13-годишно момче од Стара Пазова, Република Србија, било киднапирано од другари кои знаеле дека е од богато семејство и го уценувале. Како што пишуваат медиумите, момчето исчезнало во саботата. Петар М. (13) од Стара Пазова е пронајден во неделата вечерта. Според неофицијални информации, момчето било киднапирано, а зад киднапирањето стојат неговите пријатели кои го уценувале, пишува „Блиц“. Момчето било вратено кај неговите родители и имало полесни повреди на лицето и телото бидејќи билo врзуванo со синџири.

По пронаоѓањето на момчето , тоа беше пречекано и од српскиот министер за внатрешни работи, Небојша Стефановиќ.

Пријателите наводно го киднапирале Петар затоа што знаеле дека е од богато семејство. Петар последен пат комуницирал со својот брат, кој го молел да дојде на одредена локација, по што неговите родители добиле повик во кој слушнале како нивниот син велел: „Тргнете ми го првезот од очите“.

Токму оваа реченица, според родителите, покажува дека нивниот син бил киднапиран. Сепак, тие изјавуваат дека никој не побарал од нив да платат пари за да се ослободи детето. Полицијата во понеделникот соопшти дека ги уапсила Л. Ј. (19), М. Ј. (54) и А. М. (19). Сите се од Стара Пазова, а ќе поднесе кривична пријава против 17-годишен малолетник.