Српскиот претседател Александар Вучиќ денеска изјави дека очекува опозицијата да „организира големо насилство“ на собирот во Белград во сабота и дека „сите што ќе учествуваат во тоа ќе бидат уапсени“, и наведе дека апсењето на сторителите „ќе трае 15 минути, час или два, бидејќи државата ќе знае да се однесува како држава и тука нема никаква филозофија“.

„Знаат дека крајниот рок им е сабота и тоа го покачија на ден Д. Ќе повикаме на мир, но јас ги познавам одлично“, рече Вучиќ за време на посетата на манастирот Архангел Гаврил во селото Кусадак, на почетокот на обиколката на Јужнобанатскиот и Подунавскиот округ.

Како што пренсе Бета, тој рече дека верува оти студентите во блокада се „попаметни од овие несреќни опозиционери и знаат дека ова не смее да биде Ден Д“ и дека не треба да учествуваат во тоа, а подоцна да продолжат со своите акции додека не се исполнат нивните барања и да останат запаметени како победници, наместо по насилство.

Вучиќ нагласи дека „нема ништо од обоената револуција“ и дека книгата, како успеал да ја победи, ќе ја заврши во текот на летото бидејќи веќе ја има направено корицата и неколку страници, наведувајќи дека тоа ќе биде „форма на учебник без романтизам за да им служи на слободољубивите народи во светот“.

Зборувајќи за студентите кои сакаат да учат, рече дека 820 од нив ноќеска спиеле во шатори, што е голема бројка кога се спие на отворено, додека во текот на денот ги има уште повеќе, а тој број, рече, секојдневно се зголемува.

Коментирајќи го телевизиското покривање на протестите, тој ги повика граѓаните да не и веруваат ништо на Радио телевизија Србија, бидејќи, како што наведе, „речиси и нема разлика меѓу нив и Н1“.

Проукраинските демонстранти го следеа потпретседателот на Соединетите Американски Држави Џ.Д. Венс и неговата тригодишна ќерка додека тие шетале. Демонстрантите, како што изјави Венс, цело време извикувале „Слава на Украина“.

Како што напиша Џеј Ди Венс на социјалната мрежа „Х“, неговата ќерка се исплашила, па решил да разговара со демонстрантите.

„Денеска додека ја шетав мојата тригодишна ќерка, група демонстранти кои извикуваа „Слава на Украина“ нѐ следеа и извикуваа додека ќерка ми се повеќе се загрижуваше и се плашеше. Решив да разговарам со демонстрантите со надеж дека за неколку минути разговор ќе ги убедам да го остават моето дете на мира. (Речиси сите се согласија.) Тоа беше претежно разговор со почит, но ако бркате тригодишно дете како дел од политички протест, тогаш сте го*но од човек“, напиша тој.

Today while walking my 3 year old daughter a group of “Slava Ukraini” protesters followed us around and shouted as my daughter grew increasingly anxious and scared.

I decided to speak with the protesters in the hopes that I could trade a few minutes of conversation for them…

— JD Vance (@JDVance) March 8, 2025

Руските воени сили се обиделе да го заземат градот Суџа во западниот руски регион Курск, кој е под контрола на Украина, испраќајќи војници преку гасовод, изјавија украински воени власти. Според соопштението на Генералштабот на украинската армија, нападот бил „навреме откриен“ од тим за воздушно извидување и со проектили, артилерија и дронови бил успешно одбиен.

Информациите не можат да се потврдат од независни извори, но на руските воени блогови претходно беше јавено за обид за напад врз Суџа. Според наводите, гасоводот што бил искористен за нападот бил дел од системот кој ја снабдувал Европа со руски гас до почетокот на оваа година, а цевките се со дијаметар од 1,4 метри.

Ова претставува ново поглавје во продолжениот конфликт, кој трае веќе три години, и одразува на важноста на регионот Курск за воената стратегија на Украина. Украинскиот претседател Володимир Зеленски ја нарече офанзивата на Курск значајна за потенцијалните преговори со Москва, додека тешките борби во последните месеци потиснаа напредокот на украинските сили.

Украинските сили во регионот се соочуваат со дополнителни тешкотии, вклучително и прекин на размената на разузнавачки информации од САД. Иако руските сили продолжуваат да окупираат значителни делови од територијата на Украина, наводниот напад врз Суџа ја покажува континуираната борба за контрола над стратешки важни региони.