Свет
Во Австралија запалена синагога, испишани графити против Израел

Австралиската полиција денеска започна истрага откако беше запален автомобил и имот покриен со антиизраелски графити во Сиднеј, само неколку дена по подметнувањето пожар во синагогата во Мелбурн, се истражува како „терористички напад“, јавува Би-Би-Си.
Инцидентот го осуди премиерот Ентони Албанес како злосторство од омраза. „Нема место за антисемитизам во оваа земја или на кое било друго место“, изјави тој за ABC News.
Инцидентот доаѓа неколку дена откако пожарот зафати синагога во Мелбурн, предизвикувајќи полесни повреди на еден маж, што тамошната полиција го третира како можен терористички напад.
Властите во Сиднеј соопштија дека трагаат по две лица на возраст меѓу 15 и 20 години во врска со вандализмот.
Двајцата носеа прекривки за лице и темна облека и беа видени како бегаат од местото на настанот, соопшти полицијата на Нов Јужен Велс.
„Потребна ни е помош од јавноста за да ги идентификуваме овие две лица“, изјави за новинарите портпаролката на полицијата Карен Веб.
Полицијата соопшти дека пожарот во автомобилот бил изгаснат набргу откако пожарникарите биле повикани на местото на настанот во Вулахра, предградие на истокот на Сиднеј.
На местото на настанот се откриени антиизраелски пораки, исцртани на оградата на два имоти и на автомобил.
Претходно оваа недела, беше формирана специјална полициска работна група за истрага на инциденти поврзани со антисемитизмот, вклучително и наводен терористички напад во Мелбурн и уште еден вандалски напад во Вулахра минатиот месец. Полицијата не верува дека двата инциденти во Вулахра се поврзани.
Премиерот на Нов Јужен Велс, Крис Минс, рече дека последниот инцидент се чини дека е „специјално дизајниран“ да ја заплаши еврејската заедница во Сиднеј.
Претседателот на Еврејскиот одбор на заменици на Нов Јужен Велс, Дејвид Осип рече дека неговата заедница е „тажна“ од она што се случило, но нема да биде исплашена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Затворската казна за Саркози ја подели земјата околу тоа како судиите се справуваат со случаите на политички криминал

Затворската казна изречена на поранешниот француски претседател Никола Саркози ја подели земјата околу тоа како судиите се справуваат со случаите на политички криминал, додека лидерката на крајната десница Марин Ле Пен се подготвува да се обиде да ја поништи пресудата за проневера и да се кандидира за претседател во 2027 година, објави Ројтерс.
Парискиот суд ја шокираше политичката сцена во четвртокот кога на Саркози му изрече казна затвор од пет години затвор за криминален заговор во врска со обидот за собирање средства за кампања во Либија, објави агенцијата.
Саркози ќе биде и првиот претседател на Франција по Втората светска војна, кој ќе биде затворен.
Свет
Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања, како што се економијата и оружјето, изјави денеска украинскиот претседател Володимир Зеленски.
Украинскиот претседател беше во САД оваа недела, каде учествуваше на Генералното собрание на Обединетите нации и се сретна со американскиот претседател Доналд Трамп.
Тој рече дека споделил со Трамп „одредена визија за тоа што може да се направи“ како одговор на руските дејствија. Зеленски вети дека ќе возврати доколку Москва предизвика прекин на електричната енергија во Украина.
Свет
Најголемата воена база во Данска ја надлетуваат неидентификувани беспилотни летала

Неидентификувани беспилотни летала синоќа се регистрирани над најголемата воена база во Данска, соопшти данската полиција.
– Можам да потврдам дека во петокот околу 20 часот и 15 минути имавме мал инцидент што траеше неколку часа. Еден или два дрона се забележани пред и над воздухопловната база во Каруп. Не ги соборивме, изјави претставник на данската полиција.
Изминатите денови дронови надлетуваа над цивилни и воени објекти, поради што привремено беше затворен воздушниот простор на Данска.
Премиерката на Данска, Мете Фредериксен претходните инциденти со нарушувањето на воздушниот простор ги поврза со наводни руски активности со дронови низ Европа, но не понуди докази. Москва ги негираше обвинувањата.