Свет
Во иста просторија Лавров и критичарите на Москва – Украина во фокусот на Г20 во Индонезија

Индонезија денеска ги повикаа членките на Г-20 да помогнат да се стави крај на конфликтот во Украина, на самитот на министрите за надворешни работи на таа група, каде во иста просторија беа некои од најжестоките критичари на руската операција и првиот дипломат на Москва.
На состанокот, на индонезискиот остров Бали, доминираше војната и нејзиното влијание врз глобалната економија, а највисоките претставници на западните земји и Јапонија нагласија дека форумот нема да биде како и вообичаено.
Додека рускиот министер за надворешни работи Сергеј Лавров се ракуваше со својот индонезиски колега Ретно Марсуди на почетокот на средбата, во салата се слушаа извици: „Кога ќе ја завршите војната“ и „Зошто не ја прекинувате војната?“, пренесува „Ројтерс“.
Апострофирајќи ги зголемените тензии, Ретно рече дека нејзините колеги од Г7 претходно ја известиле дека не можат да се приклучат на синоќешната вечера за добредојде на која бил присутен Лавров.
„Наша одговорност е војната порано или подоцна да заврши и нашите несогласувања да ги решаваме на преговарачка маса, а не на бојното поле“, нагласи таа денеска на отворањето на дискусијата.
Наведувајќи ја религиозната различност во Индонезија како пример за тоа како различните вери можат хармонично да коегзистираат, Ретно ги повика дипломатите на Г-20 да пронајдат начин напред за решавање на проблемите што се шират како бранови низ светот. Таа додаде дека последиците од војната, вклучително и зголемувањето на цените на енергијата и храната, најмногу ќе ги погодат земјите со ниски приходи.
Според агендата на самитот, денеска ќе се одржи состанок зад затворени врати на највисоките дипломати на земјите од Г-20, меѓу кои Кина, Индија, САД, Бразил, Канада, Јапонија, Јужна Африка, како и билатерални разговори. на маргините на средбата. Се очекува на средбата да се обрати и украинскиот министер за надворешни работи преку видео врска.
Лавров во четвртокот на Бали имаше средба со својот кинески колега Ванг Ји, на која го пофали Пекинг и остро го критикуваше „отворено агресивниот“ Запад.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Белата куќа: Се водат чувствителни разговори за предлогот на Трамп за прекин на војната во Газа

Белата куќа денес објави дека се водат „чувствителни дискусии“ за предлогот на американскиот претседател Доналд Трамп за прекин на војната во Појасот Газа.
„Можам да ви кажам дека се водат некои многу чувствителни разговори, но секако не сакам да ги превенирам најавите од оваа говорница. Ќе им препуштам на специјалниот пратеник (Стивен) Виткоф и на претседателот на Соединетите Американски Држави да се справат со тоа“, изјави портпаролката на Белата куќа, Каролин Ливит, на редовниот брифинг за медиумите, објави Ројтерс.
Висок функционер на Хамас изјави за Би-Би-Си дека палестинската група веројатно ќе го отфрли мировниот план на американскиот претседател, тврдејќи дека тој „им служи на интересите на Израел“ и „ги игнорира интересите на палестинскиот народ“.
Фото: принтскрин
Свет
Трамп го потпиша указот за американски безбедносни гаранции за Катар

Претседателот на САД, Доналд Трамп, потпиша извршна наредба со која САД се обврзуваат да ја гарантираат безбедноста на Катар, што претставува значајна нова обврска кон клучен арапски сојузник кој не е член на НАТО, пишува CNN.
„САД ќе го сметаат секој вооружен напад врз територијата, суверенитетот или критичната инфраструктура на Државата Катар за закана за мирот и безбедноста на САД“, се вели во наредбата потпишана во понеделник.
Оваа одлука доаѓа во време кога израелскиот премиер Бенјамин Нетанјаху, за време на посетата на Белата куќа, му се извини по телефон на катарскиот премиер за израелскиот напад врз Доха минатиот месец. Потоа, Трамп, во заеднички настап со Нетанјаху, го претстави својот план од 20 точки за мир во Газа.
„Во случај на таков напад, САД ќе ги преземат сите законски и соодветни мерки – вклучувајќи дипломатски, економски и, доколку е потребно, воени – за да ги одбранат интересите на САД и Државата Катар и да го вратат мирот и стабилноста“, се вели во документот, според медиумот.
Фото: принтскрин
Свет
Макрон: Ја потценивме Русија

Францускиот претседател Емануел Макрон изјави дека не исклучува никакви опции доколку руските борбени авиони влезат во европскиот воздушен простор.
„Во согласност со доктрината за стратешка двосмисленост, можам да ви кажам дека ништо не е исклучено“, рече Макрон во интервју за весникот „Франкфуртер алгемајне цајтунг“, одговарајќи на прашање дали би поддржал соборување на руски борбен авион доколку влезе во европскиот воздушен простор без дозвола.
Макрон истакна дека ја потцениле Русија. Тој тврдеше дека Русија е најголемата структурна закана за Европејците, наведувајќи мешање во изборните кампањи, кибернапади, атентати на противници и ширење лажни информации.
„Постои француски нуклеарен чадор“
„Наивни сме ако не препознаеме дека тајната армија на Русија се шири во нашите демократии. Таа се состои од оние мали анонимни воини што ги нарекуваме дигитални ботови. Тие ја манипулираат демократијата во Франција, Германија и низ цела Европа“, предупреди тој.
Кога беше прашан за предлогот на Европската комисија да се користат замрзнати руски средства како колатерал за исплати на воени репарации на Украина, Макрон повтори дека средствата не можат едноставно да се конфискуваат, бидејќи тоа би го прекршило меѓународното право.
Макрон, исто така, потврди дека ќе одржи говор на почетокот на следната година за француската нуклеарна доктрина, која моментално се ажурира.
„Францускиот нуклеарен чадор постои. Моментално работам на ажурирање на нашата доктрина и сакам да продолжам со продлабочување на нашиот стратешки дијалог со Европејците кои сакаат да учествуваат“, рече тој.
Фото: принтскрин