Свет
Во Индија откриен троен мутиран вид на Ковид-19
Индија откри нов троен вид на ковид во време кога се бори да го спречи најлошиот бран на коронавирус од почетокот на пандемијата.
Индиските научници претходно предупредуваа на двоен мутиран вид, а тројниот мутиран вид ќе предизвика само уште поголеми проблеми, објави лондонски „Индепендент“.
Тројниот мутиран вид значи комбинација од три различни варијанти на ковид, кои формираа нов вид во индиските држави како што се Западна Бенга, Махараштра и Делхи и се верува дека се доминантни таму, објави „НДТВ њуз“
Професор по епидемиологија на универзитетот „Мекгил“ за НДТВ изјави дека станува збор за уште позаразен вид.
„Многу луѓе се заразуваат со него многу брзо. Ние мора да продолжиме да ги приспособуваме вакцините за да се бориме против новите видови. Треба да ја разбереме заразата, што бара детално секвенцирање”, рече Мадхукар Паи.
Тој изјави дека доцнењето во откривањето на двојни мутации придонело за големо ширење на Ковид-19 во Индија.
Во моментов, извештаите во весниците велат дека тројниот мутиран вирус е повеќе прашање на интерес за научниците отколку на загриженост.
Винод Скарија, кој работи во Советот за научни и индустриски истражувања во Делхи, рече дека се потребни дополнителни истражувања за да се види ефикасноста на вакцините против овој вид.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Вонредна состојба во регион во Русија, поради несреќа во рудник затрупани 13 лица
Во Амурската област, на рускиот далечен исток, воведена е вонредна состојба поради инцидентот во рудникот за злато „Пионир“, во областа Зеја, каде 13 лица останаа заробени под урнатините поради пад на карпа, соопштија од тој регион.
„Во Амурската област е воведена регионална вонредна состојба поради инцидентот во рудникот Пионир во областа Зеја со цел да се мобилизираат сите сили и ресурси. Оваа одлука е донесена на вонредна седница што ја одржа регионалниот гувернер“, се вели во соопштението на локалната самоуправа.
Претставник на службата за вонредни состојби за РИА Новости изјави дека во рудникот во моментот на уривањето имало 13 лица. Групата спасувачи, главно од Руската Република Јакутија, се состои од 25 вработени, а со нив пристигнале и четири парчиња опрема.
Покрај тоа, хеликоптерот Ми-8 на руското Министерство за вонредни ситуации полета од територијата Хабаровск до местото на несреќата, пренесува Интерфакс. Од оперативните служби за Интерфакс велат дека, според првичните информации, луѓето се на длабочина од 100 до 150 метри, а засега нема информации за можни жртви.
Свет
Силен земјотрес го погоди Пакистан
Земјотрес со јачина од 5,5 степени според Рихтеровата скала ја погоди провинцијата Белучистан во Пакистан, соопшти германскиот истражувачки центар за геонауки (ГФЗ).
ГФЗ додаде дека земјотресот бил на длабочина од 10 километри, пренесува Ројтерс.
Засега нема информации за жртви, а не се знае и колкава е штетата предизвикана од земјотресот.
Свет
Дваесет загинати во израелски воздушни напади
Дваесет Палестинци се убиени рано утринава во израелските воздушни напади врз Рафах, како и врз централниот дел на Појасот Газа, соопштија здравствените власти во енклавата.
Тие додадоа дека во Рафах, на југот на енклавата, каде во моментов се наоѓаат над милион Палестинци, 14 лица загинаа, а десетици други се ранети во нападите што погодија неколку куќи и станови.
Уште шест лица загинаа во вториот воздушен напад врз куќа во бегалскиот камп Ал-Нусеират во централниот дел на Појасот Газа, додадоа официјални лица.
Деир Ал Балах, град во централниот дел на Појасот Газа, на околу 14 километри јужно од градот Газа, исто така беше бомбардиран во текот на ноќта, јавува Ројтерс.
Од почетокот на израелската агресија врз Газа, според Министерството за здравство во Појасот Газа, загинале повеќе од 31.000 луѓе.
Шефот на израелската разузнавачка служба Мосад, Дејвид Барнеа, во понеделникот отиде во Катар за да ги продолжи преговорите за привремен прекин на огнот и ослободување на израелските заложници во Газа, пишува „Тајмс оф Израел“.