Свет
Во САД над 70.000 новозаразени, Бразил со 32.177 нови случаи
Бројот на нови случаи на коронавирус во САД надмина 70.000 лица, втор ден по ред, откако претходниот ден е регистриран рекорден број на новозаразени – 77.499, што е најголемото дневно зголемување во една земја од почетокот на пандемијата.
Во последните 24 часа, потврдени се најмалку 70.674 нови случаи, со што вкупниот број заразени изнесува 3,8 милиони.
Регистрирани се 912 смртни случаи, што е четврти ден по ред дека бројот на починати да надминува 900.
Бразил: Уште 32.177 нови случаи и 1.163 смртни случаи
Денес во Бразил се регистрирани уште 32.177 нови случаи на коронавирус, а починале 1.163 лица, соопшти Министерството за здравство на таа земја.
Со тоа, бројот на заразени лица во Бразил, која е на второто место во светот во однос на бројот на заразени и починати по САД, се зголеми на 2.046.328.
Во таа земја досега починале вкупно 76.688 лица, пренесува Ројтерс.
Во Мексико, 7.257 новозаразени, 736 починале
Во Мексико, во последните 24 часа потврдени се 7.257 нови случаи на коронавирус и 736 смртни случаи, соопшти Министерството за здравство.
Како резултат, вкупниот број на заразени се искачи на 331.298, додека вкупниот број на починати изнесува 38.310.
Во Индија, речиси 35.000 нови случаи на коронавирус
Во Индија, потврдени се 34.884 нови случаи на коронавирус во последните 24 часа, со што вкупниот број заразени изнесува 1.038.716.
Денес, Министерството за здравство објави 671 нови смртни случаи, со што вкупниот број на починати достигна 26.273 лица.
Во неколку индиски држави, најзагрозените области се ставени во карантин, а дозволена е работа само за потребните услуги и за набавка и медицинска помош, пренесува АП.
Индија е на третото место во светот по бројот на заразени, зад САД и Бразил.
Уште 17 случаи во Синкјанг, ново жариште во Кина
Бројот на нови случаи на коронавирус во западниот дел на Кина се зголеми во последните 24 часа за 17 лица.
Од нив, 16 се новозаразени во регионот Синкјанг со мнозинско муслиманско население, што се смета за ново жариште, пренесува АП.
Речиси сите летови кон главниот град на тој регион, се откажани, а локалната власт најавува одлучни мерки за сузбивање на пандемијата.
За строгите мерки за спречување на ширењето на коронавирусот се вели дека вклучуваат запирање на метро-линијата, како и јавните автобуски услуги.
Откако се појави пандемијата во Кина на крајот на 2019 година, бројот на новозаразени лица постојано опаѓа, но кинеските власти многу сериозно се однесуваат дури и кон малите жаришта, за да избегнат друг бран на коронавирус.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Турист загина кај Пантеонот во Рим
Јапонски турист, на околу 70 години, починал во Рим откако паднал кај Пантеонот, објави Анса.
Според информациите на италијанските медиуми, човекот не бил на самиот објект, туку на периферниот дел — кај оградениот археолошки простор што го опкружува Пантеонот. Тоа место има камен ѕид висок неколку метри, кој дели рамна површина (каде минуваат туристите) од понизок археолошки дел, нешто како ров.
Се претпоставува дека туристот се потпрел или се наведнал над ѕидот, изгубил рамнотежа и паднал во тој понизок простор, длабок околу 7 метри.
Спасувачките напори не успеале, а пожарникарите морале насилно да ја отворат влезната порта пред Пантеонот за да стигнат до телото.
Полицијата и локалните власти биле на местото на настанот, додека причината за несреќата сè уште не е утврдена.
Свет
Руски напад врз Киев
Русија синоќа изврши напад врз Киев, во кој најмалку едно лице беше убиено, а десет беа повредени. Главниот град на Украина повторно беше цел на балистички ракети и беспилотни летала, што предизвика експлозии и пожари, пишува „Киев Индепендент“.
Според неофицијални информации, целите на руските напади биле термоелектрани лоцирани во Киев и неговата околина.
Според извештаите на новинарите на терен, експлозиите одекнале низ Киев непосредно пред 4 часот наутро по локално време. Тимур Ткаченко, началник на Воената администрација на градот Киев, го потврди нападот. По ударот, избувнале неколку пожари на неколку локации на левиот брег на градот, односно во делот на Киев источно од реката Днепар.
Russia hit Kyiv again with ballistic missiles.
No heating at home, power’s off for hours, fires across the city.
Russia keeps trying to break us — still doesn’t get how resilient we became.Farmers’ market in Kyiv goes on against the backdrop of fire.
📹 Yan Dobronosov pic.twitter.com/RUyoohdMzg
— Maria Avdeeva (@maria_avdv) October 25, 2025
Градоначалникот Виталиј Кличко извести дека противпожарните екипи веднаш биле испратени во областите Дарнички и Десњански, каде што се регистрирани големи пожари во нестанбени згради. Во областа Дњепар, ударот оштетил прозорци и возила. Градинка во истиот округ била исто така оштетена.
Украинските воздухопловни сили објавија дека Русија лансирала девет балистички ракети „Искандер-М“ од Ростовската и Курската област, заедно со 62 дронови за напад „Шахед“.
8 людей, попередньо, постраждали через російський удар керованими авіабомбами по Індустріальному району Харкова
У результаті одного з влучань виникла пожежа на території автотранспортного підприємства: горіли 2 гаражні бокси та автомобілі на загальній площі 150 кв.м. pic.twitter.com/V3KfCFZaRj
— DSNS.GOV.UA (@SESU_UA) October 24, 2025
Противвоздушната одбрана успеала да пресретне 50 дронови и четири ракети. Сепак, пет ракети и 12 дронови ги погодиле своите цели на четири различни локации.
Во последните недели, Русија ги засили нападите врз енергетската мрежа пред зимата, принудувајќи ја Украина да воведе ограничувања на електричната енергија. Градоначалникот Кличко предупреди завчера дека Киев се подготвува за најпредизвикувачката зима од почетокот на војната.
Свет
Специјалниот претставник на Кремљ: Русија, САД и Украина се блиску до дипломатско решение
Специјалниот пратеник на рускиот претседател Владимир Путин за инвестиции и економска соработка, Кирил Дмитриев, изјави во Вашингтон дека Русија, САД и Украина се прилично блиску до дипломатско решение за завршување на војната.
Во интервју за Си-Ен-Ен тој рече дека планираниот самит меѓу Доналд Трамп и Путин не е откажан, туку само одложен. Дмитриев ја пофали одлуката на украинскиот претседател Володимир Зеленски, нарекувајќи ја голем потег, бидејќи, според него, Зеленски сега прифаќа дека преговорите треба да се водат врз основа на постојните линии на фронтот.
„Претходно неговиот став беше дека Русија мора целосно да се повлече. Сега верувам дека сме многу блиску до дипломатско решение,“ изјави Дмитриев.

