Свет
Во пукање во училиште во САД 14-годишник уби двајца ученици и двајца наставници
Четири лица, меѓу кои двајца ученици и двајца наставници, се убиени, а девет лица се ранети и хоспитализирани во пукање во средното училиште Апалачи во Џорџија, јави Си-Ен-Ен.
„Полицијата примила повик за напаѓач со огнено оружје во училиштето околу 10:20 часот, а полицајците пристигнале на местото за неколку минути. Кога наишле на напаѓачот, тој веднаш се предал и бил приведен“, изјави директорот на Бирото за истрага во Џорџија, Крис Хоси.
Напаѓачот, идентификуван како Коди Греј (14), средношколец, е во притвор и ќе биде обвинет за убиство и ќе му се суди како возрасен, додаде Хоси.
Повеќе полициски извори соопштија дека училиштето добило телефонска закана непосредно пред нападот, кога непознато лице изјавило дека училиштето „Виндер“ ќе биде првото од петте училишта во кои се планирало пукање.
Полициски претставници за Си-Ен-Ен изјавија дека не се знае кој го упатил повикот, но дека повикот се истражува.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку 30 лица, меѓу кои три деца се повредени откако руска бомба погоди зграда во Харков
Најмалку 30 лица, меѓу кои три деца, се повредени откако руска наведувана бомба погоди станбена зграда во северозападниот украински град Харков, соопшти локалните власти, пренесува БТА.
Тој додаде дека има поголема штета на цивилната инфраструктура.
Харков е еден од најголемите градови во Украина и клучен индустриски центар лоциран блиску до границата со Русија. Градот постојано е цел на руски напади со гранати, ракети и беспилотни летала.
Свет
113 загинати во поплавите во Мјанмар
Бројот на загинати во поплавите предизвикани од тајфунот Јаги во Мјанмар се искачи на 113, а повеќе од 320.000 луѓе се раселени, соопшти денеска воената хунта во земјата.
„Во целата земја загинаа 113 лица, 64 се водат како исчезнати, а 14 се повредени“, изјави портпаролот на хунтата Зав Мин Тун.
Тој додаде дека „повеќе од 320.000 луѓе или 78.000 домови се евакуирани во привремени кампови за помош“, пренесува Бета.
Свет
Во Шангај се откажани над 600 летови поради тајфунот Бебинца
Аеродромите во Шангај денеска откажаа стотици летови во очекување на налетот на тајфунот Бебинцa. Повеќе од 600 летови се откажани од аеродромите Хонгкиао и Пудонг. Исто така се затвораат и дел од мостовите и автопатиштата.
Тајфунот Бебинца моментно е на неколку стотици километри од брегот. Се очекува ветровите на тајфунот вечерва да достигнат брзина од 151 километар на час, соопшти Кинеската метеоролошка управа.
Поради тајфунот евакуирани се 9.318 луѓе од една област во Шангај. Во блискиот град Жоушан утрово беа затворени рестораните, супермаркетите и продавниците, а во прекин е и јавниот превоз.
Се очекува невремето да донесе и до 254 милиметри дожд на метар квадратен, во делови од источниот брег кои ќе бидат најтешко погодени.