Свет
Во Гана почна имунизацијата на граѓаните со вакцини од програмата „Ковакс“

Гана денес почна да ги вакцинира граѓаните против коронавирусот со 600.000 дози вакцина на „Астра зенека“, која ја доби од глобалната програма за размена на вакцини „Ковакс“, чија цел е да им обезбеди вакцини на земјите во развој за да им помогне во борбата против пандемијата на Ковид-19.
Во Гана се регистрирани повеќе од 84.000 случаи на коронавирус и над 600 смртни случаи, покажуваат податоците на Министерството за здравство, објави „Ројтерс“.
„Ковакс“ има цел да испорача над 1,3 милијарда дози вакцина во повеќе од 90 земји со низок и среден приход до крајот на годината опфаќајќи до 20 проценти од нивната популација.
Соседот на Гана, Брегот на Слоновата Коска, вчера почна со вакцинирање против Ковид-19 со вакцини од програмата „Ковакс“.
Оваа недела се очекува да бидат доставени 11 милиони вакцини на „Астра зенека“-„Оксфорд“ и „Фајзер“-„Бионтек“ во некои африкански земји, вклучувајќи ги Нигерија и Демократска Република Конго.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Санторини и Миконос се најскапи: од денес, туристите плаќаат нов данок во Грција

Од денес, патниците на крузери ќе плаќаат данок од 20 евра ако патуваат до островите Санторини и Миконос, како и пет евра ако одат на други грчки острови, објави Министерството за финансии на таа земја.
„Како што диктира регулативата, оваа такса ќе се однесува на Санторини, Миконос и други острови во помала мера“, изјави претставник на Министерството за финансии, пренесуваат медиумите во регионот.
Грција минатата година донесе закон за да се обиде да го регулира пристигнувањето на големи бродови на популарните туристички дестинации и да ја олесни инфраструктурата.
Даноците ќе се наплаќаат од 1 јуни до 20 септември, а според регулативата, крузерите ќе ги плаќаат од сопствен буџет, а подоцна ќе ги вклучат во цената на билетот за патниците.
Патувањето со крузери станува сè попопуларно во последните неколку години, а приходите во овој сектор се зголемија за 22,4 проценти во текот на изминатата година.
Свет
Новинарка: Ќе го депортирате ли Маск?; Трамп: Не знам, ќе мора да видиме

Претседателот на САД, Доналд Трамп, денес изјави дека не е сигурен дали да го депортира Илон Маск, објави дописничката на „Дејли мејл“, Емили Гудин, за X.
„Го прашав претседателот Трамп дали би го депортирал Илон Маск, а тој рече дека ќе мора да го разгледа тоа“, објави Гудин.
Подоцна таа го објави одговорот на Трамп на прашањето дали би го депортирал Маск.
„Не знам. Ќе мора да видиме. Можеби ќе треба да испратиме DOGE кај Илон. Знаете ли што е DOGE? Тоа е чудовиште, кое можеби ќе мора да се врати и да го изеде Илон“, рече Трамп.
Регион
Милановиќ: Лицемерни и неискрени ветувања за Украина за членство во ЕУ

Хрватскиот претседател Зоран Милановиќ денес изјави дека, за жал, Европската Унија со години убива некои земји, а за тоа недостига волја кај некои актери со одложување на нивните преговори.
„Тоа се Црна Гора, Албанија. Па во таа смисла легитимно е да се зборува за Украина во ЕУ, но можам да забележам дека тоа е земја чии територијални перспективи не се јасни. Таа е во војна, а што се однесува до општите услови за членство, не гледам дека ги исполнува. Тоа се фактите. Што ќе се случи потоа, ќе одлучи ЕУ“, рече Милановиќ.
Милановиќ им го кажа ова на новинарите откога го угости својот полски колега Петер Пелегрини одговарајќи на прашање за членството на Украина во Европската Унија.
„Искрено, мислам дека таквото ветување е лицемерно и неискрено. Ова е ставот кон Украина од првиот ден, од 2013 година. Многу зборував за тоа“, рече Милановиќ, а потоа продолжи да зборува за средствата за одбрана:
„Практично, ѝ дадовме на Украина 35 тенка подарок и ништо не добивме за возврат. Добивме трошки од Германија“.
„Способности, а не проценти, тоа е она што е важно“, рече Милаовиќ и продолжи:
„Разговарав со американскиот претседател Доналд Трамп кажувајќи му, без никаков сарказам, дека цените на оружјето треба да се намалат. Американците, Германците, Французите и Британците се како агенти за продажба на сопствените одбранбени индустрии. А ние, од друга страна, сме купувачи и купуваме неверојатно скапа стока кога ќе ја добиеме. Тоа се фактите и на оној што не му се допаѓа нека престане да живее во свет на фантазии“.
Тој исто така коментира за критиките дека словачкиот претседател Роберт Фицо е руски човек.
„Руски човек, што значи тоа? Го познавам. Тој не е руски човек, дури ни во однос на афинитетите, но во некои критични ситуации ќе се однесува како што се однесува“, рече Милановиќ.
Тој вели дека нема никаква врска со Русите, но не може да биде изненаден кога тоа доаѓа од луѓе што ги поминале своите кариери како руски пудлици.
„Дали е ова уреден начин на комуникација?“, праша претседателот на Хрватска и рече:
„Овие приказни дека сум руски човек се одвратни и доаѓаат од луѓе што треба да внимаваат што зборуваат“, објави хрватскиот портал „Дневник“.