Свет
Газа: Најголемата болница е речиси претворена во гробница, кучиња ги јадат труповите
![](https://makfax.com.mk/wp-content/uploads/2021/05/gaza.jpg)
Светската здравствена организација (СЗО) објави дека болницата „Ал Шифа“, најголемата во Газа, речиси е претворена во гробишта бидејќи околу болницата има тела што не може да се однесат во мртовечници или да се закопаат.
Портпаролот на СЗО, Кристијан Линдмајер, изјави дека приближно 600 лица останале во болницата, пренесува Би-би-би.
Директорот на болницата, Мохамед Абу Селмија, изјави дека поради тоа што израелските власти сѐ уште не дале дозвола телата да бидат транспортирани од болницата за да бидат погребани, кучињата влегле во болницата и почнале да ги јадат труповите, пренесуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
„Тешко е да се расправаш со лажго“: се огласи тимот на Бајден
![](https://makfax.com.mk/wp-content/uploads/2019/07/bajden-tramp.jpg)
Американскиот претседател Џо Бајден не се откажува од трката за реизбор, изјави денеска неговиот претставник од кампањата по дебатата против републиканскиот кандидат Доналд Трамп, од која некои демократи не беа задоволни.
„Се разбира дека нема да се откаже“, рече портпаролот на кампањата на Бајден, Сет Шустер, пренесува „Хил“.
По дебатата и Бајден потврди дека нема да се откаже од трката за нов четиригодишен мандат.
„Тешко е да се расправате со лажго. „Њујорк тајмс“ истакна дека тој лажел 26 пати“, рече тој, мислејќи на поранешниот претседател Трамп.
По настапот во дебатата во четвртокот вечерта со Трамп, Бајден беше широко критикуван од демократите, а некои признаа дека тоа ќе ги поттикне дискусиите за тоа дали претседателот треба да биде сменет пред националната конвенција во август, каде демократите формално ќе го номинираат својот кандидат.
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Свет
Ердоган: Турција е подготвена да ги нормализира односите со Сирија
![](https://makfax.com.mk/wp-content/uploads/2024/06/677z381_677z381_erdogan-propo.jpg)
Турскиот претседател Реџеп Таип Ердоган денеска изјави дека Турција е отворена за иницијативи за нормализирање на односите со Сирија и дека нема причина да не се воспостават дипломатски односи меѓу двете земји.
„Нема причина зошто да не се воспостават дипломатски односи. Со други зборови, ќе дејствуваме заедно во развивањето на соработката со Сирија исто како што правевме во минатото. Не можеме да имаме проблем или да имаме за цел да се мешаме во внатрешните работи на Сирија“, рече тој, пренесува ТВ каналот ТРТ Хабер, пренесува Танјуг.
На почетокот на месецот турскиот министер за одбрана Јашар Ѓулер изјави дека Анкара би можела да размисли за повлекување на војниците од сириска територија. Тој истакна дека услов за тоа ќе биде безбедноста на границата на Турција.
На крајот на мај, весникот „Хуриет“ објави дека Вашингтон создава „мал Израел“ на границата со Турција со помош на милитантите на Курдистанската работничка партија (ПКК) во Сирија, додека меѓународната заедница е „преокупирана“ со конфликти во појасот Газа и Украина.
Турските власти сметаат дека ПКК и нејзините ограноци се главната закана за безбедноста на земјата. Конфликтот трае од 1984 година, а турските вооружени сили спроведуваат операции против курдските милитанти на границите со Ирак и Сирија.