Свет
Во Русија изведена првата трансплантација во светот на црн дроб и бели дробови кај дете
Првата успешна комбинирана трансплантација на бели дробови и црн дрб кај дете со цистична фиброза е изведена во медицинскиот истражувачки центар „В.И. Шумаков“ во Москва, изјави шефот на центарот, Сергеј Готи, пренесува ТАСС.
„Среќен сум што можам да презентирам единствено клиничко набљудување, кое е прво не само во Русија туку и во светот – прва успешна комбинирана трансплантација на три органи што се изведуваат кај дете“, рече Готи.
Прес-службата на центарот „Шумаков“ соопшти дека на деветгодишниот пациент Михаил од село Сахалин му била дијагностицирана цистична фиброза – генетско нарушување, кое влијае на неколку органи одеднаш, пред сè, на белите дробови. Момчето исто така имало и цироза на црниот дроб.
Рускиот министер за здравство, Вероника Скворцова, на прес-конференцијата изјави дека центарот „Шумаков“ е водечки истражувачки и методолошки центар во областа на трансплантационата хирургија и донацијата на органи и ткива.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.