Свет
Во силниот земјотрес во Јапонија загинаа три лица, а 198 се повредени
Најмалку три лица загинаа, а речиси 198 се повредени во силниот земјотрес што ја погоди Јапонија во средата вечерта предизвикувајќи предупредување за цунами, јави „Анадолија“.
Земјотрес со јачина од 7,3 степени според Рихтер го погоди североисточниот дел на Јапонија во 23.36 часот по локално време, соопшти Јапонската метеоролошка агенција.
Земјотресот го погоди брегот на провинцијата Фукушима, на 60 километри под нивото на морето.
Агенцијата издаде предупредување за цунами по земјотресот и ги предупреди луѓето за земјотреси со слична јачина во наредните недели. Во земјотресот беа повредени околу 198 лица во 12 провинции, а три лица загинаа во најтешко погодените Мијаги и Фукушима.
„Ќе ги преземеме сите можни мерки за да одговориме на катастрофата“, изјави јапонскиот премиер Фумио Кишида во парламентот рано во четвртокот.
Исто така, главниот секретар на кабинетот, Хироказу Мацуно, рече дека земјотресот не предизвикал проблеми во нуклеарните централи во областите погодени од земјотресот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.