Свет
Во Ватиканската библиотека откриен фрагмент од Библијата избришан пред 1.500 години
Австриски научник дошол до неверојатно откритие во Ватиканската библиотека – ново поглавје од Библијата во превод на класичен сириски јазик, кое било избришано пред повеќе од 1.500 години, пренесува „Њујорк пост“.
Григори Кесел, експерт за средновековието од Австриската академија на науките, го открил избришаниот фрагмент благодарение на користењето ултравиолетово светло при анализата на ракописот и на своето длабоко познавање на старите сириски текстови и карактеристиките на писмото.
Кесел го открил тексот како трет слој на ракопис, т.е. двоен палимпсест.
Фрагментот е досега единствениот познат остаток од четвртиот ракопис, што ја потврдува класичната сириска верзија и нуди уникатен увид во најраната фаза од историјата на текстуалното пренесување на евангелијата.
„Ова откритие докажува колку продуктивна и важна може да биде интеракцијата помеѓу модерните дигитални технологии и фундаменталните истражувања кога станува збор за средновековни ракописи“, рече Клаудија Рап, директорка на Институтот за средновековни истражувања при Австриската академија на науките.
Древниот текст, кој датира од 3 век, ги содржи 11. и 12. поглавје од Евангелието по Матеј – едно од четирите евангелија од Новиот завет на Библијата – и претставува еден од најраните преводи на тоа евангелие.
Текстовите од Новиот завет се напишани во годините по Исусовото распнување.
Текстот бил избришан во 6 век, а преку него бил напишан друг текст. Скриениот текст го избришал писар во Палестина, што било вообичаена практика во тоа време зашто пергаментот бил редок, па често биле бришени ракописи за повторна употреба на пергаментот.
Овој текст бил напишан најмалку еден век пред најстарите грчки ракописи што преживеале низ вековите вклучувајќи го и Синајскиот ракопис (Codex Sinaiticus).
Кесел сега успеал да ги открие избришаните зборови, а неговите откритија се објавени во списанието „Њу тестамент стадис“.
„Традицијата на сириското христијанство познава неколку преводи на Стариот и Новиот завет, а до неодамна се знаеше дека само два ракописа содржат старосириски првод на евангелијата“, вели Кесел.
Еден од ракописите сега се чува во Британската библиотека во Лондон, вториот е откриен како палимпсест во манастирот „Света Катерина“ на планината Синај, а неодамна беа откриени и фрагменти од трет ракопис во рамките на проектот „Синајски палимпсести“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Два брода со мигранти се превртеа кај Мадагаскар, 25 лица загинаа
Два брода со мигранти се превртеа во Индискиот Океан кај Мадагаскар, а бројот на жртви се зголеми на 25, соопштија денеска локалните власти.
Вкупно 48 луѓе беа спасени од водите во близина на северниот дел на Мадагаскар, а официјални лица велат дека мигрантите биле на море речиси еден месец со надеж дека ќе стигнат до француската територија Мајот.
На 2 ноември чамците ја напуштиле плажата во близина на главниот град на Сомалија, Могадишу, со 73 луѓе.
Не е јасно што го предизвикало превртувањето на чамците, а истрагата е во тек.
Свет
Обвинителите се откажаа од случајот против Трамп поради напорите за поништување на изборните резултати
Американските специјални обвинители денеска побараа од судот да отфрли две кривични постапки против новоизбраниот претседател на Соединетите Американски Држави, Доналд Трамп – за обид за промена на неговиот пораз на изборите во 2020 година и за задржување доверливи документи, се вели во судската пријава.
Во предлогот од шест страници за отфрлање на случајот за мешање во изборите во 2020 година, обвинителите рекоа дека додека Трамп сè уште не е претседател, канцеларијата на генералниот совет на одделот, која обезбедува внатрешен правен совет, им кажала да го откажат случајот пред неговата инаугурацијата во јануари.
„Одамна беше ставот на Министерството за правда дека Уставот на САД забранува поднесување федерално обвинение и последователно кривично гонење на актуелниот претседател“, напиша главната заменичка на Смит, Моли Гастон.
Свет
Масакр во Турција: Убил седум лица, меѓу кои и сопственото дете
Турција ја потресе страшен семеен масакр во кој загинаа осум лица. Бахтијар Аладај уби седум лица, меѓу кои сопругата, детето, мајката, таткото, свекрвата и ја повреди сестра си, пред да се самоубие.
Телата на неговата сопруга, дете и свекрва, кои беа пријавени како исчезнати, се пронајдени покрај езерото Бујукчекмеџе. Наводно, Аладај претходно имал конфликти со сопругата поради љубомора и вежбал пукање со воздушен пиштол во својот фризерски салон во Авџилар, пренесува „Хуријет“.
Се започна во неделата, околу 16 часот и 30 минути, во квартот Јелалија на улица Чајир 1. Според информациите, 33-годишниот Бахтијар Аладај дошол во станот на неговото семејство, кој се наоѓа на приземјето на зграда на четири ката. По расправија со семејството, тој ги застрелал татко му Мухамед Аладај (65), мајката Нејмија Аладај (55) и сестрата Букет Аладај (30).
На лице место лекарски екипи ја констатирале смртта на Мухамед Аладај, додека Букет и Нејмија со повреди се пренесени во болница. И покрај напорите на лекарите, мајката на Нејми им подлегнала на повредите.
Околу 17:00 часот Аладај со автомобил се упатил до фризерскиот салон на улицата Чемил Мерич во Авџилар. Тој пукал во вработените, убивајќи го 30-годишниот Мехмед Салих Озсокук, додека неговата сопруга С.А и шурата Гохан Сојлу (34) се тешко ранети. Потоа Аладај со автомобил побегнал во Есенјурт.
Во 17:30 часот Аладај пристигнал на улицата 853 во Есенјурт, каде што го застрелал својот братучед Шадан Сердар Буке (33). Буке бил пренесен во болница, каде што починал. После тоа Аладај влегол во својот автомобил и се самоубил пукајќи си во главата.
По масакрот истанбулската полиција ја извести јавноста дека Бахтијар Аладај бил пронајден мртов во автомобил, каде што бил пронајден и пиштол. Наведено е и дека Аладај имал бројни криминални досиеја за употреба на наркотици.
Според медиумите, последни биле пронајдени телата на детето, сопругата и свекрвата. Тројцата се исчезнати, а полицијата дури подоцна ги откри телата на сопругата на Бахтијар Севим Аладај, десетгодишниот син Арсал Аладај и свекрвата Туркана Сојла во областа Тепекент покрај езерото Бујукчекмеџе.