Свет
(Видео) Џастин Трудо телефонски разговарал со лажна Грета Тунберг
Канадскиот премиер Џастин Трудо бил наместен од познатите руски пранери, кои се преправаат дека се Грета Тунберг, па разговал со неа за геополитиката и за светските лидери и ѝ ветил дека ќе ја запознае со Теренс и Филип, пренесува РТ.
Пранкерите Владимир Кузнецов и Алексеј Столјаров, познати и како Вован и Лексус, оствариле 10-минутен телефонски разговор со Трудо во јануари по соборувањето на украинскиот патнички авион во Иран. Снимка од разговорот помеѓу Трудо и глас што се претставува како Грета беше објавена на каналот на Вован и Лексус на „Јутјуб“ во понеделникот како последна во серијата Stars Save the Earth.
Трудо се обидел да ја увери лажната Грета дека дава сè од себе да ги деескалира меѓународните тензии по трагедијата со авионот.
„Јас ве молам да им влијаете на претседателот Доналд Трамп и на НАТО за да сфатат дека не само иднината, туку и сегашноста ќе ни биде украдена“, вели лажната Грета.
„Ние навистина балансираме многу работи во Ирак“, рече Трудо. „Има разбирање дека има вистински прашања за меѓународната заедница и американскиот ангажман и нивните активности, но во исто време има признание дека во борбата против тероризмот, во борбата против ИСИС, Даеш, постои потреба од меѓународно воено присуство, вклучително и на Американците, за да се обезбеди стабилност во регионот“.
Незадоволна, лажната Грета му возвраќа: „Вие сте возрасени, но се однесувате како деца“.
Таа продолжува да зборува за свет со повеќе љубов, во кој има место за сите, за белци и црнци, христијани и муслимани, за Трамп и за Путин, за мене и тебе, за Борис Џонсон… за Теренс и Филип“.
Алузијата на Теренс и Филип е за канадското хумористично дуо, кое глуми во анимираното шоу „Саут Парк“. Трудо или ја пропуштил или ја игнорирал алузијата и ја пофалил лажната Грета за точната перспектива. Тој ѝ се заблагодарил што минатата година ја посетила Канада и ѝ помогнала на неговата партија да победи на изборите, со тоа што јасно укажала на потребата „повеќе да размислуваме за младите“.
„Но, напуштете го НАТО“, одговара лажната Грета. „Фрлете го оружјето. Земете цвеќе. Насмевнете ѝ и се на природата, живејте како човек“.
Трудо повторно покажува сочувствителност, велејќи: „И јас сонувам за свет во кој војниците не се потребни, но, за жал, сè уште не живееме во тој свет и потребни се луѓе да се спротивстават на оние што ќе ѝ наштетат на невиноста. Но, многу ги ценам вашите страсни зборови и секогаш размислувам за тоа како можеме да користиме многу други поинакви патишта за да тргнеме на патот кон мирот“.
„Главното копиле е Трамп затоа што тој прави сè за да нè убие“, вели лажната Грета.
Трудо истакнуваа дека мора да соработува со сите светски лидери што другите луѓе ги избираат, но додава: „Секако можам да разберам дека луѓето може да имаат многу силни чувства кон него“.
Во тој момент лажната Грета го кани Трудо да му се приклучи на нејзиниот приватен клуб за „политичари, претседатели, шефови на влади, кои ме поддржуваат и така светските правила мора да се променат“. Трудо вели дека ќе треба да дознае повеќе за клубот и бара од лажната Грета да му испрати објаснување.
Лажната Грета потоа повторно ги споменува Теренс и Филип барајќи од Трудо да ја запознае со нив.
„Ќе го замолам мојот тим да открие како можеме да ве поврземе… Сега немам нивни директни координати со мене“, вели Трудо.
