Свет
Во Кина се појави ново жариште на коронавирус, најголемо по Вухан

Жариште на Ковид-19 откриено во кинескиот град Нанџинг се прошири во пет кинески провинции и главниот град Пекинг, а кинеските државни медиуми ваквата ситуација ја нарекоа најголемата зараза по Вухан, објави Би-би-си.
Според државните податоци, заразени се речиси 200 луѓе откако вирусот бил откриен на градскиот аеродром на 20 јули.
Сите летови од аеродромот во Нанџинг ќе бидат суспендирани до 11 август, објави „Глобал тајмс“.
Официјалните лица, исто така, започнаа масовно тестирање по критиките за нивниот неуспех.
Сите 9,3 милиони жители на градот, вклучувајќи ги и оние што дошле да го посетат Нанџинг, ќе бидат тестирани, објави државната новинска агенција „Ксинхуа“.
Официјалните лица веруваат дека жариштето е предизвикано од позаразната делта-варијанта на вирусот и дека инфекцијатата се проширила поради присуството на вирусот на фреквентниот аеродром.
Администрацијата на аеродромот доби опомена, а дисциплинското тело на Комунистичката партија тврди дека има проблеми, како што е недостаток на надзор и непрофесионално управување.
Тестовите покажуваат дека вирусот сега се проширил во најмалку 13 градови, вклучувајќи ги Ченгду и главниот град Пекинг.
Локалните власти во Нанџинг велат дека седум од заразените се во критична состојба. Корисници на кинеските социјални мрежи ја доведоа во прашање и ефикасноста на кинеските вакцини против делта-сојот.
Не е познато дали заразените биле вакцинирани.
Голем број земји од Југоисточна Азија кои се потпираат на кинеските вакцини неодамна објавија дека ќе користат вакцини од други производители.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Канадскиот премиер: Путин се плаши

Канадскиот премиер Марк Карни, на заедничка прес-конференција со германскиот канцелар Фридрих Мерц, рече дека Владимир Путин се плаши да се сретне со Володимир Зеленски за да разговара за условите за завршување на војната.
Карни истакнува дека Зеленски е подготвен за средба со Путин на која било неутрална територија. Тој, исто така, вели дека Зеленски не очекува Путин да дојде во Киев или дека самиот ќе патува во Москва за таква средба.
„Сепак, секоја неутрална локација би била прифатлива“, рече Карни.
Тој додаде дека е клучно сојузниците да продолжат да ѝ даваат поддршка на Украина додека не се одржи тој состанок.
Фото: ЕПА
Свет
Пукање во католичко училиште во САД: две деца убиени, напаѓачот се самоубил

Најмалку две лица се убиени, а 20 се повредени во пукање во католичкото училиште „Благовештение“ во Минеаполис, Минесота, САД, потврди полицијата.
Како што е потврдено, две деца, на возраст од 8 и 10 години, се убиени.
More than 20 people were injured and at least two were killed in a tragic shooting incident at Annunciation Catholic Church and its school, located in the southeast neighborhood of Minneapolis, Minnesota, USA, during a morning school Mass.
Among the injured, at least 14 people… pic.twitter.com/9f9WTH2Dof— khaled mahmoued (@khaledmahmoued1) August 27, 2025
Напаѓачот е исто така мртов. Полицијата верува дека напаѓачот, кој си го одзел животот на паркингот пред училиштето, дејствувал сам. Полицијата соопшти дека имал околу 20 години, но сè уште не е познато дали бил поранешен ученик во училиштето.
Вооружен со три оружја, вооружениот човек отворил оган низ прозорците кон децата и другите верници за време на мисата по повод првата недела од школувањето по празниците.
Гувернерот на Минесота, Тим Волц, потврди дека пукањето се случило во католичко училиште и го опиша инцидентот како „страшен чин на насилство“.
Претседателот на САД, Доналд Трамп, објави дека е целосно информиран за инцидентот и дека ФБИ брзо реагира и е на местото на настанот. „Молете се за сите погодени“, напиша Трамп на Truth Social.
Свет
Застрелан младоженец на пукање на свадба во Турција

Младоженец почина од повредите здобиени во пукотница на неговата свадба во северна Турција.
Додека младенците се враќале дома по церемонијата, младоженецот, 23-годишниот Али К., бил ранет од истрели наводно испукани од роднина, жена, на неговата сопруга, објави државната агенција Анадолу.
Жената е приведена, а во нејзината градина се пронајдени две нерегистрирани оружја, соопшти агенцијата.
Обвинителите отворија истрага за инцидентот, кој се случил во градот Шебинкарахисар во покраината Гиресун.
Пукањата на свадби се вообичаени во северна Турција. Минатата недела, еден маж беше убиен, а две лица беа повредени на свадба во североисточната покраина Трабзон.
Свадбата беше откажана, а две лица, меѓу кои и еден полицаец, беа приведени во врска со инцидентот, објавија локалните медиуми.