Свет
Во Австралија пронајдено злато вредно 15 милиони долари
Во оддалечена област во западниот дел на Австралија, околу 630 километри од Перт, рударите пронајдoa злато во вредност од 15 милиони американски долари. Златото го бараа четири дена, а најголемиот примерок беше пронајден на карпа тешка 90 килограми.
Рударот Хенри Дол рече дека речиси се онесвестил кога го пронашле златото, а геологот Заф Томас ова го нарече „нешто што се случува само еднаш во животот“. Златото е пронајдено на длабочина од 500 метри под земјата.
Сопственик на рудникот е канадската компанија РНЦ, која поради ниските цени на никелот, почна да го продава рудникот пред неколку месеци, а во последните три години затвори четири големи рудници.
Претседателот на РНЦ, Марк Селби, рече дека поголемите парчиња злато ќе одат на аукција, а продажбата на рудникот продолжува бидејќи на тој начин тие сакаат да соберат доволно капитал за истражувачко дупчење, пишува „Вест Австралијан“.
Во меѓувреме околу рудникот е засилена безбедноста, а беа поставени камери за набљудување и жичена ограда. Исто така, вооружени чувари го надгледуваат преносот на големите златни грутки во трезор, од кои некои парчиња се тешки околу 60 килограми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.