Свет
(Видео)10 годишно девојче во урнатините на Газа, низ солзи вели: Не можам да го трпам ова, јас сум само дете
Жестоките напади меѓу Израел и Хамас се најтешки за луѓето во Газа, каде што луѓето умираат секој ден – претежно Палестинци, а видеото со десетгодишно девојче од оваа уништена област го потресе целиот свет, јавуваат светските медиуми.
Надин Абдел-Таиф плачеше на сред интервју, покажувајќи на урнатините зад себе во кои беа убиени осум деца и две жени – нејзините соседи.
"I don't know what to do."
A 10-year-old Palestinian girl breaks down while talking to MEE after Israeli air strikes destroyed her neighbour's house, killing 8 children and 2 women#Gaza #Palestine #Israel pic.twitter.com/QuM9be4FVQ
— Middle East Eye (@MiddleEastEye) May 15, 2021
„Не знам што да правам, имам само 10 години. Не можам повеќе да го трпам ова. Би сакала да бидам лекар и да им помагам на моите луѓе, но не можам. Јас сум само дете“ – рече Надин низ солзи.
„Се плашам но веќе не толку многу. Кога ќе го видам сето ова, буквално плачам секој ден. Тогаш се прашувам, со што го заслуживме ова. Моето семејство вели дека не мразат нас (Израелците). Тие едноставно нас не не сакаат затоа што сме муслимани. Ги гледате сите овие деца околу мене, тие се само деца. Зошто би сакале да фрлите ракета кон нив и да ги убиете. Не е фер“, изјави 10 годишното девојче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шефовите на државите од ЕУ сè уште не се договорија што да прават со замрзнатите руски средства
Лидерите на ЕУ побараа од Европската комисија што е можно поскоро да презентира опции за финансиска поддршка за Украина за следните две години, но прашањето за користење на замрзнатите руски средства останува отворено и ќе биде повторно дискутирано на следниот самит во декември.
„Европскиот совет се обврзува да ги реши итните финансиски потреби на Украина за 2026 и 2027 година, вклучително и за нејзините воени и одбранбени напори“, се вели во текстот, кој беше поддржан од 26 земји-членки на ЕУ, сите освен Унгарија.
„Затоа, Европскиот совет ја повикува Комисијата што е можно поскоро да презентира опции за финансиска поддршка, врз основа на проценка на финансиските потреби на Украина, и ги повикува Комисијата и Советот да продолжат со својата работа за да може Европскиот совет да се врати на ова прашање на својот следен состанок“, се додава во него.
Сепак, во споредба со нацрт-заклучоците, текстот повеќе не споменува „конкретни предлози, вклучително и можна постепена употреба на готовина поврзана со замрзнатите руски средства“.
Ова значи дека сè уште нема договор за користење на замрзнатите руски средства за заем од 140 милијарди евра за Украина и дека ова ќе биде повторно дискутирано на следниот самит во декември.
Пред почетокот на самитот, белгискиот премиер Барт де Вевер изјави дека има услови за согласност за заем на Украина со користење на замрзнатите руски средства депонирани во неговата земја. Белгија сака цврсти гаранции дека другите членки исто така ќе го споделат ризикот со неа во случај на евентуална арбитражна одлука дека парите мора да бидат вратени во Русија.
фото: принтскрин
Европа
(Видео) Снимка од Полска: тркало од автомобил падна среде шини додека се приближуваше воз
Драматична ситуација се случи на железнички премин во Катовице, Полска, кога тркало падна од автомобил додека преминувал по шините, предизвикувајќи возилото да се заглави точно на средината од шините.
Возачот и патникот не можеле сами да го извадат автомобилот, а на помош им дошол полицаец кој не бил на должност. Благодарение на неговата брза реакција, сите успеале да го тргнат возилото од шините неколку секунди пред да пристигне возот.
Според видео објавено на социјалните мрежи, трагедијата била избегната буквално за момент.
Свет
Белата куќа: Трамп ќе се сретне со кинескиот претседател следниот четврток
Американскиот претседател Доналд Трамп ќе се сретне со кинескиот претседател Кси Џинпинг следниот четврток, соопшти Белата куќа.
Трамп ќе присуствува на билатерален состанок со Кси наутро и ќе се врати во Вашингтон навечер, изјави неговата портпаролка Каролин Ливит.
Трамп и Кси планираа да се сретнат на маргините на самитот на Азиско-пацифичката економска соработка (АПЕК) во Јужна Кореја, кој започнува на 31 октомври, но датумот не е јавно објавен.
Американскиот претседател им изјави на новинарите дека верува оти разговорите ќе доведат до договор во трговскиот спор меѓу двете суперсили. Сепак, тој нагласи дека доколку не се постигне договор, САД ќе воведат дополнителни тарифи од 100 проценти за кинескиот увоз од 1 ноември, објави ДПА.
Пекинг сè уште не ја потврдил средбата меѓу Кси и Трамп.
фото: принтскрин

