Свет
(Видео) Хорор на југот на Израел: „Војниците открија 40 тела на бебиња и деца, некои од нив обезглавени“

Војниците наидуваат на незамисливи ужаси во Израел додека ги вадат телата на жртвите, меѓу кои и околу 40 бебиња и мали деца, а некои од нив се обезглавени, пишува израелскиот „и24 Њуз“.
Новинарите беа поканети денеска да го прегледаат местото на уништување во Кфар Аз, заедница масакрирана од припадници на Хамас, според израелскиот „и24 Њуз“.
За прв пат, израелската армија ги пушти медиумските канали во една од масакрираните заедници, во овој случај Кфар Аз, каде што можеше да се забележат облаци од чад како се издигнуваат во појасот Газа.
'It's not a war, it's not a battle. It's a massacre'
Journalists are let into Kfar Aza for the first time, four days after the community came under the shock attack by Hamas terrorists
IDF Major General Itai Veruv describes the scene of brutal violence, where whole families… pic.twitter.com/HJzoMKj2Ta
— i24NEWS English (@i24NEWS_EN) October 10, 2023
Автомобилите на заедницата, паркирани пред, беа целосно запалени. И тоа беше само мал дел од пустошот, без точен број на загинати, бидејќи телата сè уште се собираат и отстрануваат од домовите.
„Мирисот на смртта – тоа е она што остана од некогаш енергичната заедница. Сега странскиот печат беше поканет да ги разгледа последиците од нехуманите злосторства. Повеќе од 70 вооружени терористи ја нападнаа заедницата, нивните тела сè уште лежат на земја за целиот свет да ја види суровоста што ја вршат овие терористи на Хамас“, објавува медиумот.
#Israel showed the world bodies of 40 beheaded Israeli babies found in Israeli kibbutzs after a massacre by #Hamas terrorists there.
Israel brought Western journalists to a site with the bodies of beheaded Jewish children. Listen to what a journalist from the scene says about… pic.twitter.com/qa2wQPqVuR
— NEXTA (@nexta_tv) October 10, 2023
„Тоа не е војна, не е бојно поле. Ги гледате бебињата, мајката, таткото, во нивните спални, тие беа убиени од терористите. Тоа е масакр“, ја опиша првата сцена, генерал-мајор на ИДФ, Итаи Верув.
Наоѓајќи се на границата, Кфар Аз е сè уште активен, а војниците на ИДФ оперираат во областа, на готовност за сите потенцијални преостанати терористи. Покрај тоа, ракетите се уште летаат над нив. На граничната линија во позадина се слуша артилерија. Дури и возилата на терористите се уште се тука.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.