Европа
Во Русија се размислува за враќање на смртната казна

Русија би можела да ја врати смртната казна, изјави шефот на Уставниот суд на земјата.
Станува збор за можно укинување на мораториумот на смртната казна воведен во Русија во 1997 година по влегувањето на земјата во Советот на Европа.
Во книгата објавена на официјалната веб-страница на рускиот Уставен суд, Валериј Зоркин предлага земјата да се врати на доктрината на националниот идентитет и дека уставната контрола значи дека Москва треба да донесе свои закони, a да не го презема влијанието на другите земји во Европа.
Според мислењето на Зоркин, воведувањето мораториум на смртната казна било отстапка од вредностите, што не е својствено за Русија.
„Фактот што Уставниот суд донесе одлука со која е невозможно да се изврши смртна казна во Русија, во оваа историска фаза од нејзиниот развој не ја исклучува можноста за враќање на ваквата форма на казнување“, вели Зоркин, а пренесува РТ.
Русија има неограничен мораториум на примената на смртната казна, што беше предуслов за влез во Советот на Европа. Сепак, смртната казна не е формално укината. Со одлука на Уставниот суд тоа може да се промени.
Според Зоркин, смртната казна не може целосно да се исклучи бидејќи секогаш ќе има убиства со умисла.
Потегот за повторно воведување на смртната казна е поддржан и од некои пратеници, вклучително и пратеникот Михаил Шеремет од владејачката партија Единствена Русија.
„Предоцна реагираме за ова прашање. Укинувањето на мораториумот на смртната казна е неопходна и оправдана мерка. Оваа одлука требаше да биде донесена одамна“, изјави тој за „РИА новости“.
„Смртната казна би била еден вид вакцина против педофилите и манијаците, кои им нанесуваат голема штета на безбедноста и на моралот во нашето општество.
Не треба да ги следиме западните стереотипи и наметнатите догми на однесување. Мислам дека е соодветно прашањето за враќањето на смртната казна да се стави на јавна дебата“, нагласува Шеремет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
По протестот за железничката несреќа во Атина се фрлаа молотови коктели

Непознати лица фрлале молотови коктели кон полицијата пред грчкиот Парламент во центарот на Атина по завршувањето на официјалниот дел од протестот за железничката несреќа кај Темпи, на кој граѓаните уште еднаш побараа правда за жртвите.
Инцидентите се случиле на само неколку минути по завршувањето на протестот и додека сѐ уште имаше граѓани во делот пред Парламентот, па така полицијата не употребила солзавец.
Тензиите се пренесоа во долниот дел на плоштадот Синтагма, каде што побегнаа маскираните лица, а специјалните полициски сили употребија солзавец.
Европа
(Видео) Украинците ја нападнаа најголемата рафинерија на рускиот нафтен гигант

Украинските беспилотни летала нападнаа неколку руски нафтени објекти синоќа вклучувајќи ја најголемата рафинерија на „Роснефт“ во Рјазан и складиште за нафта во окупираниот регион Луганск. Веста ја потврди Роберт (Мадијар) Бровди, командант на украинските беспилотни сили, објави „Киев индепендент“.
„Бензинот (во Русија) е при крај, а гасот и нафтата бргу исчезнуваат“, напиша Бровди на социјалните медиуми.
💥 Drones hit a refinery in Russia’s Ryazan, setting it ablaze. Ukraine confirms strikes on both the Ryazan refinery & an oil depot in occupied Luhansk. #MakeRussiaPay pic.twitter.com/PaSlQskXGq
— Iuliia Mendel (@IuliiaMendel) September 5, 2025
Жителите на Рјазан, град на 180 километри југоисточно од Москва, им ги пријавија на руските медиуми експлозиите околу 2 часот наутро, проследени со голем пожар што го осветли ноќното небо. Фотографиите и видеата што бргу се проширија на интернет покажаа густ црн чад што се издига од рафинеријата на јужните периферии на градот.
Објектот, со капацитет од 13,8 милиони тони годишно, веќе беше цел на украински беспилотни летала на 2 август кога две од неговите три главни единици беа принудени да се затворат.
— 🪖MilitaryNewsUA🇺🇦 (@front_ukrainian) September 5, 2025
Регионалниот гувернер Павел Малков изјави дека осум дрона биле соборени, а остатоците паднале врз индустриската зона тврдејќи дека немало жртви или штети на станбени згради. Тој не коментира директно за извештаите за пожарот во рафинеријата.
Во меѓувреме, во окупираниот регион Луганск локалните жители пријавија дека виделе црн чад доцна во четвртокот вечерта. Мадјар потврди дека украинските беспилотни летала погодиле складиште за нафта во регионот, иако обемот на штетата сè уште не е познат.
Руското Министерство за одбрана соопшти дека во текот на ноќта соборило вкупно 92 украински беспилотни летала.
фото: принтскрин
Европа
Руски дрон уби двајца мажи и една млада жена во Украина

Во напад со руски беспилотни летала загинаа три лица во регионот Харков во источна Украина, изјави синоќа гувернерот Олег Синегубов.
„Околу 21:30 часот по локално време, Русите го нападнаа селото Хотимља со беспилотни летала“, напиша тој на Телеграм. Во нападот загинаа двајца 40-годишни мажи и една 25-годишна жена, рече тој. Двајца други мажи се исто така повредени и хоспитализирани.
Украина: Жртвите работеле на поправки на патишта
Синегубов, исто така, рече дека некои од жртвите работеле на поправки на патишта.
Претходно во четврток, двајца украински деминери беа убиени за време на руски напад во северна Украина, во област што руските сили ја окупираа на почетокот на инвазијата, објавија украинските власти и една невладина организација.
Руското Министерство за одбрана, од своја страна, извести за „уништување на точка за подготовка и лансирање на беспилотни летала со долг дострел што им припаѓаат на украинските вооружени сили во регионот Чернигов“, негирајќи дека жртвите биле хуманитарни работници.
Неколку предупредувања за воздушни напади беа издадени во Украина синоќа по самитот на Коалицијата на волните во Париз.
фото: принтскрин