Свет
Во САД извршено второто погубување со контроверзниот метод: „Тој се тресеше и се бореше за воздух“
Во Соединетите Држави, беше извршена втора егзекуција со азот, контроверзен метод што американските и европските ветеринари го сметаа за неприфатлив за еутанизација на повеќето животни.
59-годишниот Алан Јуџин Милер бил прогласен за мртов во 18:38 часот по локално време во затвор во јужна Алабама. Милер се тресеше и трепереше околу две минути, по што следеа околу шест минути напорно дишење при што се бореше за воздух, пишува Асошиејтед прес.
Смртоносниот метод вклучува ставање респираторна маска на лицето и снабдување со чист азот. Недостатокот на кислород предизвикува смрт од задушување. Последните зборови на Милер беа: „Не направив ништо за да бидам овде“ и „Не направив ништо за да бидам осуден на смрт“, велат новинарите кои биле сведоци на неговата смрт. Тој побарал од семејството и пријателите да се „грижат“ за некого, но не било јасно чие име кажал.
Неговиот глас на моменти беше пригушен од маската што му го покриваше лицето од челото до брадата. Милер беше погубен поради пукање во 1999 година во кое загинаа тројца негови соработници – Ли Холдбрукс, Кристофер Скот Јанси и Тери Џарвис.
„Вечерва конечно беше задоволена правдата за овие три жртви. Неговите постапки не беа резултат на лудост, туку чисто зло. Неговите грозоморни злосторства засекогаш променија три семејства и се молам тие да најдат утеха после сите овие години“, рече гувернерката на Алабама, Кеј Ајви.
Првата егзекуција со азот беше извршена, исто така, во Алабама, во јануари. Очевидец тогаш за Асошиетед прес опиша како изгледала егзекуцијата на 58-годишниот Кенет Смит.
„Смит почна насилно да се тресе, да се врти и да се грчи, како да има напад. Силата на неговите движења предизвикаа количката видно да се помрдне барем еднаш. Ја подигна главата од количката, а потоа падна назад“, се сеќава очевидецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Јапонија подготвува авион на своите вооружени сили за евентуална евакуација на граѓаните од Либан
Јапонската влада има намера да испрати авион на вооружените сили (SDF) во Јордан за да биде сè подготвено за евентуална евакуација на јапонските граѓани во Либан поради страв од ескалација на конфликтот меѓу Израел и милитантната група Хезболах, беше речено денеска на прес-конференција на јапонското Министерство за одбрана.
Министерот за одбрана, Минору Кихара, рече дека авионите на СДФ, вклучително и транспортниот авион „Ц2“, веќе се во подготвеност во Јапонија во случај нејзините граѓани да бидат евакуирани од Израел и дека владата соодветно ќе се справи со ситуацијата во зависност од тоа како ќе се одвиваат работите, пренесува „Кјодо“.
Тој додаде дека владата ја разгледува можноста за испраќање авиони „Ц2“ на вооружените сили во Јордан.
Свет
Инфлуенсерка од Турција паднала од петтиот кат и починала, нејзините последни објави ги загрижија фановите
Инфлуенсерката на „Тик-ток“, Кубра Ајкут, трагично почина кога падна од петтиот кат од луксузна станбена зграда во Турција.
26-годишната девојка, која стекна светска слава благодарение на виралното видео „Свадба без младоженец“, наводно била пронајдена мртва минатиот понеделник во областа Султанбејли во Истанбул.
Според весникот „Сан“, покрај нејзиното тело била пронајдена проштална белешка.
Веста доаѓа откако ѕвездата на социјалните мрежи, која има милион следбеници на „Тик-ток“ и над 200.000 на „Инстаграм“, ги загрижи фановите со неодамнешните објави за слабеење. Таа напиша: „Имам енергија, но се чини дека не можам да се здебелам. Секој ден губам по еден килограм. Не знам што да правам. Итно треба да се здебелам“.
View this post on Instagram
Ајкут стана позната на „Тик-ток“ по организирањето раскошна венчавка во 2023 година без партнер. Таа облече прекрасен бел фустан и тијара за церемонијата и изјави: „Не можам да најдам соодветен младоженец за мене“.
Нејзиното тело беше вратено во родниот град Бурса, каде што беше погребана. На погребот присуствуваа пријатели, најблиските и колеги од социјалните мрежи.
Свет
Американската крајбрежна стража спаси маж и куче од едрилица за време на ураганот Хелен
Обилниот дожд ги поплави патиштата и ги затвори аеродромите во Флорида. Хелен се претвори во ураган од категорија 4 и помина низ Флорида, а потоа ослабе.
Штетата што ја нанесе се уште не е позната, некои медиуми јавуваат дека е „екстремна“, засега се знае дека се урнати дрвја, електрични водови и дека се поплавени куќи. Многубројни жители биле спасени со чамци на спасувачките служби бидејќи патиштата и куќите им биле поплавени, а некои Хелен ги затекна на едрилица.
#Breaking @USCG Air Station #Clearwater saved a man & his dog, Thurs., during Hurricane #Helene after his 36-ft sailboat became disabled & started taking on water approximately 25 miles off Sanibel Island. Call the #USCG for help on VHF Ch. 16 or dial 911 for storm distress. #SAR pic.twitter.com/DtdyouxfMN
— USCGSoutheast (@USCGSoutheast) September 27, 2024
Американската крајбрежна стража спаси маж и неговото куче кои пловеле 25 милји од брегот на островот Санибел во Флорида за време на ураганот Хелен.
Човекот се јавил на радио каналот за вонредна состојба на морето – откако неговата едрилица долга 11 метри наишла на проблеми и почнала да се полни со вода, соопшти крајбрежната стража на платформата „Икс“.
Ураганот Хелен беше еден од најголемите што го погоди Мексиканскиот залив
Со ширина од приближно 675 километри, доволно за да ги покрие цела Англија и Велс, ураганот Хелен е трет по големина, веднаш зад Ајда во 2017 година и Опал во 1996 година, кои беа широки 740 километри.
Поради својата големина, Хелен предизвика големи проблеми, вклучувајќи го и подигнувањето на нивото на морето, штетните ветрови и обилните дождови, кои ја погодија Флорида, Џорџија, а сега се шират во Јужна и Северна Каролина.