Свет
(Видео) Џеј Ди Венс постави ултиматум: се заканува дека ќе ги повлече американските трупи од Германија

Американскиот потпретседател Џеј Ди Венс вчера сугерираше дека администрацијата на Доналд Трамп би можела да го преиспита своето воено присуство во Германија, поврзувајќи ги континуираните одбранбени обврски на САД со ставот на Берлин за слободата на говорот, пишува Политико.
Говорејќи на Конференцијата за политичко дејствување во Вашингтон, Венс директно ја нападна Германија за, како што тврди, нејзиното справување со ограничувањата на слободата на говорот на интернет, предупредувајќи дека американската јавност нема да го поддржи финансирањето на одбраната на земјата додека нејзината влада врши репресии врз политичкото изразување.
🚨 JD VANCE just dropped an absolute truth nuke.
“Germany's entire defense is subsidized by the American taxpayer. There are thousands upon thousands of American troops in Germany today.”
“Do you think that the American taxpayer is gonna stand for that if you get thrown in jail… pic.twitter.com/Uxv9ypTXuv
— Eric Daugherty (@EricLDaugh) February 20, 2025
„Размислете за ова“, започна Венс. „Целата одбрана на Германија е субвенционирана од американските даночни обврзници. Денеска во Германија има илјадници и илјадници американски војници. Дали мислите дека американските даночни обврзници ќе го поддржат тоа ако ве затворат во Германија поради злобен твит? Се разбира дека не“.
Неговите коментари, кои предизвикаа силен аплауз од публиката, се продолжение на острите ескалации во пристапот на администрацијата на Доналд Трамп кон трансатлантските односи, пишува Политико. Коментарите доаѓаат по жестокиот говор што Венс го одржа претходно овој месец на Минхенската безбедносна конференција, каде што ги критикуваше европските лидери за нивната миграциска политика и наводната политичка цензура.
Говорот на Венс во Минхен предизвика остри реакции низ европскиот политички спектар, бидејќи тој ги обвини западните лидери за поткопување на демократските вредности преку масовна миграција и потиснување на слободата на говорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.
Регион
(Видео) Студентите на протестот во Белград ќе развеат знаме „какво што не се очекува“

Студентскиот протест во Белград почна со огромен број луѓе кои се уште се слеваат кон плоштадот Славија. Студентите за вечерва најавија дека ќе развеат знаме „какво што досега не е видено“. Откога почна протестот тие на социјалните мрежи објавија кусо видео од последните подготовки за изнесување големо знаме на улица со најава дека „тоа ќе биде знаме кое не сте го очекувале“.
Biće to zastava koju niste ocekivali pic.twitter.com/qeFNGlGmHD
— Žaklina Tatalović (@zaklina_prva) June 28, 2025
Протестот е предвидено да заврши во 21 часот кога истекува рокот кој студентите го дадоа на власта за распуштање на Народното собрание распишување предвремени парламентарни избори како и растурање на протестот во Пионерскиот парк каде некои студенти на контрапротест три месеци кампуваат и бараат продолжување на универзитетската година. За се што ќе се случува по 21 часот, студентите кажаа дека не се надлежни, а претседателот на Србија, Александар Вучиќ, попладнево рече дека очекува насилство, токму во периодот од 21 до 22 часот.
Регион
Плоштадот Славија во Белград се преполни, реки луѓе доаѓаат од сите страни на видовденски протест

Под слоганот „Се гледаме на „Видовден“ попладнево плоштадот Славија во Белград, Србија се преполни луѓе. Српските медиуми јавуваат дека реки народ се уште доаѓаат кон плоштадот од сите страни на државата.
Студентите, поддржани од огромен број граѓани имаат две барања од властите. Првото барање е распуштање на Народното собрание и распишување предвремени парламентарни избори до 21 часот денес, а второто барање е да прекине протестот на некои од студентите кои бараат продолжување на универзитетската година и три месеци кампуваат во Пионерскиот парк во центарот на Белград.
Студентите кои го организираат протестот најавија дека тој ќе трае три часа, треба да заврши во 21 часот и се огласија за ненадлежни за се што ќе се случува по 21 часот.
Претседателот на Србија, Александар Вучиќ, денес изјави дека очекува насилство на протестот кое ќе почне меѓу 21 и 22 часот.