Свет
Вториот човек на Венецуела ги негираше тајните преговори со САД
Диосдадо Кабејо, вториот човек на владата на Венецуела, ги отфрли обвиненијата дека тој бил вклучен во тајни преговори со администрацијата на САД, известува шпански Си-ен-ен.
Кабејо се изјасни на прес-конференција во Ла Гуаира, велејќи дека таков вид преговори се возможни само под четири услови.
„Под авторизацијата на претседателот Николас Мадуро, во врска со Венецуела, овде, во Венецуела, и со сопствениците на циркусот“, изјави Кабејо и упати шега на сметка на администрацијата на САД.
Според новинарската агенција АП, функционер близок до Трамп и неговата администрација се сретнал со Кабејо, кој се смета за најмоќниот човек во Венецуела, веднаш по Мадуро.
Кабејо, пак, се шегуваше со информациите што се ширеа на „Твитер“ и сподели една објава од еден корисник на мрежата во која беше напишано:
„Диосдадо тајно се сретна со еден ‘гринго’ со цел да скова таен план и да го саботира Николас, кој не знае ништо бидејќи кога би знаел, тоа не би било тајно. Значи, не кажувајте ништо, ако се дознае тајната, планот нема да успее. Искрено ваш, АП“.
Уште од почетокот на годината во Венецуела владее политички немир поради борбата за моќ меѓу Мадуро и поранешниот претседател Хуан Гвидо.
Во јануари годинава Гвидо се прогласи себеси за претседател на Венецуела, а изборот на Мадуро го прогласи за лажен.
Овој потег на Гвидо беше признат од страна на повеќе од 50 земји, вклучувајќи ги и САД.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Ураганот на Флорида преврте мали авиони, објавена снимка
Снимките од Флорида сликовито го покажуваат ефектот на разорниот ураган Милтон врз делови од американската држава.
Venice, FL took a wallop from #HurricaneMilton as it rushed ashore on Wednesday evening.
Here’s a look at some of the sights and sounds our field correspondents caught on camera. pic.twitter.com/00El1bQTlA
— WeatherNation (@WeatherNation) October 10, 2024
На видеото се гледа мал авион, кој очигледно бил превртен од силен ветер. Излозите и улиците се преплавени со вода од зголеменото ниво на морето што ги придружува разорните урагани како Милтон.
Свет
Гутереш го назначи Том Флечер за нов шеф на хуманитарната помош на ОН
Генералниот секретар на Обединетите нации Антонио Гутереш го назначи поранешниот британски дипломат Том Флечер за нов шеф на ОН за хуманитарна помош.
Флечер, кој моментално е директор на колеџот Хертфорд во Оксфорд и потпретседател на Советот на универзитетскиот колеџ во Оксфорд, го замени Мартин Грифитс, кој поднесе оставка од функцијата на крајот на јуни поради здравствени причини, пренесе АП.
Заменик портпаролот на ОН, Фархан Хак, кој го објави назначувањето, рече дека вршителот на должноста шеф на хуманитарната помош, Џојс Мсуја, ќе остане на функцијата додека Флечер не ја преземе функцијата.
Свет
Путин го разреши Анатоли Антонов од функцијата руски амбасадор во САД
Претседателот на Русија, Владимир Путин, со указ го разреши досегашниот амбасадор во Соединетите Американски Држави, Анатолиј Антонов, од таа позиција, како и од позицијата постојан набљудувач на Руската Федерација во Организацијата на американските држави.
Како што пренесе Интерфакс, претседателскиот декрет од 10 октомври е објавен на официјалниот интернет портал за правни информации.
Руското Министерство за надворешни работи минатата сабота соопшти дека Антонов ја завршил службата во Вашингтон. Дипломатот беше назначен за руски амбасадор во САД во август 2017 година.