Свет
(Видео) 30-годишниот маж, кој газеше луѓе на канадски фестивал, обвинет за убиство

Триесетгодишен маж е обвинет по осум точки за убиство од втор степен, откако со автомобилот се забил во толпа луѓе на улична забава во Ванкувер, Канада, објави Би-би-си. Во нападот на фестивал на кој се слави филипинската култура загинаа 11 лица, а десетици беа повредени.
Синоќа, полицијата сè уште работеше на идентификување на некои од жртвите, а полицијата соопшти дека осомничениот Каи-Џи Адам Ло, жител на Ванкувер, веројатно ќе биде обвинет за дополнителни убиства. Истражителите рекоа дека осомничениот ѝ бил познат на полицијата пред нападот, но ја исклучија можноста за екстремистички мотив, наведувајќи наместо тоа дека имал проблеми со менталното здравје.
The apparent vehicle from the Lapu Lapu tragedy in Vancouver where the SUV drove into a crowd of people.
The Filipino community is one of the warmest, kindest communities ….Whats nut job would this?
— The Great Gats🐝 (@TheGr8_GatsBee) April 27, 2025
Организаторите на годишниот фестивал Лапу Лапу изјавија дека блиската филипинска заедница во Ванкувер е во жалост и дека последиците од нападот ќе се чувствуваат со години.
Претходно, полицијата објави дека жртвите биле на возраст меѓу пет и 65 години. Нивниот идентитет сè уште не е објавен.
Нападот се случил завчера околу 20:14 часот локално време во јужниот дел на Ванкувер. Неколку очевидци го опишаа моментот кога автомобилот се заби во толпата и хаосот што следеше.
„Автомобилот едноставно возеше брзо по целата улица, удирајќи во сè пред себе“, изјави локалната жителка Абигејл Андисо за Асошиејтед Прес. „Видов едно мртво лице, еден човек на земја и се упатив кон крајот на улицата каде што исчезна автомобилот, таму имаше уште жртви, веднаш можеше да се видат можеби 20 луѓе на земја, сите беа во паника, сите врескаа“, опиша таа.
На местото на несреќата, луѓето синоќа почнаа да положуваат цвеќе и да им оддаваат почит на жртвите. Една жена падна на колена, плачејќи, пред да си замине. Друга жена, по име Дона, рекла дека живее во соседството повеќе од 50 години. Таа беше на фестивалот и рече дека бил преполн со млади луѓе и семејства. „Луѓето дојдоа тука да слават и да уживаат. Ова е трагедија“, изјави таа за Би-би-си.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Песков: Украина продолжува со милитаристичка политика наместо дијалог

Украина продолжува со својата милитаристичка политика наместо дијалог, изјави денес Дмитриј Песков, портпарол на рускиот претседател, Владимир Путин.
„Гледаме дека тие (Украина) продолжуваат со овој милитаристички став наместо да размислуваат како да се вклучат во дијалог со цел заеднички да бараат безбедносни гаранции за време и во рамките на дијалогот“, изјави Песков пред новинарите, пренесува „РИА новости“.
Тој додаде дека Кремљ слуша разни гласови од европските престолнини и затоа продолжува да ја следи ситуацијата.
Одговарајќи на прашање за изјавите на претседателката на Европската комисија, Урсула фон дер Лајен, во врска со создавањето ѕид од беспилотни летала во Европа, Песков рече дека историјата покажува дека градењето ѕидови е секогаш лоша работа.
„Многу е тажно што оваа милитаристичка конфронтациска политика на Украина сега потенцијално би можела да почне да се материјализира во создавање нови ѕидови на поделба“, истакна тој.
Фото: принтскрин
Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин
Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин