Свет
Во Русија повеќе од 26.000 новозаразени со Ковид-19

Руските власти пријавија 26.338 нови случаи на коронавирус, вклучувајќи 6.511 во Москва и 3.691 во Санкт Петербург.
Вкупниот број на случаи во Русија од почетокот на пандемијата се искачи на 2.295.654.
Во последните 24 часа од последици од Ковид-19 починале 368 лица, а досега, според официјалните податоци, починале вкупно 39.895 лица.
Во Москва е отворено едно од најголемите лизгалишта во Европа и покрај брзото ширење на коронавирусот во Русија, објави новинската агенција dpa.
Лизгалиштето од 20.000 квадратни метри е отворено во изложбениот и забавен парк ВДНХ, но со одредени ограничувања поради Ковид-19.
Во следните недели, московјаните ќе можат да лизгаат во многу други паркови во градот, но со нови правила: нивната температура ќе се мери пред да влезат во лизгалиштето и оние што имаат повисока температура нема да можат да влезат, а ќе биде задолжително да носат заштитна маска.
Москва воведе и други нови мерки на лизгалиштето за да спречи ширење на вирусот, вклучително и продажба на билети преку интернет и ограничување на бројот на лизгачи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.
Свет
Поради гладување 90.000 жени и деца итно имаат потреба од медицинска интервенција во Газа

Секој трет жител на Појасот Газа со денови не добива храна, предупреди Светската програма за храна (WFP) на Обединетите нации. Во последното соопштение се наведува дека 90.000 жени и деца итно имаат потреба од медицинска интервенција поради тешка неухранетост.
Според Министерството за здравство во Газа, само вчера починале уште девет лица од глад, со што бројот на жртви од неухранетост од почетокот на конфликтот достигна 122.
Израел, кој го контролира влезот на сите залихи во Газа, повторува дека не постои блокада и ја обвинува Хамас за лошата распределба на ресурсите.
Меѓународната заедница, вклучувајќи ги Германија, Франција и Велика Британија, побара итно олеснување на влезот на помошта, а генералниот секретар на ОН Антонио Гутереш остро ја осуди „рамнодушноста и недостигот на човечност“ во глобалниот одговор на кризата.