Свет
Во земјотресот во Истанбул повредени 150 луѓе, во паника скокале од згради

Силен земјотрес со јачина од 6,2 степени според Рихтеровата скала го погоди денеска Истанбул. Епицентарот на земјотресот, кој се случи во 12 часот и 49 минути по локално време, е во областа Силиври, област која се наоѓа на околу 80 километри западно од Истанбул. Земјотресот се случил на длабочина од 6,92 километри, соопшти АФАД.
Канцеларијата на гувернерот на Истанбул соопшти дека повеќе од 150 луѓе завршиле во болница со повреди здобиени додека се обидувале да избегаат од зградите, пренесе Асошиејтед прес.
Земјотресот е почувствуван и во соседните провинции Текирдаг, Јалова, Бурса и Баликесир, како и во градот Измир, кој се наоѓа на околу 550 километри јужно од Истанбул.
Регистрирани се неколку последователни потреси, меѓу кои и еден со јачина од 5,3 степени.
„Поради паника, 151 наш сограѓанин се повредени скокајќи од височина“, соопшти Кабинетот на гувернерот на Истанбул.
„Тие се лекуваат во болници, а ничиј живот не е во опасност“, додаде тој.
Многу жители побрзаа кон парковите, училишните дворови и другите отворени површини за да избегнат да бидат во близина на згради во случај на уривање или повеќе последователни потреси.
Некои поставија шатори во парковите.
„Фала му на Бога, се чини дека засега нема поголеми проблеми“, рече претседателот Реџеп Таип Ердоган на настанот по повод Денот на националниот суверенитет и Денот на детето.
„Господ да не заштити од сите неволји, катастрофи, несреќи и проблеми“, додаде тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Белгија размислува за испраќање затвореници на Балканот поради пренатрупаност на затворите

Белгиската влада ја разгледува можноста за изградба или издавање под наем на затвор во странство, евентуално на Косово или во Албанија, со цел да се реши проблемот со пренатрупаноста во локалните затвори, според „Brassels Times“.
Министерката за правда Анелиз Верлинден и министерката за миграција Анелин ван Босајт започнаа тридневна мисија на Косовои и во Албанија за да ја проценат политичката подготвеност за прием на белгиски затвореници и зајакнување на соработката во борбата против организираниот криминал, пишува бриселскиот весник.
За време на посетата на Балканот, се очекува да се потпише декларација за намера за споделување на конфискуван имот стекнат преку криминални активности, вклучително и средства запленети како дел од истрагата за шифрирана комуникација „SKY ECC“, според текстот на белгискиот весник.
Белгискиот затворски систем моментално има повеќе од 13.000 затвореници, додека капацитетот е околу 11.000 места, а околу една третина од затворската популација ја сочинуваат странци без дозвола за престој, што е околу 4.400 лица.
Белгиската влада смета дека преместувањето на дел од затворениците во странство би можело да го намали притисокот врз затворскиот систем.
Планот е базиран на данскиот модел од 2021 година, според кој Данска изнајмува затворски објекти во Косово, но белгиските власти признаваат дека сличен проект би барал неколкугодишна подготовка и значителни финансиски средства, објаснува весникот, пренесува Танјуг.
Според студијата на белгискиот комесар за бегалци, Косово и Албанија се единствените територии надвор од ЕУ кои, како што се тврди, „ги исполнуваат условите за евентуално воспоставување затворски капацитети – почитување на владеењето на правото и човековите права“.
Иако белгиската влада тврди дека трансферот на странски затвореници би придонел за олеснување на системот, анализите покажуваат дека таквата мерка би можела да опфати максимум околу два проценти од вкупната затворска популација, заклучува „Брасселс тајмс“ и додава дека, засега, мисијата на министерот има исклучиво истражен карактер.
Фото: принтскрин
Свет
Фон дер Лајен: ЕУ мора да одговори на хибридната војна

Претседателката на Европската комисија, Урсула фон дер Лајен, предупреди во Европскиот парламент дека Европа мора да одговори на хибридните закани, вклучувајќи ги неодамнешните инциденти со беспилотни летала и повреди на воздушниот простор, со мерки што одат подалеку од традиционалната одбрана.
„Ова не е случајно вознемирување. Тоа е кохерентна и ескалирачка кампања насочена кон вознемирување на нашите граѓани, тестирање на нашата решителност, поделба на Унијата и ослабување на поддршката за Украина. Време е да ја наречеме со нејзиното вистинско име: хибридна војна“, рече Фон дер Лајен во Европскиот парламент во Стразбур.
Таа не ја обвини директно Русија за сите инциденти, но нагласи дека целта на Москва може да биде да „сее поделби“ во Европа.
Фон дер Лајен рече дека на руските закани треба да се спротивстави со единство, одвраќање и решителност.
Фото: принтскрин
Европа
(Видео) Зеленски: Русија со дронови ја дестабилизира Европа

Украинскиот претседател Володимир Зеленски ја обвини Русија дека се обидува да ја дестабилизира Европа со користење беспилотни летала за саботажи и немири.
Зеленски, во видео обраќање доцна во вторникот, рече дека Москва ја користи својата таканаречена „флота во сенка“ не само за финансирање на војната со транспорт на нафта со танкери, туку и за саботажи и разни напори за поткопување на стабилноста низ целиот континент.
„Неодамнешните лансирања на беспилотни летала од танкери се еден таков пример“, рече тој, повикувајќи се на разузнавачки информации од украинските надворешни служби.
The Head of Foreign Intelligence reported in detail on how the Russians are utilizing tankers of their “shadow fleet” – not only to finance the war, but also for sabotage and various destabilization attempts in Europe. Recent launches of drones from tankers are one such example.… pic.twitter.com/B09UQo9EZK
— Volodymyr Zelenskyy / Володимир Зеленський (@ZelenskyyUa) October 7, 2025
Официјалните информации за потеклото на беспилотните летала неодамна забележани во земји, вклучувајќи ги Данска и Германија, сè уште не се потврдени.
Русија негираше каква било вмешаност.
Дмитриј Медведев, заменик-шеф на Советот за национална безбедност на Русија, посочи дека самите украински сили би можеле провокативно да користат вакви беспилотни летала за да ја вовлечат Европа во војна против Русија.
Украина, исто така, произведува беспилотни летала со долг дострел.
фото: принтскрин