидерот на главната јужнокорејска опозиција, Демократската партија, ги повикал сите свои членови да се соберат во парламентот.
Во моментов во собранието има околу 70 пратеници од опозицијата, а останатите се собираат надвор од него, вели тој.
Кога ќе пристигне претседателот Ву Вон-шик, тој ќе повика на гласање за ставање крај на воената состојба, додаде Хонг.
Хонг, исто така, споменува дека му било кажано дека припадниците на специјалните сили на армијата се во зградата на собранието.
„Јонхап“ претходно објави дека војската наредила забрана за парламентарни активности, откако претседателот на Јужна Кореја прогласи воена состојба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Медведев до Трамп: „Нека се потсети на своите омилени филмови за „живите мртовци“

„Не ме интересира што прави Индија со Русија. Тие можат заедно да ги уништат своите мртви економии, според мене.“
Оваа порака, објавена на социјалната мрежа „Truth Social“, е уште една во низата што американскиот претседател неодамна ги упати кон Русија, Индија и поранешниот руски претседател Дмитриј Медведев, пренесуваат медиумите во светот.
Заменик-претседателот на Советот за безбедност на Русија, Дмитриј Медведев, ги коментираше зборовите на Трамп на Телеграм.
„Ако некои зборови на поранешниот претседател на Русија предизвикуваат толку нервозна реакција од толку моќен американски претседател, тоа значи дека Русија е во право во сè и ќе продолжи да оди по својот пат.“
– А што се однесува до „мртвата економија“ на Индија и Русија и „влегувањето во опасна територија“ – нека се сети на своите омилени филмови за „живите мртовци“, како и колку опасна може да биде непостоечка „мртва рака“, напиша Медведев.
Фото: принтскрин
Свет
Трамп до Канада: Нема договор ако ја признаете Палестина

Американскиот претседател Доналд Трамп објави дека поддршката и признавањето на палестинската држава од страна на Канада ќе го отежни склучувањето трговски договор меѓу двете земји, објави „Si-TV News“.
„Бај! Канада штотуку објави дека ја поддржува палестинската државност. Тоа ќе ни го отежни многу склучувањето трговски договор со нив. О, Канада!!!“, напиша Трамп на мрежата „Truth Social“.
Објавата дојде еден ден пред рокот на Трамп на 1 август за трговски договор, а американскиот претседател претходно изјави дека ќе воведе царини од 35 проценти на канадските стоки ако двете страни не постигнат договор.
Канадскиот премиер Марк Карни вчера изјави дека можеби нема да ги заврши преговорите со САД до 1 август, бидејќи претседателот објави нови трговски мерки што би можеле да им го отежнат бизнисот на некои канадски компании.
Канада има намера да ја признае државата Палестина во септември на седницата на Генералното собрание на ОН, изјави канадскиот премиер.
Тој, како што објави Ројтерс, рече дека оваа одлука се темели на фактот дека Палестинската самоуправа ќе спроведе реформи, вклучително и фундаментална реформа на институциите, и ќе одржи општи избори во 2026 година на кои Хамас нема да учествува.
Фото: принтскрин
Регион
Хрватска е подготвена да прифати деца од Газа

Хрватска ги отвора вратите за децата од Појасот Газа, објави Министерството за надворешни и европски работи, со акцент на „психосоцијална помош и едукација за опасноста од експлозивни направи“, објавија хрватските медиуми.
„Република Хрватска ќе ги отвори вратите за децата од Газа на ист начин како што ги отвори за децата од Украина, фокусирајќи се на психосоцијална помош и едукација за опасноста од експлозивни направи“, објави денес Министерството.
Во соопштението се нагласува дека Хрватска има искуство во ова од Татковинската војна и дека има меѓународно признато знаење за дејствување против мини.
Министерството пишува дека државата е подготвена да прифати деца доколку се појават можности, за што верува дека ќе се појават, и нагласува дека континуирано спроведува проекти поврзани со украинските деца, од кои околу 700 се згрижени во Хрватска, преку јавен повик.
Планот го објави државниот секретар на Министерството за надворешни работи за политички прашања, Франо Матушиќ, на меѓународната конференција за мирно решение на палестинското прашање и спроведување на решение за две држави во седиштето на ОН.