Свет
(Видео) Целосен колапс во Италија: разнесени дрвја и блокирани патишта поради невремето
![](https://makfax.com.mk/wp-content/uploads/2024/07/Screenshot-2024-07-12-213618.jpg)
Екстремните временски услови предизвикаа големи штети во италијанската област Ломбардија, при што обилните врнежи предизвикаа поплави околу езерото Комо, додека торнадо ја погоди провинцијата Варезе, соборувајќи дрвја, затворајќи ги патиштата и прекинувајќи ги железничките услуги.
Разнесени дрвја и одрони ги затворија и патиштата во провинциите Леко, Сондрио, Бергамо и Бреша, пренесува Анса.
#BREAKING #ITALY #ITALIA #LOMBARDIA #VARESE
🔴 ITALY :📹 STORM AND HEAVY RAINS HIT THE VARESE PROVINCE IN LOMBARDY REGION !#Ultimahora #Storm #Tormenta #Tempête #Tempesta #Flooding #Allagamento
📹-Buteobuteo84 pic.twitter.com/VvlwafXHzN— LW World News 🌍 (@LoveWorld_Peopl) July 12, 2024
Во Милано, гром удри во електрични кутии во близина на метро станицата Кимијано, што предизвика прекин на услугите на дел од градската метро линија.
Научниците тврдат дека климатската криза предизвикана од емисиите на штетни гасови создава екстремни временски настани како топлотни бранови, суши, бури и поплави, кои стануваат се почести и поинтензивни.
Иако постојат многу извори на овие гасови, кои предизвикуваат глобално затоплување, главен двигател е согорувањето на фосилните горива како нафтата, гас и јагленот, чија продажба носи огромен профит за светските енергетски гиганти, наведува италијанската агенција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Легендарниот рокер Бора Чорба погребан со хитот “Погледај дом свој анџеле“
![](https://makfax.com.mk/wp-content/uploads/2024/08/bora-corba.jpg)
Легендарниот рокер, фронтмен на групата „Рибља чорба“, Бора Ѓорѓевиќ (72) денес е погребан. Семејството, колегите, но и бројни пријатели и обожаватели се собраа на Градските гробишта во Чачак за да го кажат последното збогум и да се простат од него.
Хорот на гимназијата од Чачак по црковниот обред го испеа најголемиот хит на Бора „Погледај дом свој анџеле“, а овој момент расплака многумина и тоа беше најтажната сцена од гробиштата.
Рокерот Бора Ѓорѓевиќ (72) почина во средата на 4 септември во Љубљана по тешко боледување.Легендарниот рокер ќе почива во родниот Чачак, што му беше и последна желба.
Роден е на 1 ноември 1952 година.
Свет
Вселенското летало Старлајнер на Боинг слета без екипаж
![](https://makfax.com.mk/wp-content/uploads/2024/09/NASA.jpg)
Вселенското летало Старлајнер на Боинг слета без екипаж во пустината во Ново Мексико, со што заврши тримесечната пробна мисија отежната од технички проблеми.
Вселенското летало доцна синоќа самостојно го почна своето шестчасовно патување до Земјата, а астронаутите Буч Вилмор и Сани Вилијамс, првиот екипаж што леташе со Старлајнер, останаа на Меѓународната вселенска станица (МВС).
Беше одлучено Вилмор и Вилијамс да останат на МВЦ до февруари 2025 година, бидејќи Старлајнер се врати на Земјата користејќи маневри премногу опасни за екипажот.
Леталото повторно влезе во атмосферата на Земјата околу 5 часот утрово по средноевропско време, со орбитална брзина од приближно 27.400 километри на час.
Вилмор и Вилијамс ќе продолжат да спроведуваат научни експерименти додека се во вселената, а се очекува да се вратат на Земјата во февруари 2025 година со вселенско летало на компанијата СпејкИкс.
Свет
Регистриран прв случај на детска парализа во Пакистан по 16 години
![](https://makfax.com.mk/wp-content/uploads/2020/06/pakistan.png)
Пакистан планира итна акција за вакцинација следната недела, откако беше пријавен првиот случај на детска парализа во главниот град во последните 16 години, во услови на пораст на болеста во другите делови на земјата, соопштија денеска властите.
Повеќе од 33 милиони деца на возраст под 5 години ќе бидат вакцинирани од врата до врата почнувајќи од понеделник, рече шефот за полио Ајеша Раза, затоа што вкупниот број на нови случаи годинава се искачи на 17.
Ширењето на вирусот во регионот кој претходно беше прогласен за област без детска парализа претставува нов предизвик за програмата за искоренување финансирана заеднички од ОН и Фондацијата Гејтс, пренесува ДПА.
Случаите со детска парализа во Пакистан го достигнаа врвот од 147 болни во 2019 година, но се намалија на само шест минатата година.