Свет
Германија го забрани емитувањето на каналот „Раша тудеј“
Германската државна институција задолжена за медиумите (МАББ) го забрани емитувањето на телевизискиот канал „Раша тудеј ДЕ“ во Германија поради немање лиценца, објави денеска „РИА новости“.
„Комисијата на 1 февруари официјално го забрани организирањето и емитувањето на програмата на ‘Раша тудеј ДЕ’ во Германија бидејќи нема потребна дозвола во согласност со законодавството за медиуми“, се вели во соопштението на МААБ.
Покрај сателитското емитување, регулаторот побара и да се прекине емитувањето на интернет и преку мобилните апликации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Холандија и подари на Украина 24 авиони Ф-16: „Употребата не е ограничена“
Холандија дава 24 ловци Ф-16 на украинските воздухопловни сили што ќе може да ги користи и против цели во Русија.
„Ограничувањата за тоа каде Украина може да ги користи никогаш не беа дискутирани“, рече холандската министерка за надворешни работи Ханке Бруинс СлотБруинс Слот, додавајќи дека употребата не е ограничена ни на границата во близина на Харков.
Министерката во заминување ги негира претходните извештаи дека САД треба да ја одобрат испораката на овие ловци.
Украина очекува да добие 30 белгиски Ф-16, но може да ги користи само против цели во Украина, бидејќи тоа се услови поставени од Белгија.
Свет
Претседателски избори на Исланд, тесна трка меѓу три жени
Исланд денеска го избираасвојот седми претседател, а се очекува тесна трка меѓу три жени, пишува германската агенција ДПА.
Исклучително популарниот претседател Гудни Јоханесон повторно не се кандидираше. Тој ја извршуваше таа функција од 2016 година, а беше реизбран во 2020 година кога освои 92 отсто од гласовите.
Поранешната премиерка Катрин Јакобсдотир е една од фаворитите. Таа поднесе оставка во април за да се кандидира за претседателската функција.
Голема поддршка имаат и Хала Томасдотир, претприемачка кој исто така се кандидираше во 2016 година и Хала Хрунд Логадотир, експерт за заштита на животната средина и професор од Универзитетот Харвард.
Неодамнешната анкета објавена од дневниот весник Моргунбладид покажа дека Јакобсдотир води со 26 отсто поддршка од гласачите, следена од Томасдотир со 24 отсто, а 19 отсто велат дека ја поддржуваат Логадотир.
На претседателските избори има вкупно 12 кандидати. Претседателот има претежно церемонијална улога, но може да стави вето на законите и да распишува референдуми. Изборните резултати се очекуваат утре рано наутро.
Свет
Силен земјотрес го погоди Чиле
Земјотрес со јачина од 5,5 степени според Рихтер го погоди денеска регионот Антофагаста во Чиле, соопшти Европскиот медитерански сеизмолошки институт (EMSC).
Земјотресот се случил на длабочина од 118 километри, додава EMSC.
Епицентарот на земјотресот бил на 190 километри од градот Икике, кој има 227.000 жители.