Кабинетот на канадскиот премиер потврди дека телефонскиот разговор со лажната Грета навистина се случил во јануари тврдејќи дека тоа не е прв повик до светски лидер и дека Трудо утврдил оти повикот е лажен и веднаш го завршил.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Виткоф и Рубио во Париз ќе се сретнат со европски претставници: темите се прекинот на огнот и извештајот по средбата со Путин
Американскиот пратеник Стив Виткоф и американскиот државен секретар Марко Рубио денеска во Париз ќе се сретнат со европски претставници за да разговараат за напорите за запирање на војната во Украина. На состаноците ќе учествуваат и францускиот претседател Емануел Макрон и британскиот министер за надворешни работи Дејвид Лами, со што средбата ќе биде највисоко ниво на трансатлантскиот дијалог за Украина од февруари оваа година.
Прва сериозна средба по долга пауза
Состаноците се значајни само затоа што се одржуваат, имајќи предвид дека во последните месеци американската администрација не вложи многу напори да ги консултира европските сојузници за Украина.
Виткоф и Рубио ќе се сретнат со францускиот претседател Емануел Макрон и неговиот тим, а потоа американскиот дипломат ќе има посебна средба со Лами, како и со францускиот и германскиот колега. Во разговорите ќе бидат вклучени и европски советници за национална безбедност.
Темите се прекинот на огнот и извештајот по средбата со Путин
Американскиот Стејт департмент објави дека главниот фокус ќе биде ставен на можностите за прекин на борбите во Украина. Пратеникот Виткоф на европската страна ќе и пренесе и детали од неговата средба со рускиот претседател Владимир Путин, одржана минатата недела.
Европските дипломати велат дека ќе побараат од САД да заземат посилен пристап кон Москва. „Сакаме САД да користат малку помалку морков и малку повеќе стап“, рече еден висок европски функционер.
Обидите на Трамп за брз прекин на огнот досега беа неуспешни
Откако Доналд Трамп се врати во Белата куќа, американската политика кон Украина значително се промени. Додека претходната администрација инсистираше на цврст воен одговор и силна координација со сојузниците, сегашната Бела куќа се повеќе покажува подготвеност за компромис со Москва без консултации со нејзините европски партнери.
Претставниците на Трамп со месеци водат тивки разговори со руската страна, а неодамна успеаја да лобираат во Украина да се согласи на привремен прекин на огнот, што, сепак, Кремљ никогаш не го прифати. Иако Киев повеќе не спроведува големи контраофанзиви, руските сили продолжуваат секојдневно да напаѓаат цивилни цели, вклучувајќи енергетски објекти, пазари и станбени населби.
Во Брисел и Берлин се почесто се слуша фрустрација поради американското однесување, кое многумина го опишуваат како „смирување кон Москва на штета на начелата“. Европските дипломати предупредуваат дека ваквиот пристап не само што не води кон мир, туку го охрабрува Кремљ да продолжи со уцените тактики и агресија.
Меѓутоа, САД инсистираат на тоа дека „вистинската дипломатија“ е единствениот пат напред, а претседателот Трамп е уверен дека може да го постигне преку лични канали она што сојузниците го комплицираат со непотребниот мултилатерализам. Европа, од друга страна, стравува дека таквиот став може да ги продлабочи поделбите во НАТО и да го ослабне обединетиот фронт кон Русија.
Свет
Мелони денеска е кај Трамп: Ова е можеби единствената шанса на ЕУ
Во текот на денешниот состанок во Вашингтон, италијанската премиерка Џорџа Мелони ќе се обиде да го спречи американскиот претседател Доналд Трамп да воведе нови царини за Европската унија. Иако Мелони не е првиот избор на Брисел за преговори со Трамп, таа би можела да биде единствената, пишува Политико.
„Имаме сила, способност и интелигенција да ја надминеме секоја нова пречка. Веќе надминавме некои тешки пречки, а ќе има уште пред нас“, рече Мелони пред нејзиното заминување во САД, нагласувајќи дека ќе се обиде да му објасни на Трамп зошто новите трговски мерки сериозно ќе влијаат на европската економија.
