Европа
Во Шпанија почнаа масовни протести против премиерот Санчез

Десетици илјади демонстранти излегоа денеска на улиците во 52 шпански градови, огорчени од отстапките што социјалистичкиот премиер Педро Санчез ги направи на поборниците за отцепување на Каталонија и Баскија во замена за нов четиригодишен мандат на чело на Шпанија.
Санчез, лидерот на шпанската Социјалистичка работничка партија, следната недела треба да добие поддршка од 179 од вкупно 350 членови на парламентот за да формира нова левичарска влада.
Protests taking place currently in Extremadura, Spain as locals protest against current government and current PM Pedro Sanchez. 🇪🇸
Viva España 🇪🇸🇪🇸🇪🇸 pic.twitter.com/qrNWvzIWmE
— Ian 🇵🇱🇦🇺 (@IanPolska_99) November 12, 2023
Откако во четвртокот постигна договор со партијата Заедно за Каталонија (JxCAT), на чијшто прогонет лидер Карлес Пучдемон му беше ветено прошка за организирањето на забранетиот референдум за независност во 2017 година, тој исто така се согласи со Баскиската националистичка партија (ПНВ) да и даде поголема автономија на Баскија, која ќе има статус на нација.
Десничарската опозициска Народна партија (ПП) повика на масовни протести денеска во 12 часот.
Pro-Palestine protest in Barcelona, Spain. pic.twitter.com/m1Omzk7vnz
— Clash Report (@clashreport) November 12, 2023
„Санчез и неговите партнери го подготвуваат најголемиот напад досега врз владеењето на правото, врз рамноправноста на Шпанците и институциите“, изјави Алберто Нуњез Фејо, лидер на ПП. Тој преку социјалните мрежи ги повика граѓаните на Шпанија, земја со 47 милиони жители која моментално претседава со ЕУ, да го изразат своето незадоволство.
Во јули, Фејо победи на парламентарните избори пред ПП, но со недоволно гласови за сам да формира влада. Откако не успеа да ги натера другите партии да го поддржат, шансата ја доби второпласираниот Санчез со неговите социјалисти.
Санчез зависи од поддршката на партиите кои се залагаат за независност на автономните покраини: Каталонија, каде живеат 7,5 милиони жители, Галиција со 2,7 милиони и Баскија со 2,2 милиони.
Десетици илјади собрани демонстранти, со истакнати шпански знамиња на главниот плоштад во Мадрид, Пуерта дел Сол, веруваат дека договорите со овие партии го загрозуваат интегритетот на Шпанија. Тие сметаат дека законот за амнестија на осудените Каталонци, за којшто би можело да се гласа во парламентот следната недела, ќе ги охрабри поборниците за независност на нов обид за отцепување.
„Сега е моментот за единство. Политичките поделби не се важни“, рече од протестот Сантијаго Абаскал, лидер на десничарската партија Вокс, која има трет најголем број претставници во парламентот.
Во саботата вечерта, деветти ден по ред, се одржаа протести пред седиштето на Социјалистичката партија во Мадрид, каде беа уапсени 24 демонстранти под обвинение дека фрлале тврди предмети и запалиле ракети кон полицијата, која го блокирала пристапот до зграда со железни огради. Седум полицајци се полесно повредени.
Санчез минатата недела рече дека договорите со регионалните партии на Каталонија и Баскија се единствениот начин Шпанија да добие влада. Тој тврди дека договорот ќе ја нормализира политиката во Каталонија. Доколку овој месец не добијат влада, Шпанците во јануари ќе одржат нови избори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Русија очекува да се договори за датум за третата рунда мировни преговори со Украина

