Свет
Во Судан штрајк против воениот совет

Најголемиот дел од продавниците се затворени, а улиците се празни во главниот град на Судан, Картум, поради почетокот на генералниот штрајк кој го свикаа лидерите на протестите барајќи оставка на владејачкиот воен совет.
Здружението на судански професионалци (СПА) ги повика луѓето да останат дома во текот на денешниот ден во знак на протест поради минатонеделниот напад на војската, кога безбедносните сили насилно го растргаа главното седиште на оваа организација, пред воениот шраб во Картум, објави АП.
При интервенцијата беа убиени десетина луѓе со што целосно пропаднаа надежите за мирна транзиција на власта, откако во април беше разрешен претседателот Омар ал Башир.
Упадот на безбедносните сили се случи по неколкунеделни полемики меѓу воениот совет кој ја презеде власта од Башир и сојузот „Проглас за слобода“ за тоа кој треба да ја контролира привремената влада до изборите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трагедија во Србија: се преврте чамец во Дунав, има жртви

Брод со неколку лица се преврте синоќа во Дунав кај Бачка Паланка, во соседна Србија.
Како што јавуваат спрските медиуми, во несреќата има жртви и повредени.
На бродот имало 11 лица, 10 кинески државјани и еден српски државјанин, за кој се верува дека го управувал бродот. Според неофицијални информации, станува збор за обид за нелегално преминување на државната граница.
Досега се пронајдени осум лица – шест кинески државјани беа спасени од хрватски спасувачи, додека спасувачите од Србија пронајдоа еден преживеан и едно тело.
Потрагата по останатите исчезнати лица сè уште е во тек. Повеќе информации ќе бидат познати по официјалното соопштение од надлежните органи.
Европа
(Видео) Украинците погодија нафтено складиште на Крим, избувна огромен пожар

Русија денес објави дека нејзините единици за воздушна одбрана собориле 251 украински дрон во текот на ноќта, додека украинската страна објави дека погодила складиште за нафта на привремено окупираниот Кримски полуостров.
🔥The largest oil depot in temporarily occupied Crimea is on fire in Feodosia.
According to monitoring channels, a fuel tank exploded after a probable drone attack. 😏
The occupation authorities have not commented on the situation yet.👀 pic.twitter.com/gzCVL69JwG
— Malinda 🇺🇸🇺🇦🇵🇱🇨🇦🇮🇹🇦🇺🇬🇧🇬🇪🇩🇪🇸🇪 (@TreasChest) October 6, 2025
Според руското Министерство за одбрана на Телеграм, руските сили собориле поголем дел од украинските дронови над југозападниот регион на земјата, вклучувајќи 61 над Црното Море и еден што летал кон Москва. Министерството само го навело бројот на уништени дронови, но не и колку од нив ги лансирала Украина.
Украинските канали на Телеграм објавија дека голем пожар избувнал по нападот врз складиште за нафта во Феодосија, на кримскиот брег покрај Црното Море. Според РБЦ-Украина, како резултат на нападот експлодирал резервоар за гориво во складиштето.
Според проукраинскиот канал „Krymskyi Viter“, експлозии се слушнале во неколку области низ украинскиот полуостров.
Crimean Telegram channels report a large fire at an oil depot in Feodosia (Russian-occupied Crimea) after a drone attack. pic.twitter.com/S9kLRFs25E
— Anton Gerashchenko (@Gerashchenko_en) October 6, 2025
Според каналот, првата цел бил аеродромот „Саки“ во Новофедоривка. Експлозиите таму започнале околу 00:23 часот, по што набргу потоа биле активирани системи за воздушна одбрана против беспилотни летала.
Регион
(Видео) Во Црна Гора убиен член на Шкаљарскиот клан: телото пронајдено во автомобил

33-годишниот Бобан Сјеклоќа беше убиен вчера околу 18 часот во продолжението на војната меѓу црногорските кланови. Телото на овој висок член на ќелијата Цетиње на Шкаљарскиот клан беше пронајдено во кај плажата Трстено во близина на Будва во автомобил „голф“ со регистарски таблички од Подгорица.
Вишата државна обвинителка Ана Радовиќ потврди за црногорски Вјести дека за време на истрагата се пронајдени неколку чаури и дека наредила вештачење на запленетите траги. „Жртвата е идентификувана како Б.С. (33). За време на истрагата се пронајдени одреден број траги и чаури, кои ќе бидат испитани во Центарот за судска медицина“, рече таа.
Извор близок до истрагата за Вјести изјави дека телото го пронашле пожарникари кои биле известени околу 18 часот дека автомобилот излетал од патот. Тој истакна дека мажот бил застрелан преку шофершајбната. Сјеклоќа со години бил во бегство. Според полициските податоци, тој бил важна алка во ќелијата на криминалниот клан Шкаљари во Цетиње.
Специјалното државно обвинителство го обвини за шверц на половина тон кокаин и помагање во ликвидацијата на Андрија Газивода и Перо Мухадиновиќ во Цетиње во 2020 година. Полицијата неколку пати ја претресе неговата куќа во Цетиње, но не го пронајде за време на овие операции.
За потсетување, Шкаљарскиот и Кавачкиот клан се во судир со години. Крвавиот конфликт започна кон крајот на 2014 година поради исчезнувањето на 200 килограми кокаин од стан во Валенсија, што доведе до поделба на некогаш обединетиот криминален клан на два завојувани табора.
фото: принтскрин