Свет
(Видео) 104-годишна старица од Чикаго скокна со падобран за да го собори светскиот рекорд: „Годините се само бројка“
104-годишната Дороти Хофнер од Чикаго бара потврда дека е најстарата личност што скокнала со падобран бидејќи направила неверојатен подвиг за нејзината возраст.
„Годините се само бројка“, вели храбрата жена неколку моменти по безбедното слетување на полигонот во Отава.
Дороти изведе тандемскок (прикачена за инструктор) од височина од 4.100 метри, а сега се очекува Гинисовата книга на рекордите да го потврди нејзиното достигнување.
Жителката на Чикаго го направила својот прв скок со падобран кога имала 100 години. Тогаш, како што вели, морале да ја исфрлат од авион, а во неделата на 1 октомври инсистирала да го води скокот.
„Ајде да одиме, Џеронимо“, извика Дороти кога се смести во авионот.
Старицата изгледала смирено и самоуверено кога се отворила авионската врата. Нејзиниот лет траел седум минути, а на интернет се појавиле видеа и фотографии, кои покажуваат колку уживала.
Нејзините пријатели побрзаа да ѝ честитаат бидејќи таа безбедно слета и ја прашаа како е.
„Убаво е горе! Не може да биде подобро“, рече таа.
Дороти размислува за други предизвици пред својот 105-ти роденден во декември. Таа вели дека сега би можела да оди на возење со балон на топол воздух.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски се обрати до нацијата: Се браниме кај Харков, во Доњецк е исклучително тешко
Украинските сили продолжуваат со одбранбените операции околу северните погранични населби во регионот Харков, изјави украинскиот претседател, Володимир Зеленски во вечерното обраќање до нацијата.
„Нашите сили извршуваат контранапади и ја штитат украинската територија веќе втор ден“, рече Зеленски.
Украинската војска претходно соопшти дека руските сили се задржани во пограничните села во „сивата зона“, додека Русија објави дека зазела пет локални населби.
Ситуацијата, рече Зеленски, е особено напната во регионот на Доњецк, поточно во правец на Покровское, кај селата Семенивка и Нетаилова.
Зеленски додаде дека попречувањето на руските офанзивни акции сега е задача број еден.
Свет
Макрон: Се надевам дека Французите нема да мора да се борат во Украина
Францускиот претседател Емануел Макрон уште еднаш не ја исклучи можноста за интервенција на француската армија во Украина, но истовремено изрази надеж дека неговата земја нема да мора да војува и да испраќа свои војници во војна.
Како што пренесува „Украинска правда“, Емануел Макрон рече дека во одреден момент Европејците треба да бидат подготвени да ја спречат Русија да напредува понатаму во Украина, но тој најискрено се надева дека нема да мора да се борат.
„Ако сакаме мир, мораме да го заштитиме. Затоа треба да се вооружиме и затоа треба да бидеме средство за одвраќање и убедување. Ако одите предалеку и ги загрозувате нашите интереси и нашата безбедност, тогаш јас не исклучувам интервенци во конфликтот“, рече Макрон.
Тој нагласи дека украинскиот суверенитет и територијалниот интегритет се под закана, но истовремено владеењето на правото и општите правила се под закана.
„И ако оставиме сè како што е во Украина, тогаш ќе победи правото на посилниот. И не можеме да бидеме сигурни бидејќи тоа се случува на 1.500 километри. Значи, во Украина нашата иднина и нашата безбедност се во прашање“, заклучи францускиот претседател.
Свет
Големи пропалестински протести во Малме пред евровизиското финале, се бара исклучување на Израел од натпреварот
Денеска во центарот на Малме, Шведска се одржува масовен пропалестински протест поради учеството на Израел на овогодинешното натпреварување.
Голем број луѓе почнаа да се собираат на главниот плоштад во Малме од 16 часот.
Протестот почна на главниот плоштад во Малме, а насобраните од ова место се упатија кон арената Малме, каде што се одржува Евровизија.
Во четвртокот, кога претставничката на Израел настапи во втората полуфинална вечер, на улиците на Малме протестираа повеќе од 30.000 луѓе, според проценките на шведската полиција.
Барањата се исти – бојкот на Евровизија и исклучување на Израел од натпреварувањето.