Свет
Во Турција пронајдена Библија стара 1.200 години
![](https://makfax.com.mk/wp-content/uploads/2019/02/drevna-biblija-vo-turcija.jpg)
Библија стара 1.200 години пронајдена е во турската провинција Дијарбакир, за време на акција против организиран шверц на вредни историски наоди, објавија властите на оваа покраина.
Тројца осомничени се уапсени во понеделникот, при обидот да ја продадат древната книга во градот Кајапинин, се вели во соопштението од канцеларијата на гувернерот на Дијарбакир.
Вредната Библија има вкупно 34 страници испишани со злато.
Од канцеларијата на гувернерот соопштија дека во притвор завршиле шестмина осомничени, но не се откриваат детали.
Регионот е познат по своите бројни свети места во кои престојувале христијани, а турската влада долго време се обидува да ги потисне обидите за шверц на скапоцени артефакти.
Секоја година се спроведува серија операции против организираниот шверц на вредни историски предмети за да се спречи нивната продажба и да се заштити богатото културно наследство на земјата.
Ваквите активности се исклучително важни за Турција, земја со околу 3 000 древни градови во кои опстојувале четириесет и две цивилизации. Турскиот туризам се потпира на богатото историско наследство во обид да привлече милиони посетители секоја година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Вучиќ: Курти не сака дијалог, сака де јуре признавање
![](https://makfax.com.mk/wp-content/uploads/2020/03/vucik.png)
Претседателот на Србија, Александар Вучиќ денеска изјави дека продолжувањето на дијалогот со Приштина во Брисел не се случило бидејќи косовскиот премиер Албин Курти „не сака дијалог“.
Вучиќ оцени дека вчерашното непродолжување на дијалогот во Брисел е последица на желбата на Приштина за „де јуре признавање“.
„Дијалог не се одржа бидејќи тие не сакаат дијалог. Сакаа де јуре, не де факто туку де јуре признавање. Ова е она што тие го бараа. Сакавме да разговараме за компромиси за решавање на проблемите, но знаев и претходно дека не се подготвени за тоа“, изјави Вучиќ.
Тој додаде дека не верува оти „сериозен дијалог“ може да продолжи „во блиска иднина“.
„Секогаш ќе треба да најдете начин да разговарате со некого. Подготвени сме да разговараме, но не гледам можност за сериозно продолжување на дијалогот во блиска иднина“, рече Вучиќ.
Свет
Медведев: Конфискацијата на рускиот имот е причина за објавување војна
![](https://makfax.com.mk/wp-content/uploads/2024/06/677z381_677z381_14-665b2c2cd87c9.jpg)
Заменик-претседателот на Советот за безбедност на Русија, Дмитриј Медведев, денеска ја повика меѓународната заедница да не поддржува конфискација на руски имот во корист на Украина, за да се избегнат обвинувањата за соучесништво.
Според него, кога се запленува имот, Русија има право на „колективна самоодбрана“.
„Кражбата на државен имот, под одредени услови, генерално може да се оквалификува како агресија, па дури и да стане причина за објавување војна“, рече Медведев на пленарната седница на Меѓународниот правен форум во Санкт Петербург (СПБИЛФ).
Тој ги повика сите одговорни членови на меѓународната заедница да се изјаснат против „флагрантното кршење на меѓународното право“ и да се воздржат од „поддршка и признавање на таквите злосторства“, пренесува „Комерсант“.
Медведев истакна дека Русија „во секој случај ќе биде принудена да преземе одмазднички мерки во согласност со принципот на реципроцитет“.
Тој, исто така, истакна дека е неопходно да се пресмета вистинската штета што западните санкции и ја нанесоа на руската економија, нејзините граѓани и бизниси, како и изгубениот профит од ограничувањата на економската активност.
„Законот мора да биде непомирлив во такви случаи и да бара недвосмислено отфрлање на политиката на мешање во внатрешните работи на другите земји преку санкции. Во спротивно, ниту една личност, ниту една компанија, ниту една земја нема да може да се чувствува вистински заштитена“, рече Медведев.
Тој оцени дека современиот свет и правниот систем воспоставен во него радикално се разликуваат од претходните и дека „дошле до точка од која нема враќање“.
„Нашата заедничка цел е да направиме се за да најдеме основа за решавање на противречностите што ескалираа до крај“, додаде тој.
Медведев објасни дека понекогаш намерно дава „песимистички или апокалиптични“ изјави, бидејќи, како што наведе, се обидува да привлече внимание на тешката ситуација во светот.
„Често зборувам за разни проблеми и понекогаш слушам поплаки дека изгледа песимистички или дури апокалиптично, само сакам сите да размислуваат за тоа што се случува во светот. Се случуваат сосема невидени работи. Да не зборуваме за тоа, како што знаете, песимист е добро информиран оптимист“, рече Медведев.
Регион
Невреме и обилни врнежи во Србија: пет воспитувачки евакуирани од градинка, во Суботица избувнал пожар по удар на гром
![](https://makfax.com.mk/wp-content/uploads/2024/06/Screenshot-2024-06-27-202530.jpg)
Припадници на Секторот за вонредни состојби при две интервенции евакуирале 10 лица поради невреме и обилни врнежи во Србија.
Како што е наведено во соопштението на српската полиција, пет воспитувачки биле евакуирани од градинка.
Во соопштението се наведува дека 57 пожарникари-спасувачи со 26 возила и 12 пумпи биле ангажирани во 11 операции за испумпување на вода во Врање, Лесковац и Мионица и во гаснење пожари по удар на гром во Суботица и Врање.
Пожарникарите-спасувачи им помагаат на граѓаните и во отстранувањето на паднатите дрвја во Заечар, Књажевац, Ужице, Чачак и Лесковац, како и отстранување на делови од лимени покривни конструкции пишуваат српските медиуми.
„Во моментов службените лица се ангажирани во Лесковац за отстранување на паднато дрво зад Центарот за култура, како и во Лазаревац за отстранување на паднатите дрвја и за испумпување на вода од домаќинствата во Лазаревац и Крушевац“, се наведува во соопштението.