Свет
(Видео) Чудесно спасување во Турција, 60 часа по земјотресот од урнатините извлечени 6 лица, меѓу кои две деца

Шест лица, меѓу кои и две деца на возраст од 4 и 7 години, се извлечени живи од урнатините 60 часа по земјотресот што ја погоди Турција, јави Си-Ен-Ен Турк.
Камерите на Си-Ен-Ен Турк покажаа здравствени службеници како трчаат кон урнатините во градот Кахраманмараш.
Неколку минути подоцна тие покажаа член на спасувачкиот тим како носи дете со кратка, кадрава коса.
Новинарката на Си-Ен-Ен Турка ја нарече операцијата неверојатна, а спасувањето чудесно.
На социјалните мрежи се појави видео од спасувачката операција, а според извештаите првото прашање на четиригодишното момче било „Каде е татко ми?“
#Miracle = 60 hours later#Kahramanmaraş, #Turkey
4 people, including 2 children (4 & 7) were pulled out of the rubble.
The first question of the 4-year-old boy was “Where is my father?”
Hundreds are still trapped in the rubble of collapsed homes#TurkeyEarthquake #Earthquake pic.twitter.com/TsmPzH3Hpw
— Michael Barthel 🦕 (Super Bowl LVII) (@RealMiBaWi) February 8, 2023
Според последните податоци, повеќе од 11.000 луѓе загинаа во разорните земјотреси што во понеделникот ги погодија југоисточна Турција и северна Сирија.
Студеното време низ Турција и Сирија ја комплицираше потрагата по преживеани, бидејќи ниските температури го зголемуваат ризикот од хипотермија за луѓето затрупани под урнатините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Трамп разреши членка на одборот на Федералните резерви

Претседателот на САД, Доналд Трамп, објави дека ја разрешил членката на одборот на Федералните резерви, Лиза Кук, од функцијата, наведувајќи наводни неправилности поврзани со хипотекарните кредити.
Во писмо до Кук, кое го сподели на неговата мрежа Truth Social, Трамп напиша дека има „доволно причини да се верува“ дека гувернерката дала лажни изјави. Во 2021 година, Кук на документите за одделни хипотекарни кредити за имоти во Мичиген и Џорџија наведе дека и двете биле нејзини примарни резиденции.
Тој се повикува на закон од 1913 година. Според американскиот закон, претседателот може да ги разреши гувернерите на Федералните резерви само од основана причина, што ја зголемува можноста одлуката на Трамп да биде предмет на правни оспорувања. Трамп ги сигнализираше своите намери неколку дена претходно, велејќи им на новинарите: „Ќе ја отпуштам ако не поднесе оставка“.
Во писмото, Трамп ја обвини Кук за „измамничко и криминално однесување во финансиски прашања“ и нагласи дека нема доверба во нејзиниот „интегритет“.
„Најмалку, спорното однесување покажува еден вид небрежност во финансиските трансакции што ја доведува во прашање вашата компетентност и доверливост како финансиски регулатор“, рече тој, додавајќи дека имал овластување да ја отпушти Кук според Уставот на САД и Законот за Федералните резерви од 1913 година.
Кук одговори неколку часа подоцна во изјава испратена по е-пошта до новинарите, велејќи дека Трамп нема законски основи и овластување да ја отстрани од работното место на кое беше назначена во 2022 година од поранешниот американски претседател Џо Бајден.
„Ќе продолжам да ги извршувам моите должности за да ѝ помогнам на американската економија“, објави таа. Таа потврди дека ќе ја оспори одлуката на Трамп.
Трамп со месеци врши притисок врз Федералните резерви да ги намалат каматните стапки, барање кое централната банка не го исполни бидејќи креаторите на политиките остануваат загрижени за инфлацијата, делумно поттикната од увозните тарифи на Трамп.
Претходните повици на Трамп до претседателот на Федералните резерви, Џером Пауел, да поднесе оставка беа неуспешни.
Кук, економистка, се приклучи на одборот на гувернери на Федералните резерви во мај 2022 година. Нејзиниот мандат требаше да трае до 31 јануари 2038 година. Пред нејзиното назначување, таа беше професорка по економија и меѓународни односи на Државниот универзитет во Мичиген.
Свет
Русија сака да се повлече од конвенцијата за забрана на тортура

Рускиот премиер Михаил Мишустин вчера потпиша резолуција со која бара Москва да се повлече од Европската конвенција за спречување на тортура, пишува Kyiv Independent.
Иако Русија формално останува потписник на конвенцијата, воените злосторства и тортурата на Русија врз украински цивили и војници се документирани постојано, додава Kyiv Independent.
Резолуцијата го повикува рускиот претседател Владимир Путин да ја повлече Русија од деценискиот договор.
„До претседателот на Руската Федерација се поднесува предлог за раскинување на Европската конвенција за спречување на тортура и нечовечко или понижувачко постапување или казнување“, се наведува во текстот на резолуцијата.
Дејствијата на Русија на окупираните украински територии дополнително го потврдуваат нејзиното непочитување на меѓународните механизми за заштита, според украинските медиуми.
Свет
Австралија: Иран нарача најмалку два антисемитски напади во нашата земја

Австралија денес објави дека ќе го протера амбасадорот на Иран во Канбера, а премиерот Ентони Албанезе го обвини Техеран за извршување на два антисемитски напади во клучните градови Сиднеј и Мелбурн.
Од почетокот на војната меѓу Израел и Газа во октомври 2023 година, австралиските домови, училишта, синагоги и возила беа цел на антисемитски вандализам и палење, пишува „Ројтерс“.
„Австралиската безбедносна агенција собра веродостојни разузнавачки информации дека иранската влада наредила најмалку два напади“, изјави Албанезе на прес-конференција.
„Иран се обиде да го прикрие своето учество, но ASIO верува дека стои зад нападите врз „Луис Континентал Кујн“ во Сиднеј на 20 октомври минатата година и синагогата Адас Израел во Мелбурн на 6 декември“.
Австралиската безбедносно-разузнавачка организација додаде дека е веројатно дека Иран наредил дополнителни напади.
„Ова беа вонредни и опасни акти на агресија оркестрирани од странска држава на австралиска почва“, рече Албанезе. „Ова беа обиди за поткопување на социјалната кохезија и сеење раздор во нашата заедница“.
„Австралија ја суспендираше својата амбасада во Техеран и сите дипломати се безбедни во трета земја“, рече Албанезе, додавајќи дека неговата влада ќе ја прогласи Иранската револуционерна гарда за терористичка организација.