Свет
Газа е без хуманитарна помош веќе 60 дена, основните прехранбени производи исчезнуваат

Хуманитарна помош во форма на храна, лекови и гориво не е пристигната во Појасот Газа веќе 60 дена бидејќи Израел ја блокира, а хуманитарните организации се оставени без храна за дистрибуција.
Околу 2,3 милиони Палестинци во Газа сега живеат претежно од конзервиран зеленчук, ориз, тестенини и леќа, а месото и млекото се храната што исчезна, пренесува АП. Во исто време, кујните на луѓето во Газа остануваат без храна, пренесува Танјуг.
Израел воведе ембарго за помош на 2 март, а потоа ја обнови својата офанзива врз Газа на 18 март, прекршувајќи го двомесечното примирје. Како што е наведено, двата чекори беа преземени за да се изврши притисок врз Хамас да ги ослободи преостанатите заложници. Групите за човекови права ја нарекоа блокадата тактика што го загрозува целото население и претставува потенцијално воено злосторство.
Лекарите предупредуваат дека најранливи се децата на кои им недостасуваат протеини и други хранливи материи, што може да има долгорочни последици.
ОН објави дека утврдиле дека 3.700 деца страдале од неухранетост во март, што е за 80 проценти повеќе отколку во февруари. Израел претходно тврдеше дека има доволно хуманитарна помош во Газа откако нејзината испорака се зголеми за време на прекинот на огнот и го обвини Хамас дека ја пренасочува помошта кон сопствени потреби.
Хуманитарните работници го негираа ова, велејќи дека ОН строго ја следи дистрибуцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Песков: Украина продолжува со милитаристичка политика наместо дијалог

Украина продолжува со својата милитаристичка политика наместо дијалог, изјави денес Дмитриј Песков, портпарол на рускиот претседател, Владимир Путин.
„Гледаме дека тие (Украина) продолжуваат со овој милитаристички став наместо да размислуваат како да се вклучат во дијалог со цел заеднички да бараат безбедносни гаранции за време и во рамките на дијалогот“, изјави Песков пред новинарите, пренесува „РИА новости“.
Тој додаде дека Кремљ слуша разни гласови од европските престолнини и затоа продолжува да ја следи ситуацијата.
Одговарајќи на прашање за изјавите на претседателката на Европската комисија, Урсула фон дер Лајен, во врска со создавањето ѕид од беспилотни летала во Европа, Песков рече дека историјата покажува дека градењето ѕидови е секогаш лоша работа.
„Многу е тажно што оваа милитаристичка конфронтациска политика на Украина сега потенцијално би можела да почне да се материјализира во создавање нови ѕидови на поделба“, истакна тој.
Фото: принтскрин
Европа
„Шпионирала за Киев, планирала да труе војници“: Русите уапсија готвачка на Крим

Федералната служба за безбедност (ФСБ) на Русија објави дека уапсила 45-годишна Русинка, главен готвач во ресторан во Севастопол, на Крим, под сомнение за шпионажа за Украина и план за труење руски војници, објави „Киев пост“.
Неименуваната жена, која е во притвор, е обвинета дека работела за Главната дирекција за разузнавање на Украина (ХУР) во последните две години. ФСБ тврди дека таа ги понудила своите услуги на украинската разузнавачка служба уште во септември 2023 година.
Таа наводно користела „Воцап“ за да споделува информации со своите врски за локациите и за рутите на рускиот воен персонал и опрема во Севастопол, поранешното главно пристаниште на руската Црноморска флота. ФСБ конкретно тврди дека таа фотографирала бродови на Црноморската флота стационирани во Севастополскиот Залив, кои подоцна биле користени од украинските вооружени сили за планирање ракетни напади.
Таа е обвинета и за план за труење припадници на руските специјални сили, кои го посетувале ресторанот во кој работела.
Кримскиот одред на ФСБ соопшти дека жената е обвинета за велепредавство според член 275 од Рускиот кривичен законик додавајќи дека истрагата за нејзините криминални активности е во тек. Во соопштението за медиумите на ФСБ се наведува дека ова е уште еден пример за тоа како „украинските специјални служби ја дестабилизираат општествено-политичката ситуација и предизвикуваат економска штета на државата со активно регрутирање сторители на саботажи и терористички напади“.
фото: принтскрин
Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин