Европа
Во Мадрид е уапсен еден од десетте најбарани бегалци на ФБИ

Шпанската полиција уапси еден од 10-те најбарани бегалци на ФБИ, кој со лажен идентитет престојувал во хотел во Мадрид.
Мајкл Џејмс Прат, државјанин на Нов Зеланд, беше осуден на доживотен затвор во САД за сексуална експлоатација и сексуален напад и за правење слики на деца кои се сексуално злоупотребени.
🚩Detenido en #Madrid un fugitivo neozelandés, incluido en la lista de los 10 más buscados del #FBI
Fue condenado a cadena perpetua en #EEUU por delitos de pornografía infantil, explotación sexual, agresión sexual y ganancias ilícitas, llegando a ganar +17 millones de dólares pic.twitter.com/E9uLKMaGw9
— Policía Nacional (@policia) December 23, 2022
Полицијата тврди дека Прат бил вклучен во аудиовизуелно производство на снимки, регрутирање малолетни девојчиња и млади жени преку измама помеѓу 2012 и 2019 година. Тие сметаат дека од овие активности заработил повеќе од 17 милиони долари. Шпанските власти истакнаа дека само 57 криминалци на листата на најбарани на ФБИ биле уапсени надвор од јурисдикцијата на бирото, додавајќи дека ова е првпат да се случи во Шпанија.
Осомничениот маж објавувал огласи на интернет во САД и Канада, нудејќи работа „модел“, но всушност се работело за снимање порнографски содржини. Им плаќал на други жени да делуваат како „мамка“ и да ги убедат жртвите дека снимениот материјал нема да биде објавен на Интернет, пренесува Гардијан.
Жртвите понекогаш биле држени против нивна волја и присилувани да вршат сексуални дејствија на кои тие претходно изречно одбиле согласност. Прат беше во бегство од ноември 2019 година кога беше издадена федерална потерница по него во Окружниот суд во Калифорнија.
Во септември ФБИ го стави на листата на најбарани бегалци и понуди награда до 100.000 долари за информација што ќе доведе до негово апсење, пишува CBS.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин
Европа
Украинци: Русите извршија 500 напади врз Запорожје за еден ден

Во текот на изминатите 24 часа, руските сили извршија 500 напади насочени кон 13 населени места во регионот Запорожје, објави на Телеграм Иван Федоров, началник на Воената администрација на Запорожје.
„Руските сили извршија четири воздушни напади врз Билохирија, Полтавка и Червони. Три напади со повеќекратен ракетен систем (MLRS) ги погодија Плавни и Мала Токмачка. Вкупно 327 беспилотни летала (главно дронови FPV) ги погодија Запорожје, Биленки, Плавни, Хулајпол, Шчербаки, Новоданиливка, Мала Токмачка и Чаривно. Исто така, 166 артилериски напади се регистрирани во Плавни, Хулајпол, Орихив, Шчербаки, Преображенки, Новоданиливка, Мала Токмачка и Чаривно“, се вели во соопштението.
Властите добија 19 пријави за штети на станбени згради и помошни згради. Немаше пријави за цивилни жртви.
фото: принтскрин
Европа
(Видео) Патниците врескаат во агонија, трепка црвено светло: пекол на летот за Рим

Патниците врескаа од страв откога силни турбуленции го погодиле летот од Шпанија до Рим принудувајќи го пилотот итно да слета.
Преплашените патници гласно врескаа додека авионот се бореше со силни турбуленции на летот од Аликанте до аеродромот во Рим.
Turbulence caught on camera today on a Wizz Air flight from Alicante to Rome, forcing a diversion to Bologna.pic.twitter.com/sbLjXUp1DH
— The Age Of Genz (@TheAgeOfGenZ) August 21, 2025
Кога авионот изврши итно слетување во Болоња, патниците „му се заблагодарија на Бога што се живи“.
Снимките од кабината го покажуваат авионот како силно се тресе, со светла претежно изгаснати, а црвено светло трепка надвор од прозорецот.
Лошите временски услови во регионот предизвикаа проблеми за авионот додека се обидуваше да слета во Рим.
По неколку обиди за слетување на аеродромот во Рим, авионот беше пренасочен кон Болоња. Таму слетал во 3.53 часот наутро, речиси три часа откога требаше да пристигне во италијанската престолнина.
Патот од Аликанте до Рим обично трае нешто помалку од два часа.