Свет
Ројтерс: Во тек спасувачката акција, досега извлечени шест деца од пештерата

Шест момчиња излегоа од пештерата во Тајланд, јави „Ројтерс“, повикувајќи се на извори од спасувачкиот тим.
Момчињата кои беа спасени се пренесени во болница во Чианг Раи.
„АП“ наведе дека две возила на итната медицинска помош се забележани како ја напуштаат пештерата на северот во Тајланд, каде фудбалскиот тренер и 12-те момчиња беа заробени повеќе од две недели. Возилата на Итната помош од пештерата заминале кон најблискиот хелиодром.
Спасувачката акција за извлекување на 12 деца и нивниот тренер почна утрово во 10 часот по локално време, а првичните проценки беа дека првите деца ќе бидат спасени во 21 часот. За среќа, засега акцијата се одвива добро и децата почнаа да се извлекуваат уште порано од предвиденото, односно до 19 и 47 часот беа спасени 4 деца.
Претходно беше објавено дека фудбалскиот тренер на децата ќе биде извлечен во последната група, заедно со уште две деца.
Тајландската Влада го објави планот за спасување на заробените деца во пештерата. Според него, двајца нуркачи ќе придружуваат по едно момче, а низ пештерата ќе ги влечат со јаже. Кога ќе наидат на тесен премин, нуркачите ќе ги отстрануваат боците со кислород од грбот и ќе ги истркалаат низ премините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон тужи инфлуенсерка затоа што тврди дека неговата сопруга е всушност маж

Претседателот на Франција, Емануел Макрон, и неговата сопруга Брижит, поднесоа тужба за клевета во САД против конзервативната инфлуенсерка Кандис Овенс поради нејзините тврдења дека првата дама на Франција е всушност маж, пишува „Њузвик“.
Том Клер кој ги застапува Макронови, денес ја објави тужбата од 218 страници, поднесена во Вишиот суд во Делавер.
Тужбата ги нарекува тврдењата на Овенс „чудни, клеветнички и неверојатни измислици“ и вели дека тие предизвикале „немилосрдна злоупотреба на глобално ниво“, со што „предизвикале голема штета на Макрон“.
Овенс, популарна десничарска подкастерка, објави во 2024 година на социјалната мрежа „Икс“: „Откако истражував, подготвена сум да го ризикувам целиот мој професионален углед за фактот дека Брижит Макрон е всушност маж“.
На нејзиниот „Јутуб“ канал, таа објави серија видеа од осум дела наречена „Станувајќи Брижит“ во која ги изнесе своите тврдења.
„Бидејќи Овенс систематски ги повторуваше овие лаги како одговор на повеќекратни барања од нашите адвокати да ги повлече тврдењата, на крајот заклучивме дека одењето на случајот на суд е единствената преостаната опција за да ги заштитиме нашите права“, се вели во изјавата на Макрон.
Фото: принтскрин
Свет
Во Германија момчиња бегаа со украден автомобил – штетата надминува 50.000 евра

Германската полиција регистрираше сериозен инцидент во округот Лудвигсбург, откако 13-годишно и 15-годишно момче украле автомобил во Штутгарт и потоа бегале со него од полицијата. Потерата завршила со сообраќајна несреќа, при што момчињата поминале со полесни повреди. Автомобилот бил целосно уништен, а материјалната штета се проценува на над 50.000 евра, пренесува Fenix Magazin.
Според првичните информации, возилото го управувал помладиот од двајцата, додека постариот бил совозач. И двајцата малолетници се веќе познати на полицијата.
Автомобилот бил украден преку ноќ од паркинг во Штутгарт. Засега не е познато како момчињата успеале да влезат и да го стартуваат возилото, ниту пак кој е сопственикот. Откако граѓаните ја пријавиле кражбата, полицијата се обидела да го запре возилото, но возачот ги игнорирал наредбите и со голема брзина се упатил кон Дицинген по патот B295.
Во самиот Дицинген, возачот изгубил контрола над автомобилот. Возилото преминало преку сообраќаен остров, накратко се одвоило од тлото и слетало на тревната површина, каде што конечно се запрело.
По несреќата, момчињата излегле од возилото и се обиделе да побегнат пеш, но полицијата ги фатила за кратко време и ги привела. Двајцата биле пренесени во болница поради полесни повреди, а потоа биле вратени кај родителите.
Подоцна полицијата потврди дека само 15-годишникот може да биде кривично одговорен, додека 13-годишниот, според германскиот закон, сè уште не одговара кривично. Постои сомнеж дека можеби се менувале зад воланот, но тоа сè уште се утврдува.
Вкупната штета на возилото се проценува на околу 50.000 евра, а дополнителни 2.000 евра штета се направени на сообраќајниот остров и инфраструктурата. Автомобилот бил отстранет од местото на несреќата.
Полицијата сè уште ги истражува сите околности на инцидентот, вклучително и бројот на сообраќајни прекршоци и точната брзина со која се движело возилото. Ја повикуваат јавноста и сведоците да се јават за да се реконструира целосно текот на настаните.
Свет
Фон дер Лајен: Светот се промени засекогаш, мора да се соочиме со вистината

Претседателката на Европската комисија, Урсула фон дер Лајен, издаде остро предупредување дека неодамнешните политички превирања, особено војната во Украина и глобалните трговски конфликти, трајно и неповратно го преобликуваа светскиот поредок. Таа го одржа својот говор на Универзитетот Кејо во Токио, каде што ѝ беше доделена почесна докторска титула.
„Не можеме едноставно да прифатиме да бидеме потресени од сеизмичките промени со кои се соочуваме, ниту да се вратиме во заблудата дека бурата ќе помине и сè ќе се врати во нормала ако заврши војната во еден регион, се постигне царински договор или следните избори завршат поинаку“, рече шефицата на Комисијата.
Таа нагласи дека геополитичките струи се едноставно премногу силни, а темелите на безбедноста и просперитетот на Европа станаа опасно несигурни.
„Почетната точка е да се соочиме со светот каков што навистина е, а не каков што можеби го паметиме од минатите генерации“, додаде таа.
„Убедена сум дека периодот во кој се наоѓаме сега и начинот на кој се справуваме со него, ќе го дефинираат остатокот од овој век.
Европа го засилува својот ангажман. Во последните недели и месеци, изнесовме предлози за инвестирање во сопствената одбрана на нивоа што би биле незамисливи дури и пред една или две години“, рече таа. „Претставивме план со вистински инвестиции за да ги ставиме индустријата, иновациите, технологијата и науката во самото срце на нашата економија.“
Фон дер Лајен им се придружи на претседателот на Европскиот совет, Антонио Коста, и на високата претставничка на ЕУ за надворешни работи, Каја Калас, во Токио на самитот ЕУ-Јапонија.
Фото: принтскрин