Свет
(Видео) Хезболах ги сними израелските воени бази со дрон и ги објави снимките

Хезболах објави ново видео на кое се прикажани снимки од беспилотни летала од израелските воени бази во Голанската висорамнина. Видеото, кое трае речиси десет минути, прикажува области на северот на Израел, во близина на границата со Либан.
Милитантната група тврди дека видеото покажува серија воени пунктови што ги користат Израелците за различни цели. Тие додадоа дека видеото покажува и база која наводно ја користела единицата 8200 на воената разузнавачка служба на израелските одбранбени сили (ИДФ).
The Hezbollah terror group has published a new propaganda video showing drone footage of Israeli military bases in the Golan Heights.
The end of the video also shows an Israeli city, which Hezbollah says will be featured in an upcoming clip.
The publication of the footage comes… pic.twitter.com/mi07SymTT3
— Emanuel (Mannie) Fabian (@manniefabian) July 9, 2024
Воениот врв на Израел верува дека видеото е снимено пред околу четири или пет месеци. Оваа проценка е направена врз основа на фактот дека на некои делови од видеото има видливи точки кои претставуваат снег.
Хезболах истакна дека видеото е снимено со помош на дрон кој навлегол во израелскиот воздушен простор, го снимил она што е потребно и незабележано се вратил во Либан. Покрај воените бази, на видеото се гледа и автобус за кој Хезболах тврди дека превезувал израелски војници во нивните бази.
По објавувањето на видеото, офицерот за односи со медиумите на Хезболах, Мухамед Афиф рече дека тоа испраќа „јасна порака до непријателот и неговата армија“. „Важноста доаѓа од демонстрацијата на нашите технички и технолошки способности во областа на надзорот и добивањето информации што ни се потребни во време на војна“, рече тој.
Ова не е прво вакво видео. Хезболах, исто така, објави снимки и минатиот месец, но тогаш се фокусираше на воени и цивилни цели, вклучувајќи го пристаништето Хаифа и станбена населба во блискиот Кирјат Јам. Хезболах лансираше стотици беспилотни летала во Израел поради тековните борби, многу од нив носеа експлозиви, но некои се користат и за набљудување.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Сомнителни остатоци од летало пронајдени во Полска

Полските власти истражуваат остатоци од објект што личи на дрон, пронајден на околу 100 километри од главниот град Варшава.
Тоа е последниот сомнителен објект што влегол во воздушниот простор на НАТО, по серијата упади од Русија.
– Единицата на Воената полиција во Варшава, под надзор на обвинителот на Одделот за воени работи на Окружното обвинителство, спроведува активности на местото каде што е пронајден неидентификуван воздушен објект – објави Воената полиција во објава на мрежата X.
Mazowiecki Oddział Żandarmerii Wojskowej w Warszawie, pod nadzorem prokuratora z Działu do Spraw Wojskowych Prokuratury Rejonowej Warszawa-Ursynów, prowadzi czynności na miejscu odnalezienia niezidentyfikowanego obiektu powietrznego w miejscowości Zaręby Warchoły, pow. ostrowski. pic.twitter.com/P4Raz8Lehn
— Żandarmeria Wojskowa (@Zandarmeria) October 4, 2025
Тие, исто така, ја повикаа јавноста веднаш да пријавува какви било слични неидентификувани објекти.
Полска е во состојба на зголемена готовност поради упадот на руски беспилотни летала во нејзиниот воздушен простор во септември.
Свет
(Фото) 1.000 луѓе заробени на Монт Еверест поради снежна бура

Неколку спасувачки екипи учествуваат во операцијата за расчистување на патиштата од снегот на источниот дел од Монт Еверест во Тибет, каде што речиси 1.000 луѓе беа заробени поради снежната бура. Според кинеските медиуми, снежната бура ги блокирала патеките.
Во акцијата учествуваат и мештани, а висината на која се наоѓаат заробените луѓе на Монт Еверест е поголема од 4.900 метри.
Неколку планинари беа успешно спуштени на безбедно место.
🚨 BREAKING: Blizzard traps nearly 1,000 people on Mount Everest’s east slope
A sudden whiteout hit the Everest east slope camp in Tibet, 4,900 meters up.
Tents crushed. Paths buried. Temperatures plummeting.Rescuers say hundreds are trapped across several camps, some showing… pic.twitter.com/nTmPS04qnK
— JJBOOM (@JordyHalo80) October 5, 2025
Еден од планинарите кој успеал да избега непосредно пред почетокот на бурата, изјавил дека „снегот паѓал без престан и достигнал повеќе од еден метар“.
Снегот почнал да паѓа во петокот навечер и продолжил вчера цел ден.
Продажбата на билети и влезот во туристичката зона на Монт Еверест биле прекинати од страна на локалната туристичка агенција, која информираше за затворањето на туристичките патеки заради ризикот од понатамошно влошување на временските услови.
Свет
Во Еквадор е воведена вонредна состојба, немирите ескалираа на улиците

Еквадорскиот претседател, Даниел Нобоа, прогласи вонредна состојба во десет од 24 провинции во земјата поради внатрешни немири предизвикани од протестите на заедницата на староседелци поради зголемувањето на цените на дизелот, јавуваат денеска медиумите.
Како што се наведува во декретот на Нобоа, овие протести станале насилни, па вонредната состојба била воведена со цел да се избегне нивната понатамошна радикализација, пренесува агенцијата Ефе.
Тој додаде дека за време на насилните демонстрации, припадниците на полицијата и војската биле нападнати, а некои од нив биле киднапирани и физички малтретирани.
Нобоа забрани јавно собирање во десет провинции, додавајќи дека мирни протести ќе бидат дозволени доколку не ги загрозуваат правата и слободите на другите граѓани.
Меѓу причините за воведување на овие мерки, кои ќе важат 60 дена, тој ги наведува и неодамнешните изјави на претседателот на Националната конфедерација на староседелечки народи (CONAIE), Марлон Варгас, кој предупреди дека протестите може да ескалираат и да доведат до заземање на главниот град Кито, ако нивните барања не бидат уважени.