„Мораме да избегнеме трговска војна колку што можеме, бидејќи тоа само ќе го ослабне Западот“, додаде таа.
Трамп, кој претходно ја пофали Мелони како „прекрасна личност“ и ја покани на својата инаугурација во јануари, е познат по тоа што ги стави личните односи во центарот на дипломатијата. Белата куќа очекува дека Мелони ќе ја искористи средбата за да се обиде да создаде простор за договор, во време кога американско-европските трговски тензии повторно се во фаза на ескалација.
Минатата недела Трамп привремено ги одложи најавените царини и рече дека европските земји го контактирале „бакнувајќи му го задникот“, што предизвика загриженост во Брисел за симболиката на пристигнувањето на Мелони во овој момент.
Нејзината блискост со светот на Трамп дополнително ја подгрева недовербата кај европските сојузници, кои стравуваат дека пораките што таа ќе ги пренесе би можеле да се разликуваат од оние што ги испраќаат францускиот претседател Емануел Макрон или британскиот премиер Кир Стармер.
Според аналитичарите, Мелони успеала да се претстави како „трансатлантичарка“ и политичарка која и покрај екстремно десничарските корени соработува со ЕУ, но гради и специфичен однос со Белата куќа. Токму поради оваа двојна позиција, европските лидери ги полагаат своите надежи во нејзината способност да изнуди трговски договор, но и да влијае на политиката на Трамп кон војната во Украина.
Европа
Русите го нападнаа Днепар со дронови: двајца загинати, меѓу повредените и деца
Русија синоќа изврши масовен напад со дрон врз градот Днепар во југоисточна Украина, при што загинаа две лица.
Серхиј Лисак, гувернер на регионот Дњепропетровск, извести дека загинале две жени, а во моментов се знае дека се повредени 16 лица. Меѓу повредените има три деца, девојче на само девет месеци и момчиња на возраст од шест и единаесет години. Пет лица во моментов се на болничко лекување.
🇷🇺 Slavyangrad on Telegram posted this picture of Dnepropetrovsk hit by Geranium-2 drones
🕊️ℹ️ IMO given the necessary time, Russia will seek to liberate Dnipropetrovsk, Zaporizhzhia, Kharkiv, Kherson, Mykolayiv and Odessa pic.twitter.com/LzKGcLGk9F
— 🇿🇦🇨🇺🇵🇸 White EFF Fighter (@lula_leftist) April 17, 2025
Покрај тоа, Лисак додаде дека нападите предизвикале неколку големи пожари кои оштетиле приватни домови и згради, како и образовна институција. Борис Филатов, градоначалникот на Днепар, додаде дека руските беспилотни летала го гаѓале и градското собрание.
Претходната ноќ, црноморскиот пристанишен град Одеса повторно беше мета на руски беспилотни летала, а за време на тој напад беа повредени три лица, а беа предизвикани и пожари, како и оштетувања на куќите и цивилната инфраструктура.
Мелони денеска е кај Трамп: Ова е можеби единствената шанса на ЕУ
Во текот на денешниот состанок во Вашингтон, италијанската премиерка Џорџа Мелони ќе се обиде да го спречи американскиот претседател Доналд...
Времена измена на сообраќајот на автопат А1, делница Демир Капија – Смоквица
Синтек Инженеринг известува дека отпочнува времена измена на сообраќајот на автопат А1, делница Демир Капија – Смоквица од 17.4.2025 до...
Русите го нападнаа Днепар со дронови: двајца загинати, меѓу повредените и деца
Русија синоќа изврши масовен напад со дрон врз градот Днепар во југоисточна Украина, при што загинаа две лица. Серхиј Лисак,...
Израел: Ќе ги задржиме безбедносните зони во Газа и по војната
Израелскиот министер за одбрана изјави дека и по завршувањето на војната армијата ќе остане во таканаречените „безбедносни зони“ кои беа...
