Свет
(Видео) Чарлс официјално стана британски крал
Кралот Чарлс III денеска и официјално беше прогласен за нов британски монарх на состанокот на Советот за наследување на тронот во палатата Сент Џејмс.
Церемонијата за првпат се пренесуваше во живо. Во првиот дел беше објавено дека кралицата е прогласена за мртва и се прочита името на новиот крал.
Watch live: King Charles III to be formally proclaimed monarch at historic Accession Council https://t.co/ZyCl5u7p5h https://t.co/BCEzrTvUJK
— Sky News (@SkyNews) September 10, 2022
Во рамки на вториот дел од свеченоста обраќање до нацијата имаше кралот кој Чарлс зборуваше за смртта на неговата мајка, кралицата Елизабета. Тој изрази сочувство до остатокот од кралското семејство и говореше за важноста на владеењето на неговата мајка.
„Мајка ми даде пример за доживотна љубов и несебична служба. Владеењето на мајка ми беше ненадминато по своето времетраење и посветеност. Дури и додека тагуваме, ние се заблагодаруваме за овој најверен живот. Длабоко сум свесен за ова длабоко наследство и за тешките должности и одговорности кои сега ми се префрлени“, рече новиот крал.
Додаде и дека е охрабрен од континуираната поддршка на неговата сакана сопруга, Камила која денеска го придружуваше заедно со неговиот најстар син, принцот Вилијам.
„Се молам за помош и водство од Бог“, рече Чарлс.
Една од наредбите одобрена од кралот Чарлс III, за време на церемонијата на прогласување, беше денот на погребот на кралицата да биде неработен ден.
По говорот и потпишувањето на прогласот од страна на членовите на Советот, свеченоста продолжи на балконот во палатата Сент Џејмс каде беше прочиран прогласот.
Текстот на прогласот се чита на глас и во Лондон и во другите главни градови во рамките на Обединетото Кралство – Единбург, Белфаст и Кардиф.
Со извици „Боже чувај го кралот“, во придружба на државните трубачи и почесна стрелба беше заокружен настанот.
(Обновено)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Протече изјавата дадена пред смртта на братот на осомничениот за убиството на Данка Илиќ
Далибор Драгијевиќ, брат на Дејан Драгијевиќ, еден од двајцата обвинети за убиството на двегодишната Данка Илиќ на 26 март во Бањско Поље, по апсењето дал изјава во Полициското одделение во Бор, но не бил сослушан од обвинителство затоа што починал додека бил во полициски притвор.
Во обвинението за убиството на Данка Илиќ, до кое дојде српски Телеграф, стои и изјавата на Далибор Драгијевиќ од полицијата во која тој го обвини својот брат дека го убил детето.
Тој на 6 април бил сослушан и рекол дека брат му Дејан Драгијевиќ на 26 март бил на работа во Водовод каде работел прва смена од 7 до 15 часот, а тој ден дошол дома во 15 часот и 30 минути.
„Забележав промени во неговото однесување, беше вознемирен. Не ми ја кажа причината за тоа, а подоцна слушнав на телевизија дека исчезнало дете во Бањско Поле. Дејан со своето пежо 3072 сина боја дојде дома, а потоа видов бела вреќа во багажникот на неговиот автомобил, Го прашав што има во неа, а тој ми рече дека има дете.
Не се чувствував добро, го прашав што прави, какво дете, а тој ми рече дека детето го прегазиле со автомобил и го земале. Тогаш тука беше и нашиот татко Радослав Драгијевиќ, ја виде и вреќата во багажникот“, изјави Драгијевиќ.
Како што е наведено во изјавата, тој го прашал својот брат Дејан што ќе прави, а потоа се договориле заедно да ја однесат вреќата со детето во напуштена куќа на новиот Злотски пат, што потоа заминале со автомобил и ја оставиле вреќата на приземјето од таа куќа, само ја спуштиле на подот, а потоа се вратиле дома.
„Не се сеќавам кој ден беше, но знам дека беше пред да го уапсат брат ми Дејан. Брат ми ми кажа дека вреќата со телото на детето ја зел од куќата каде што ја оставивме и со својот автомобил ја пренел и ја закопал некаде кај Брестовачкиот мост“, заклучил Драгијевиќ.
Инаку, обвинението кое беше покренато за убиството на Данка Илиќ се уште не е потврдено, а постои можност судот да го врати на дополнување.
Драгијевиќ и Јанковиќ, работници на комуналното претпријатие, беа уапсени на 4 април, а таткото и братот на Дејан, Радослав и Далибор Драгијевиќ, беа уапсени два дена подоцна бидејќи помогнале да се сокрие телото на девојчето.
Еден ден подоцна, на 7 април, Далибор Драгијевиќ почина во полициската станица во Бор.