Русија очекува да се договори за датум за третата рунда мировни преговори со Украина следната недела, изјави портпаролот на Кремљ, Дмитриј Песков.
Функционерот на Кремљ, Владимир Медински, кој ја предводи руската делегација, е во контакт со својот украински колега, изјави Песков.
Обновувајќи ги разговорите по повеќе од три години, двете страни се сретнаа лице в лице во Истанбул на 16 мај и на 2 јуни, што доведе до серија размени на затвореници и враќање на телата на загинатите војници.
Сепак, не е постигнат никаков напредок кон прекин на огнот за кој Украина се залага со поддршка од Западот. Русија вели дека сака конечно решение, а не само пауза во борбите, и инсистира на територијални и други барања за кои Украина вели дека би значеле капитулација.
Конфликтот се интензивира во последните неколку недели, при што Русија изврши некои од своите најтешки воздушни напади во војната, а Украина користеше беспилотни летала за да ги изненади воздушните бази и ѝ нанесе голема штета на руската флота бомбардери способни да носат нуклеарно оружје.
Европа
(Видео) Пропалестински активисти упаднаа во британска база, велат дека оштетиле два авиона

Пропалестински активисти упаднаа во воздухопловната база „РАФ Бриз Нортон“ и испрскаа два воени авиони со црвена боја. Снимките објавени на веб-страницата на „Палестинската акција“ покажуваат две лица во воздухопловната база во Оксфордшир.
Едно од лицата вози скутер до танкер за полнење гориво во воздух „ербас војаџер“ и се чини дека прска боја во неговиот млазен мотор. „Палестинската акција“ соопшти дека авионите за полнење гориво биле исклучени од употреба, а активистите успеале да ги избегнат обезбедувањето и апсењето.
BREAKING: Palestine Action break into RAF Brize Norton and damage two military aircrafts.
Flights depart daily from the base to RAF Akrotiri in Cyprus.
From Cyprus, British planes collect intelligence, refuel fighter jets and transport weapons to commit genocide in Gaza. pic.twitter.com/zzmFqGKW8N
— Palestine Action (@Pal_action) June 20, 2025
Британското Министерство за одбрана остро го осуди „вандализмот врз имотот на Кралските воздухопловни сили“ и изјави дека тесно соработува со полицијата, која го истражува инцидентот.
„Палестинската акција“ е вклучена во слични активности уште од почетокот на војната во Газа, а нејзините акции првенствено се насочени кон компаниите за оружје. Во мај групата ја презеде одговорноста за боењето на американски воен авион во Ирска со спреј.
Европа
(Видео) Украина: Руските напади со дронови врз станбени згради предизвикаа огромни пожари

Едно лице загина, а најмалку 14 други беа повредени кога руски беспилотни летала го нападнаа украинскиот град на Црното Море, Одеса, во текот на ноќта оштетувајќи високи згради и железничка инфраструктура, соопштија денеска локалните власти и обвинителите. Одеса, најголемото црноморско пристаниште во Украина, клучен центар за увоз и извоз, е под постојани руски ракетни и беспилотни напади од почетокот на војната.
„И покрај активната воздушна одбрана, оштетена е цивилна инфраструктура, вклучувајќи станбени згради, универзитет, гасовод и приватни автомобили“, изјави локалниот гувернер Олех Кипер на „Телеграм“. Кипер објави фотографии од запалени куќи и високи згради.
🔴 One killed and 14 injured, including 3 rescuers, in overnight Russian attack on Odesa. pic.twitter.com/Xe0JOL5yE4
— UNITED24 Media (@United24media) June 20, 2025
Локалните служби за итни случаи соопштија дека имало најмалку 10 напади со беспилотни летала врз станбени згради предизвикувајќи огромни пожари. Украинските воздухопловни сили денес соопштија дека Русија лансирала 86 беспилотни летала во Украина во текот на ноќта.
Војската соопшти дека нејзините сили за воздушна одбрана собориле 34 беспилотни летала, а 36 беспилотни летала биле изгубени, што укажува дека украинската војска ги пренасочила користејќи електронско војување или дека станува збор за симулатори на беспилотни летала што не носеле бојни глави.
Војската објави дека беспилотните летала погодиле осум локации. Украинската државна железничка компанија „Укрзализниција“ објави дека железничката станица во Одеса била оштетена за време на нападот, со оштетени далноводи и пруги. Неколку приватни и повеќекатни куќи биле оштетени во напад со беспилотни летала во Харков, североисточна Украина, во текот на ноќта, соопштија властите на Харков.