Таравари тајно преговарал со Ахмети, Меџити вели дека не го исклучиле од коалицијата туку тој се самоисклучил
Не е веќе тајна бидејќи коалицијата „Вреди“ одамна забележа дека постојат преговори меѓу Таравари и Ахмети со вмешаност на одредени...
Се’ уште се прибираат докази во изгорениот „Пулс“, се вештачат телефони и лаптопи
Дел од обвинителите кои постапуваат во предметот за пожарот во кочанската дискотека „Пулс“, како и Јавниот обвинител, денеска, одржаа состанок...
Трговците со помалку од 10 вработени немаат обврска да ги објавуваат цените онлајн
Од четврток, 18 април, сите трговци (мали, средни или големи) ќе треба да ги објават цените на секој производ што...
„Влен“ денес на средба ќе ја разгледа одлуката на Таравари да настапи на изборите со свои кандидати за советници
Во 14 часот денес ќе се состане коалицијата „Влен“ по што ќе се знае како ќе продолжат понатаму со Алијансата...
Десет полицајци под истрага за несреќата во Кочани
Десет полицајци од Штип и од Кочани се под истрага за катастрофалниот пожар во дискотеката „Пулс“. Според Обвинителството, тие се...
(Видео) Спречен обид за шверц на 6,4 килограми сребро, извести Царинската управа
На граничен премин Богородица мобилен тим спречи обид за криумчарење на 6,4 килограми сребро во вредност од 472 илјади денари....
Одложено рочиштето за убиството на Вања
Рочиштето за убиството на Вања, на кое обвинетиот Љупчо Палевски-Палчо требаше да даде исказ, е одложено. Судењето е одложено поради...
Возел пијан и без возачка, па лажно се претставил како вработен во АНБ: уапсен 31-годишник од Крива Паланка
Доцна синоќа во 02.30 часот на булеварот „Србија“ во Скопје, полицијата го приведе 31-годишниот Б.Р. од Крива Паланка поради сомнение...
Алијансата за Албанците не излегува од „Влен“, на изборите ќе оди со свои кандидати
Алијанса за Албанците останува во коалицијата „Влен“, но на локалните избори ќе излезе со сопствена листа на кандидати за советници....
(Видео) Бајден го одржа својот прв говор по напуштањето на напушти Белата куќа: „Трамп пука, па нишани“
Поранешниот американски претседател Џо Бајден синоќа во Чикаго го одржа својот прв голем јавен говор откако ја напушти Белата куќа,...
Голема временска прогноза за регионот и Европа: каде ќе врне пороен дожд, а каде ќе има летни температури за Велигден
Април е месец кој се карактеризира со повеќе од променливо време, па како што може да ги прикаже летните временски...
„Затворена Кардиохирургија, без да се обезбеди алтернатива“, партијата Левица бара оставка од Таравари
„Скандалозниот случај со починат пациент на Клиниката за кардиохирургија, поради некоординираност и неодговорност на власта, мора да резултира со одговорност...
Кина: Трговското насилство на Трамп сериозно го поткопува глобалниот поредок
Кинеските власти сè повеќе ја кажуваат својата позиција за состојбата на глобалната економија додека Пекинг се подготвува за целосното влијание...
Трамп: Нема повеќе социјална помош за имигрантите без документи
Американскиот претседател Доналд Трамп синоќа потпиша меморандум кој има за цел да ги спречи недокументираните имигранти и другите неподобни лица...
Коцевски: Издадена наредба за приведување на седум полицајци, истрагата за Кочани се проширува
Издадена е наредба за приведување на седум полицајци со што практично се проширува истрагата за пожарот во дискотеката „Пулс“ во...
Антикорупциска со низа замерки за Законот за угостителска дејност
Државната комисија за спречување на корупцијата утврди низа пропусти во законите за угостителска дејност,инспекциски надзор и законот за заштита и спасување....