Двајцата осомничени прво го признале убиството, а подоцна ги смениле исказите и рекле дека полицијата го изнудила признанието од нив.
Телото на Данка Илиќ до денес не е пронајдено.
Свет
Макрон: Израелците ги нападнаа мировниците на ОН во Либан, тоа нема да го толерираме
Францускиот претседател Емануел Макрон ги осуди неодамнешните напади на Израел врз мировниците на Обединетите нации во Либан.
„Целосно е неприфатливо да се види како силите на израелската армија намерно гаѓаат војници на УНИФИЛ. Ние го осудуваме, не толерираме и нема да толерираме да се повтори“, рече Емануел Макрон.
Израелската армија денеска изврши нов напад на позициите на УНИФИЛ, при што беа повредени двајца мировници од Шри Ланка, стационирани таму. Либанската новинска агенција NNA јавува дека израелски тенк нападнал една од набљудувачките пунктови на УНИФИЛ на главниот пат што го поврзува Тир со Накур на југот на Либан. Во сличен напад вчера беа повредени и двајца мировници.
Макрон, исто така, го обнови својот повик за прекин на огнот во Газа и Либан, нагласувајќи дека тоа е неопходно.
Тој, исто така, рече дека запирањето на испораката на оружје во зоната на конфликтот ќе обезбеди единствена лост за ставање крај на конфликтот, додавајќи дека тоа „не е повик за разоружување на Израел“, туку повик „да се запре секоја понатамошна дестабилизација во овој дел од светот“.
Свет
Тлото се тресеше, никој не верува дека е земјотрес, дали Иран го изврши првиот нуклеарен тест
Неколку дена по објавувањето на веста за земјотрес во иранската провинција Семнан, на социјалните мрежи продолжија шпекулациите дека потресите биле предизвикани од првата нуклеарна проба на Техеран. Во саботата во 22:45 часот, Сеизмографскиот центар на Универзитетот во Техеран соопшти дека земјотрес со јачина од 4,4 степени според Рихтеровата скала го погоди градот Арадан во провинцијата Семнан, а потреси се почувствувани и во делови од источен Техеран.
Епицентарот на земјотресот, кој се случи на 12 километри под површината, е регистриран на координати 35,42° северна географска ширина и 52,78° источна географска должина, пишува Еуроњуз. Неколку часа по објавувањето на веста, корисниците на социјалните мрежи почнаа да шпекулираат дека иранскиот режим можеби се обидел да го изврши својот прв подземен нуклеарен тест, веројатно како одвраќање против израелските напади на неговата територија.
Шпекулациите доаѓаат во време кога иранските власти и командантите на Револуционерната гарда постојано се закануваа дека доколку се засилат економските, политичките и воените притисоци врз земјата, Техеран ќе ја промени својата воена одбранбена доктрина. Ваквата промена ќе бара измена на фатвата на иранскиот лидер за забрана на употреба на нуклеарно оружје.
НорЊуз, веб-страница која неформално делува како главен извор на информации за Националниот совет за безбедност на Исламската Република, ги отфрли шпекулациите за нуклеарните тестови како „гласини“ и повтори дека нуклеарните тестови се во спротивност со нуклеарната и одбранбената доктрина на Иран.
Во 2019 година, Фондацијата за одбрана на демократиите, тинк-тенк со седиште во Вашингтон, објави извештај во кој се наведува дека Иран започнал програма за изградба на подземни локации за нуклеарни тестирања, познат како „Field Project“.
Иранското Министерство за надворешни работи веќе пет години ја санкционира оваа фондација за „производство и ширење лаги, поттикнување, лобирање и водење негативни пропагандни кампањи против Исламската Република со цел да одигра клучна улога во воведувањето и зајакнувањето на економските санкции“.
Според извештајот од 2019 година, истражувачите на фондацијата „идентификувале веројатна локација (во област југоисточно од Семнан) каде што биле спроведени ненуклеарни експлозивни тестови во 2003 година како дел од развојот на методи за мерење на ефектот од подземните нуклеарни експлозии.
Ова ја зголемува можноста земјотресот регистриран во Семнан да е поврзан со првата нуклеарна проба на Техеран, пишува Еуроњуз.
Иако Иран претходно го призна постоењето на вселенскиот центар Имам Хомеини и ракетната локација југоисточно од Семнан, таа локација е на повеќе од 100 километри од епицентарот на земјотресот.
И покрај ова, некои корисници на социјалните мрежи продолжуваат да шпекулираат дека Иран можеби има непријавен подземен нуклеарен објект во провинцијата Семнан, кој претпочита да го користи како полигон наместо да врши тестови на познати локации како Натанц.
Техеран долго време не ги известуваше своите нуклеарни активности до Меѓународната агенција за атомска енергија. Во исто време, Иран е област каде што земјотресите се чести, така што потресите како овој не се невообичаени.