Свет
Воспитувачи, тренери, функционери: уапсени 80 лица за злоставување на деца во Франција
Во Франција оваа недела беа уапсени 80 мажи осомничени за злоупотреба на деца, во голема акција при која беше откриено дека ова зло ги погодува сите општествени категории.
Неименуван висок полициски функционер за агенцијата Франс прес изјави дека тоа е најголемата операција спроведена во Франција и дека меѓу уапсените има двајца воспитувачи, спортски тренер и надзорник во домот за деца со пречки во развојот, пренесува Бета.
Еден од наставниците украл фотографии и видео снимки од неговите ученици, а обвинет е и за сексуално злоставување ученик, соопшти полицијата.
Меѓу уапсените има десет мажи осомничени за силување на малолетници или сексуален напад.
Уапсените се на возраст од 30 до повеќе од 60 години, а меѓу нив има и локален функционер, инженер и невработен маж.
„Нема типичен профил меѓу овие криминалци, наидуваме на сите општествено-професионални категории“, изјави претставник на полицијата, додавајќи дека при претресот биле пронајдени повеќе од 100.000 видеа и фотографии од злоставување на деца.
Сликите биле чувани на компјутери, хард дискови или во други дигитални форми. „Некои од содржините беа крајно насилни“, изјави полициски службеник.
Министерот за внатрешни работи Џералд Дарманен ја поздрави работата на полицијата и „големата акција против овој вид криминал“. Тој додаде дека истрагата се уште е во тек.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Харис: Убиството на Синвар нуди шанса да се стави крај на војната во Појасот Газа
Американскиот потпретседател и кандидат на демократите Камала Харис изјави денеска, по убиството на лидерот на Хамас, Јахја Синвар, дека овој момент нуди шанса да се стави крај на војната во Појасот Газа.
„Правдата е задоволена. Синвар е одговорен за убиството на илјадници невини луѓе, вклучувајќи ги и жртвите на 7 октомври и заложниците убиени во Газа“, рече Харис.
Таа изрази надеж дека наскоро ќе започне „ден потоа без Хамас“ на власт во палестинската енклава, пренесува Ројтерс.
Регион
Во Србија пронајдени три деца киднапирани во Романија
Киднапирани деца од Романија, денеска биле пронајдени во српскиот град Ниш. Министерот за внатрешни работи Ивица Дачиќ денеска за ова ја информирал министерката за внатрешнира работи на Романија.
Случајот во последните денови ја брануваше романската јавност.
Имено, министерот Дачиќ ја информирал својата романска колешка дека припадниците на Министерството за внатрешни работи, Управата за криминалистичка полиција, Службата за сузбивање криминал и Техничката управа, во соработка со Полициската управа во Ниш, постапувајќи по пријава за кривично дело киднапирање извршено во Романија, уапсен е романски државјанин А.М.(1970) поради сомнение дека ги грабнал неговите три малолетни деца, исто така романски државјани на возраст од 11, 9 и 8 години.
Свет
По Германија и Франција ги враќа граничните контроли
Франција најави воведување привремени гранични контроли со шест земји, од 1 ноември 2024 година до 30 април 2025 година, пишува Луксембург Тајмс.
Како што пишува овој медиум, Франција и најавила на Европската комисија гранични контроли на границите со Луксембург, Белгија, Германија, Шпанија, Италија и Швајцарија.
Минатиот месец, Германија повторно ги воведе граничните контроли со Луксембург, поставувајќи контролни пунктови долж автопатите каде Германија ја дели својата граница со Луксембург. Како и Франција и Германија ги карактеризираше своите активности како неопходен одговор на тековните безбедносни закани.