Свет
Историски успех: Втор пациент излечен од ХИВ
Британец е вториот човек во светот дијагностициран со најчестиот тип на ХИВ вирус кој најверојатно е излечен од инфекцијата по трансплантација на матични клетки, пренесе Си-ен-ен.
Таканаречениот „Лондонски пациент“ ја примил трансплантацијата од донатор со ретка генетска мутација што го прави отпорен на вирусот – сличен на донаторот кој му помогна на првиот „Берлински пациент”, Тимоти Реј Браун (на фотографијата), да премине во ремисија пред 10 години.
„Лондонскиот пациент”, кој посакал да остане анонимен, живее без антиретровирусна терапија веќе 18 месеци, а на неговото тело не се видлици никакви знаци на вирусот.
„Постигнувајќи ремисија кај втор пациент со користење сличен пристап, покажавме дека ‘Берлинскиот пациент’ не беше аномалија и дека навистина е третмански пристап кој го елиминираше ХИВ кај овие две лица“, рече главниот истражувач на случајот, Равиндра Гупта.
Гупта додаде дека иако технологијата за трансплантација на матични клетки не е универзален третман за секого, таа може да придонесе за развој на други методи кои ќе помогнат да се елиминира вирусот на ХИВ од телата на луѓето.
Околу 37 милиони луѓе во светот живеат со ХИВ кој потенцијално може да се развие во синдром на стекнат имунодефицитен ризик (СИДА). Луѓето кај кои е дијагностициран ХИВ треба доживотно да земаат антиретровирусни лекови за да го потиснат вирусот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
САД: Додик е безбедносна закана
Соединетите Американски Држави го сметаат лидерот на босанските Срби Милорад Додик за закана за безбедноста, а спремни се да реагираат на секое загрозување на опстанокот на Босна и Херцеговина како држава, изјави американскиот амбасадор во Сараево Мајкл Марфи.
Марфи потсети на изјавата на Додик дека „не сака да дише ист воздух со Бошњаците“, оценувајќи дека тоа би требало да го загрижи секого, вклучувајќи ја меѓународната заедница.
Објасни дека САД нема мирно да го гледаат ризикот од избивање нов конфликт на тлото на БиХ и затоа силно го поддржуваат продолжувањето на воената мисија на ЕУ, но и решителноста на НАТО да не дозволи „безбедносен вакум во земјата“.
„Нашата политика е цврста и јасна и таква е во последните 30 години. Ги поддржуваме територијалниот интегритет, суверенитетот и мултиетничкиот карактер на БиХ, тоа е наш интерес и ќе го браниме“, кажа американскиот амбасадор за внатрешните прашања на БиХ.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.