Свет
(Вознемирувачко видео) Ужасни сцени од масакрот во Кентаки: полицајци се приближуваат до банката, напаѓачот пука во нив
Банкарскиот работник, кој отвори оган на своето работно место во Луисвил, Кентаки, во американската сојузна држава Кентаки, во нападот употребил пушка што легално ја купил една недела претходно, а целта му биле неговите колеги, соопшти полицијата.
Објавено е и видео од нападот од полициските камери, на кое се гледаат хаотични сцени и како напаѓачот пука во двајца полицајци кои се обидуваат да го спречат нападот. Еден од полицајците бил застрелан во главата, јавува „Гласот на Америка“.
Началникот на полицијата во Луисвил, Жаклин Гвин Виларел, на прес-конференција рече дека напаѓачот купил полуавтоматска пушка на 4 април во локална продавница.
Едно видео покажува напаѓач со пушка опкружен со скршено стакло.
Од полицијата соопштија дека по пукањето во луѓето во банката, поставил заседа за да ги нападне полицајците што пристигнувале во банката. Полицијата во Луисвил го идентификувала напаѓачот како 23-годишниот Конор Старџен, кој од минатата година бил вработен во банката, каде што претходно бил практикант во три наврати.
Мотивот за ова масовно убиство не е познат. Напаѓачот го пренесувал нападот во живо.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.
Регион
Две лица загинаа во пожар во стан во Белград
Две лица загинаа во пожар во Белград, потврдија за РТС од итната помош.
Пожарот избувнал околу 05:30 часот во стан на вториот кат во Раковица.
Противпожарните екипи се уште се на терен.