Свет
Генералниот директор на Светската здравствена организација побара од Египет да помогне во испораката на помош за Газа

Генералниот директор на Светската здравствена организација (СЗО), Тедрос Аданом Гебрејсус, изјави дека побарал од Египет да помогне во испораката на медицинска помош во соседна Газа бидејќи хуманитарната криза на палестинската територија се продлабочува поради израелските бомбардирања.
Гебрејсус рече дека египетскиот претседател Абдел Фатах ел-Сиси се согласил да помогне во пренесувањето на медицинската помош преку преминот што го поврзува Египет со јужниот дел на Газа.
Гебрејсус им рече на новинарите во Лион дека е длабоко загрижен за големиот број цивилни жртви и сочувствува со членовите на семејството, кои ги загубија своите најблиски, објави Си-ен-ен.
Под израелска опсада единствениот коридор преку кој Палестинците или помошта може да влезат и да излезат од Газа е преминот Рафах, кој се граничи со Египет.
Египет во четвртокот ги негира извештаите за затворање на преминот велејќи дека сепак претрпел штета од повторените израелски воздушни напади на палестинска територија, пренесува „Танјуг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.